گهر شماري ۽ آدمشماري جي اهميت ۽ اسان جون ذميواريون (سچل ڳوٺ ۾ سيمينار)

[JUSTIFY]آچر 27 مارچ جي شام جو چئين بجي سچل ڳوٺ ۾ گهر شماري ۽ آدمشماري جي اهميت ۽ اسان جون ذميواريون جي عنوان سان عوامي جمهوري پارٽي ۽ سنڌي اسٽوڊنٽس آرگنائزيشن پاران هڪ سيمينار (ليڪچر پروگرام) ڪرايو ويو۔ جنهن ۾ سچل ڳوٺ جي سماجي ۽ سياسي پارٽين جي دوستن شرڪت ڪئي۔ محترم فياض نائچ ڊائريڪٽر ڪرنٽ افيئرس ۽ تجزيه نگار سنڌ ٽي وي نيوز آدمشماري جي اهميت تي ليڪچر ڏنو۔

هن اها ڳالھ واضح ڪئي ته ماضي ۾ اسان جي سياسي ۽ سماجي تنظيمن آدمشماري جهڙي اهم مرحلي ۾ ڪو خاص ڪردار ادا ناهي ڪيو جڏهن ته هن وقت سياسي ۽ سماجي تنظيمون گهڻو متحرڪ نطر اچي رهيون آهن۔ هن چيو ته آدمشماري جي بنياد تي ئي بجيٽ ۽ پلاننگ ٿيندي آهي تنهنڪري اسانکي هن مرحلي ۾ سرگرم ٿي ڪم ڪرڻو پوندو۔ هن ٻڌايو ته 1948 جي آدمشماري ۾ سنڌ جي ٻهراڙيء جو تناسب شهرن جي مقابلي ۾ ٽيڻ تي هو جيڪو 1998 ۾ گهٽجي تقريبن برابري تي آهي يعني 51 ۽ 49 پرسنٽ۔

هن چيو ته اهڙي صورتحال ۾ پريشان ٿيڻ بجاء وڌيڪ اتحاد ٺاهي ۽ وڌيڪ سرگرم ٿي ڪم ڪجي۔ هن چيو ته سنڌي ميڊيا خاص ڪري سنڌي اليڪٽرانڪ ميڊيا جو ڪردار نهايت اهم آهي ڇو ته هن کان اڳ ٿيندڙ آدمشماري ۾ سنڌي ٻوليء ۾ نمائدگي ڪرڻ لاء اليڪٽرانڪ ميڊيا جو پليٽ فارم موجود ڪونه هو۔ هن چيو ته ماڻهن کي گهرجي ته وڌيڪ خاندان لکرائن خاص ڪري هر شادي شده ماڻهو ته ضرور پنهنجو الڳ خاندان ڄاڻائي۔

فياض نائچ کانسواء ، مشتاق راجپر ۽ ٻين دوستن پڻ پنهنجي خيالن جو اظهار ڪيو۔[/JUSTIFY]

​

 

جواب: گهر شماري ۽ آدمشماري جي اهميت ۽ اسان جون ذميواريون (سچل ڳوٺ ۾ سيمينار)

ادا مهرباني

مان اوهان کي مِس ڪيو۔ اوهان جو هجڻ ضروري هو۔ تمام ڪارائتو ليڪچر هو

 

جواب: گهر شماري ۽ آدمشماري جي اهميت ۽ اسان جون ذميواريون (سچل ڳوٺ ۾ سيمينار)

سائين ميمڻ صاحب مهرباني

بلڪل ادا هر ماڻهو کي پنهنجو پنهنجو ڪردار ادا ڪرڻو پوندو ۽ عملي طور ميدان ۾ لهڻو پوندو۔ بجاء ان جي جو صرف کوکلا نعرا هڻون ۽ ڳالهيون ڪندا رهون۔ سنڌ جي بقا لاء آدمشماري ۾ صحيح انگ ڄاڻائڻ ضروري آهن