محترم دوستو۔۔۔۔ شروع شروع ۾ سنڌ سلامت تي ايتري ٽريفڪ ۽ مسلسل تحريرن جو اندازو نه هجڻ ڪري فورم کي ويبليٽن جي هڪ پراڻي ورجن تي انسٽال ڪيو ويو هيو۔۔۔۔ پر توهان سڀني دوستن جي ساٿ فورم کي شروع ٿيندي ئي پٽڙي تي چاڙهيو ۽ توقع جي خلاف جلدي فورم پنهنجي مواد ۽ مسلسل لکڻين سان ڀرجڻ لڳو۔۔۔۔ جنهن ڪري نين ٽيڪنالاجيز سان هم آهنگ ڪرڻ لاءِ فورم کي اپڊيٽ ڪرڻ ضروري ٿيندو پئي ويو۔۔۔۔ پر شروعات ۾ فورم کي اپڊيٽنگ جي ڪري ڪجهه وقت جي لاءِ بند ڪرڻ کي سٺو سنوڻ نه سمجهڻ ڪري فورم کي پراڻي ورجن تي ئي هلڻ ڏنو ويو۔۔۔۔ پر هاڻي دنيا جي ڪنڊ ڪڙڇ مان فورم تي ايندڙ مهمانن جي فيڊ بيڪس وارين ميلز ۾ ڏنل مسئلن کي نظر ۾ رکي فورم کي اپ ڊيٽ ڪرڻ جو فيصلو ڪيو ويو آهي ۔۔۔ ان سلسلي ۾ توهان جي معلومات ۾ اضافو ڏيڻ لاءِ ٻڌائيندو هلان ته سنڌ سلامت جو موجوده ورجن وي بليٽن 8۔6۔3 آهي جڏهن ته وي بليٽن پنهنجو ليٽيسٽ ترين ورجن 3۔8۔3 پڻ لانچ ڪري چڪو آهي۔۔۔۔ ان ڪري سنڌ سلامت فورم کي نئين رليز سان هم آهنگ رکڻ لاءِ ان کي اپڊيٽ ڪرڻ جي ضروري آهي. ۔۔۔ ان سلسلي ۾ ادا عامر ضياء چارڻ کي درخواست ڪئي وئي آهي جن فورم کي اپڊيٽ ڪرڻ ۾ سهڪار ڪرڻ جي حامي ڀري آهي۔۔۔۔ ان ڪري فورم جي سڀني رُڪنن کي آگاهه ٿو ڪجي ته فورم جي اپ ڊيٽ سڀاڻي اڱارو 28 جولائي تي شروع ڪئي ويندي. جنهن ڪري فورم ٻن کان ٽن ڏينهن تائين بند رهي سگهي ٿو۔۔۔۔. سڀاڻي اڱاري جي ڏينهن توهان جيڪي تحريرون موڪليو، انهن جو رڪارڊ پاڻ وٽ محفوظ رکندا ڇاڪاڻ ته اپگريڊ دوران سڀاڻي جون تحريرون ضايع ٿيڻ جو خدشو آهي۔۔۔. توهان جي طرفان فورم تي اچڻ، ان کي مختلف دوستن تائين پهچائڻ ۽ پنهنجي لاجواب لکڻين سان فورم کي بهتر بنائڻ لاءِ توهان جي ورتل ڪوششن لاءِ مون سميت سموري انتظاميه توهان جي ٿورائتي آهي۔۔۔
فورم کي نئين رليز ٿيل ورزن تي نئين انداز سان ڏسي ڪري خوشي محسوس ٿيندي. اڳواٽ آگاهي لاءِ ٿورائتو آهيان.
ادا ابوزين صحيح ٿا چئين فورم کي نئين رليز ٿيل ورزن تي نئين انداز سان ڏسي ڪري خوشي محسوس ٿيندي. اڳواٽ آگاهي لاءِ ٿورائتو آهيان.
پر يار رشيد اهو ٽن ڏينهن جو وڇوڙو وري سنڌ سلامت کان يار جُهري پونداسين پر اسان کي خبر آهي ته تون جادوگر آهين يقينن سنڌ سلامت کي خوب کان خوب بنائڻ جي ڪوشش ڪندين، ڇو ته هرڪو ماڻهو چاهيندو آهي ته سندس اڱڻ پيارو نظر اچي تون ته مٺا سموري سنڌ جي مٺن سنڌي ماڻهن لاءِ پاڻ پتوڙين پيو۔ جس هُجي ادا رشيد مونکي ايتري ته خبر ڪانهي پر انهي عمل ۾ تُنهنجي يقينن جمع پونجي به گهڻي خرچ ٿي هوندي۔ دوست جيڪڏهن انهي ڪار خير ۾ ڪو حصو ملائيڻ چاهيون ته ڪيئن ٿا ملائي سگهون پليز هي اسان جي سنڌي ٻوليءَ جو معاملو آهي، هي اسان جي سنڌ سلامت جو معاملو آهي۔ يقينن سنڌ سلامت جا سمورا دوست مُنهنجي انهيءَ راءِ سان متفق ٿي اڳيان ايندا وڌيڪ مٺا جيڪا تُنهنجي مرضي
۽ آخرڪار 15 ڏينهن گذرڻ کان پوءِ فورم کي واپسي جي قابل بڻايو ويو۔۔۔۔ جي ها ۔۔۔ اهو درست آهي ته 3 ڏينهن جو چئي 14 ڏينهن گذري ويا پر فورم ٻيهر ظاهر نه ٿيو ۔۔۔ دوستو توهان جي فورم سان بي انتها محبت جو مان ان ڳالهه اندازو لڳايو جو 3 ڏينهن گذرڻ کان پوءِ مون وٽ رجسٽرد ۽ غير رجسٽرڊ رڪنن جون مسلسل ميلز اينديون رهيون جيڪي فورم کي ٻيهر فعال ڪرڻ جو پڇندا رهيا۔۔۔۔ فورم کي آف لائين رکي ان تي مسلسل ڪم ڪيو ويو پر جيئن ته وي بي تي هي واحد سنڌي فورم آهي ۽ پهريون ڪم ڪندڙن لاءِ کوڙ پريشانيون پڻ سامهون اينديون آهن ان ڪري ڪافي ڪوشش باوجود فورم کي نئين ورجن تي منتقل ڪري نه سگهيو ويو ان جا ڪئي سبب پڻ هئا ۔۔۔ جنهن مان هڪ اهم سبب فورم جو موجوده لڳ ڀڳ سوا سئو ميگا بائيت تي مشتمل ڊيٽابيس جنهن کي ساڳي ترتيب ۾ اهڙي نموني سهيڙڻ جو ڊيٽا ضايع نه ٿئي هڪ ڏکيو ڪم هيو۔۔۔ پنهنجي مسلسل مصروفيت مون کي سنڌ سلامت لاءِ اضافي وقت ڪڍڻ جو موقعو نه ڏنو ان ڪري ادا عامر ضياء جي محنت سان تيار ڪيل هن ٽيمپليٽ کي ئي سنڌ سلامت تي سجائڻ تائين پهچي سگهيم ۔۔۔ فورم کي ليٽيسٽ ورجن تي اپ گريڊ ڪرڻ جي سلسلي ۾ ادا علي علي پنهنجي مصروفيتين باوجود ڪم ڪري رهيا آهن ۔۔۔ جيئن ئي ان سلسلي ۾ ڪا اڳ ڀرائي ٿي ته فورم کي تڪڙو نئين ورجن تي منتقل ڪيو ويندو۔۔۔ سنڌ سلامت جي سموري ساٿ بشمول فورم تي روزانو ايندڙ مهمانن کان هڪ دفعو ٻيهر معزرت ٿو ڪريان ته فورم کي ٻيهر آن لائين ڪندي ڪافي وقت گذري ويو۔۔۔ اميد ته ساٿي پنهنجي جذبي کي نئين سر سان ترتيب ڏئي ٻيهر فورم تي ڪم ڪندا ۽ محبت جي هن ميڙاڪي کي اڳتي جاري رکندا۔۔۔ سنڌ سلامت ساٿ سلامت
اسان جي سهڻي سردار حضور نبي ڪريمﷺ جي هڪ حديث مبارڪ جو اقتباس ڪجهه هن طرح آهي ته الله تعاليٰ جي حضور ۾ هڪ اهڙي شخص کي آندو ويندو، جيڪو دنيا ۾ تمام غريب ۽ مصيبتن ۾ اَڙيل هوندو، پوءِ کيس جنت مان هڪ ٽُٻي ڏياري ويندي، ۽ پوءِ کانئس پُڇيو ويندو ته اي ٻانها! ڇا تو دنيا ۾ ڪڏهن ڪا تڪليف به ڏٺي هُئي؟ هو وراڻيندو ته نه سائين! مون کي ته دنيا ۾ ڪا به تڪليف محسوس نه ٿي آهي... سَچ پُڇو ته مون کي منهنجي پياري ڀائٽيي ابو زين سنڌ سلامت جي سائيٽ کي وزت ڪرڻ لاءِ ائين عادت وجهي ڇڏي، جو 15 ڏينهن جو وقفو واقعي به هُٽ کُٽ وارو هيو. ۽ آخرڪار! سائين رشيد صاحب جن مهرباني ڪئي ۽ ميسيج ڪيو ته هاڻي تون سنڌ سلامت کي چيڪ ڪري سگهين ٿو. سَچُ پڇو ته سائيٽ ڏسڻ سان اهي ڳڻتيون ۽ سڀئي پريشانيون ختم ٿي چڪيون. ماشاءَ الله تمام سهڻي انداز سان سينگاري وئي آهي. سموري سٿ جَسُ لهڻي...!
سائين يقين ڪريو ته اهي پندره ڏينهن مون ڪيئن گذاريا آهن، ڇو جو هتي انڊيا ۾ هڪ اهائي ته پنهنجي اوطاق آهي جتي ڀوڳ ٺڪاءُ به آهي ۽ سمجهاڻيون به، سائين وري اهڙو وڇوڙو برداشت نه ٿيندو، ٻيلي ڇو ٿا فقيرن سان ڦٽايو
سائين نثار ابڙا صاحب توهان جي اڃان پوئين بينچ تي ڦلپوٽي فقير جي اشهد اڳر پڻ لڏي رهي آهي shal judy hujeen بلڪل سچ پيا چئو ادا shal judy hujeen sindhsalamatsaathsal
شروع الله جي نالي سان جيڪو مهربان ۽ نهايت رحم وارو آهي السلام عليڪم ساٿيو هن فورم جي طرقي جو راز هي آهي ته پنهنجي اندر مان سڀئي نفرتون، ختم ڪري صرف پنهنجي سنڌي ٻولي جي لاءِ ڪم ڪري رهيا آهيون۔ ٻئي نمبر تي اِها ڳالهه آهي ته هن فورم جي ايڊمن ۽ ٻئي اسٽاف ڪڏهن به ڪنهن سان ٻين فورمن وانگر ميمبرن تي ماٽيلي ماءُ وارو سلوڪ ناهي ڪيو۔ جتي نفرتون ناهن هونديون، اُتي محبتون جنم وٺنديون آهن، ۽ محبتن جي ميدان ۾ هڪٻئي جي همٿ افزائي ڪئي ويندي آهي ۽ همٿ افزائي سان انسان اڳيان ايندڙ مصيبتون ختم ٿي وينديون آهن ۽ هن جو هر پل ترقي ڏانهن تيزي سان سفر ڪندو ويندو آهي۔ اچو ته محبتن ڀريي هن فورم کي بهتر کان بهترين ڪري دُنيا کي اُهو ڏيکاريون ته اسين سنڌي به اڄ جي دور ۾ توهان سان ڪلهو ڪلهي ۾ ملائي ڪري بيهي سگهون ٿا۔ دُعائن جو طلبگار راجا عبدالوهاب اسلام آباد
