سنڌ جو ناليوارو اداڪار عبدالحسين ساريو ڪينسر وگهي ڪراچي ۾ لاڏاڻو ڪري ويو

[سليمان وساڻ]

سنڌ جو ناليوارو اداڪار عبدالحسين ساريو ڪينسر وگهي ڪراچي ۾ لاڏاڻو ڪري ويو​

ملير (خاص عيوضي): سنڌ جو مشهور اداڪار عبدالحسين ساريو ڪينسر جي مرض سان جنگ ڪندي جواني ۾ ئي حڪومت جي بي ڌياني سبب ذريل ڏينهن ڪراچي جي آغا خان اسپتال ۾ لاڏاڻو ڪري ويو هو گذريل 4 سالن کان ڪينسر جي مرض ۾ مبتلا هو. هن ڏيهه توڙي پرڏيهه مان علاج ڪرايو، تازو ڪجهه مهينا اڳ هن سنگاپور مان علاج ڪرايو هو جنهن بعد هو صحتياب ٿي ويو هو کيس ڊاڪٽرن وڌيڪ هڪ ڀيرو سنگاپور وڃڻ جي صلاح ڏني هئي پر علاج جا پئسا نه هجڻ ڪري هو وڃي نه سگهيو. هو گذريل 3 ڏينهن کان اسپتال جي انتهائي نگهداشت واري وارڊ ۾ اسپتال داخل هو. جتي هن دم ڏنو. اطلاع تي ساٿي طارق پٺاڻ، سليم سيال، ٽي وي اداڪار منير پٺاڻ، عزيز ميمڻ ۽ ٻيا آغا خان پهتا ۽ مڙهه سان گڏ باڊهه روانا ٿي ويا. کيس اڄ اباڻي شهر باڊهه ۾ مٽي ماءُ حوالي ڪيو ويندو. ٻئي طرف اداڪار حسين ساريو جي ميت کي باڊهه لاءِ روانو ڪرڻ وقت ثقافت کاتي جا اعليٰ عملدار محمد رمضان اعواڻ، منظور قناصرو، محمد علي مانجهي ۽ ٻيا موجود هئا.​

حسين ساريو ڳوٺ گند شريف ۾ جنم ورتو، اداڪاري ۾ وڏو نالو ڪمايو​

باڊهه (ن ع آ): مرحوم عبدالحسين 1970ع ۾ باڊهه ڀرسان ڳوٺ گند شريف ۾ فقير عبدالغفور ساريو جي گهر ۾ اک کولي هن ابتدائي تعليم پنهنجي ڳوٺ مان حاصل ڪئي. بادشاهه هاءِ اسڪول مان ميٽرڪ پاس ڪرڻ بعد حيدر بخش جتوئي سائنس ڪاليج ڏوڪري مان انٽر پاس ڪرڻ بعد هن شاهه عبداللطيف يونيورسٽي خيرپور مان ايم اي ڪامرس ڪئي. عبدالحسين ساريو هاءِ اسڪول واري دور ۾ اسٽيج ڊرامن جي شروعات ڪئي. سندس پهريون اسٽيج ڊرامو منزل هيو جنهن کي مقبوليت ڏني بعد ۾ هن سوين سنڌي، اسٽيج ناٽڪ ۽ ڊراما ڪيا. ڪيترين ئي ٽيلي فلمن ۽ خانگي ٽي وي چئنلز تي هلندڙ فلمن، سنڌي ۽ اردو ڊرامن ۾ اداڪاري جا جوهر ڏيکاريا، ٻئي طرف اسٽيج ۽ ٽي وي جي سندس ساٿي اداڪارن بلاول کوکر، حسن مستانو، منور علي نوناري، زاهد ميراڻي، فياض سومرو ۽ ٻين سندس وڇوڙي کي نقصان قرار ڏيندي چيو ته عبدالحسين ساريو جهڙا انسان ورلي پيدا ٿيندا آهن. سندس خال صدين تائين نه ڀرجي سگهندو. مرحوم کي هڪ پٽ ۽ ٻن نياڻين جي اولاد آهي سندس شادي برادري مان ٿيل هئي.​

سياسي ۽ سماجي تنظيمن پاران سوڳ جو اعلان​

ڪراچي (نمائندن وٽان): اداڪار حسين ساريو جي لاڏاڻي تي سياسي سماجي ڌرين سوڳ جو اعلان ڪندي افسوس جو اظهار ڪيو آهي، باڊهه ۾ جسقم، ايس ٽي پي، باڊهه سوشل فورم 3 ڏينهن سوڳ جو اعلان ڪيو. ميهڙ ۾ سرمد سنڌي ڪلچر فورم جي صدر امتياز عادل سومرو ۽ ٻين 3-3 ڏينهن سوڳ جو اعلان ڪيو. کهڙا ۾ سنڌ فنڪار اتحاد 3 ڏينهن جي سوڳ جو اعلان ڪيو. اداڪارن عزيز سانگي، مولا داد جتوئي ۽ ٻين ڏک جو اظهار ڪيو. سنڌ فنڪار ويلفيئر ٽرسٽ جي مرڪزي چيئرمين حميد ڀٽو 10 ڏينهن سوڳ جو اعلان ڪندي چيو آهي ته 11 اپريل تي ممتاز مرزا اسٽوڊيو ڪراچي ۾ تعزيتي ميڙاڪو ٿيندو.​

روزانه عوامي آواز جي خبر

http://www.youtube.com/watch?v=LFkBXs7xVNk

 

[TAHIR SINDHI]

جواب: سنڌ جو ناليوارو اداڪار عبدالحسين ساريو ڪينسر وگهي ڪراچي ۾ لاڏاڻو ڪري ويو

انا لله وانا اليه راجعون۔
ڌڻي در دعاء آهي ته سندس مغفرت فرمائي۔
حسين ساريو ويچاري وڏي جنگ جوٽي هن اذيت ناڪ مرض سان، پر اها غربت خبر نه آهي اسان کان الاجي ڪيترا حسين کسيا آهن، اسان جي حڪومت وٽ فضول خرچن عياشن لاءِ وڏو پيسو آهي، پنهنجي خاندانن لاءِ الڳ جهاز بڪ ڪرائڻ لاءِ ته پيسو آهي، پنهنجن ٻارن ۽ يارن کي فارين ۾ وڏيون خريداريون ڪرائڻ لاءِ پيسو آهي، پر حسين جهڙن لاچارن بيمارن غريبن جي مدد لاءِ پيسو نه آهي۔
تاريخ ۾ هي ڏينهن ڪاري رنگ سان ڏک غم جي ڳوڙهن سان لکيو ويندو۔​

 

[عرس پريو]

جواب: سنڌ جو ناليوارو اداڪار عبدالحسين ساريو ڪينسر وگهي ڪراچي ۾ لاڏاڻو ڪري ويو

انا لله وانا اليه راجعون۔

ادا اسانجي حڪومت کي پنهنجون شاهه خرچيون ختم ٿين ته غريبن ڏانهن ڏسن نه ، هنن ظالمن کي ته الله پڄي

 

[TAHIR SINDHI]

جواب: سنڌ جو ناليوارو اداڪار عبدالحسين ساريو ڪينسر وگهي ڪراچي ۾ لاڏاڻو ڪري ويو

اداڪار حسين ساريي جو وڇوڙو

ننڍپڻ کان ئي شوبز جي دنيا ۾ قدم رکندڙ عبدالحسين ساريو ڪالهه زندگيءَ جي جنگ هارائي ويو. ٽن سالن کان ڪينسر جهڙي موذي مرض سان جنگ جوٽيائين، پر آخر ۾ هو بنهه مايوس ٿي چڪو هو. ڪراچي جي هڪ خانگي اسپتال جي انتهائي نگهداشت واري وارڊ ۾ جڏهن هن سان ملڻ ويس اتي به هن ڊاڪٽر کي اهو چيو ته، ”مون کي زهر جي انجيڪشن هڻو، مان هاڻ مرڻ ٿو چاهيان.“ ڪمزوريءَ سبب هو هڏڙن جي مٺ بڻجي چڪو هو. صرف نڙيءَ وٽ آواز واري سگهه وڃي بچي هئس. ان وقت آئون پاڻ به پنهنجا ڳوڙها روڪي نه سگهيو هئس، جڏهن ڳوڙها ڳاڙيندي چيو هو ته، ”هاڻ منهنجن ٻچڙن جو ڇا ٿيندو، جن کي مان پنهنجي محبت به نه ڏئي سگهيس، جيڪي اڃان ڪنهن منزل تي به ناهن پهچي سگهيا.“ ڪجهه ڏينهن پهرين 30 مارچ تي بيماري دوران پرگهور نه لهڻ تي اداڪارا روشن عطا اسان کان هميشه لاءِ موڪلائي وئي. ان کان پهرين جناح اسپتال ۾ ٻه مهينا علاج هيٺ رهڻ کان پوءِ اداڪار يحيٰ ڀٽو به وفات ڪري ويو. اسان جا آرٽسٽ ائين وڇڙندا وڃن پر سرڪار انهن جو مڪمل علاج ڪرائڻ بدران صرف ڪجهه پئسا ڏئي اهو چوي ٿي ته اسان هنن جي مدد ڪئي آهي ۽ اڳتي به ڪنداسين. موجوده حڪومت ۾ سنڌي فنڪار تڙپي تڙپي نڌڻڪائي ۾ دم ڏئي رهيا آهن، روزانو فنڪارن. اديبن جي بيمارين جون خبرون اخبارن ۽ چئنلز تي هلي رهيون آهن پر سرڪار انهن کان لاتعلق بڻيل آهي. گذريل حڪومتن ۾ فنڪارن جو پرڏيهه مان علاج به ٿيو آهي پر هن حڪومت ۾ هڪ به سنڌي فنڪار کي علاج لاءِ ٻاهر نه موڪليو ويو آهي. جيڪو فنڪارن جو وظيفو هوندو آهي، هن حڪومت ۾، اهو پنجن مهينن کان بند ڪيو ويو آهي. بهرحال اسان جا سينئر آرٽسٽ اڄ به بيماري جي بستري تي پيل آهن. سينئر اداڪار مشتاق چنگيزي فالج سبب گهر ۾ بيمار آهي، اداڪاره قمر النساء هڪڙو ڪينسر سبب گهر ۾ بيماريءَ جي بستري تي پيل آهي. سينئر اداڪار، صداڪار اي آر ميمڻ بيماريءَ سبب هڪ ڄنگهه کان معذور بڻجي زندگي جا ڏهاڙا گهر ۾ گذاري رهيو آهي، شاعر راشد مورائي، محمد علي پٺاڻ، سرڪش سنڌي ۽ اديب طارق عالم ابڙو ۽ ٻيا ڪيترائي اديب، شاعر، فنڪار سرڪاري خرچ تي علاج جا حقدار آهن پر سرڪار انهن کي ڪنهن به اسپتال ۾ داخل نه پئي ڪرائي. انهن کي اهو پئي چئي ته توهان پنهنجن پئسن مان علاج ڪرايو ۽ اسان توهان کي علاج لاءِ پئسا ڏينداسين. جهڙي طرح راڳي انور حسين وسطڙي پنهنجي بيماريءَ جي علاج تي چار لک روپيا خرچ ڪيا، پر موٽ ۾ ثقافت کاتي کان هن کي هڪ لک روپيا مليا. هوڏانهن اديب، شاعر محمد علي پٺاڻ 2 لک کان وڌيڪ بيماريءَ جي علاج تي خرچ ڪري ڇڏيا پر ثقافت کاتي 50 هزار ڏئي ان کي چيو ته توهان 19 هين گريڊ ۾ آهيو، غريب نه آهيو، يعني وڌيڪ پئسا ڪونه ڏينداسين. جنهن تي محمد علي پٺاڻ ڏک ۽ ڪاوڙ مان اهي پئسا واپس ڪرڻ جو اعلان ڪيو آهي. اهڙي طرح بڪين ۽ جيئري جي بيماريءَ ۾ مبتلا اديب، ناول نگار، ڊراما نگار طارق عالم ابڙو ڪراچي سول اسپتال ۾ ٻن هفتن کان علاج هيٺ آهي پر ڪو به سرڪاري عملدار، ان جي عيادت ڪرڻ به نه ويو آهي. موجوده چونڊيل حڪومت سنڌي فنڪارن لاءِ ڪجهه به ڪري نه سگهي آهي.
مصطفيٰ ملاح/ ڪراچي
The Kawish Group of Publication
B/2 Civil Line Hyderabad,Sindh Pakistan.
Phone:+92 (22) 2780026,2780027,2780525 Fax: +92 (22) 2780772, 2781167
Email: kawish12@gmail.com ---- thekawish_hyd@yahoo.com
http://www.thekawish.com/Hyde_park/today2.html

 

[مست]

جواب: سنڌ جو ناليوارو اداڪار عبدالحسين ساريو ڪينسر وگهي ڪراچي ۾ لاڏاڻو ڪري ويو

سنڌ جي هن بهترين اداڪار جي وڇوڙي تي جيترو به افسوس ڪجي اهو گهٽ آهي، ڇو ته حسين ساريو هڪ بهترين اداڪار هجڻ سان گڏ هڪ بهترين شخصيت ۽ سلڇڻو ماڻهو هو، جيڪو سندس ڳالهائڻ مان ئي محسوس ٿيندو هو۔۔۔ شل الله پاڪ مرحوم جي درجات کي بلند فرمائي۔۔۔​

 

[رياض حسين گلال]

جواب: سنڌ جو ناليوارو اداڪار عبدالحسين ساريو ڪينسر وگهي ڪراچي ۾ لاڏاڻو ڪري ويو

انا لله وانا اليه راجعون۔

 

[محمدجوادعسڪري]

جواب: سنڌ جو ناليوارو اداڪار عبدالحسين ساريو ڪينسر وگهي ڪراچي ۾ لاڏاڻو ڪري ويو

انا لله وانا اليه راجعون
اها خبر ان ڏينهن ڪاوش ۾ پڙهي انتهائي تڪليف پهتي
اهو ڏينهن اکين اڳيان اچي ويو جڏهن آءُ 2003 ۾ ڄامشورو وڃي رهيو
هيس دادو ۾ پهچڻ کان پهريان اسان جي ڪوچ خراب ٿي پئي
اسان سڀ مسافر ڪوچ ۾ ئي ويٺا رهياسين جو ڊرائيور ڪنهن کي لهڻ جي اجازت
نه ڏني
ڪجهه مسافرن بوريت دور ڪرڻ لاءِ شعر ٻڌائڻ شروع ڪيا
۽ ائين ڪنهن جو توجه ئي ڪونه هيو ته هڪ ماڻهو شعر پڙهڻ شروع ڪيو
اسان جڏهن ان ڏانهن نگاه ڪئي ته اهي مرحوم ساريو صاحب هيا
۽ سائينم سدائينم وارو شعر پڙهيائون
ان وقت تازو اسد َريشي جي فلم دريا پار آئي هئي ان ۾ مرحوم ساريو جو ڪردار
فقيري جي نالي سان هيو ۽ ڇوته اڪثر ماڻهون ان جي نالي کان واقف نه هيا
ان کي واه فقيرا واه فقيرا جي نالي سان داد پئي ڏنائون
۽ مان انتهائي خوش ٿيس ۽ ڄامشوري پهچي مان جڏهن گهر فون ڪئي
ته پهرين ڳالهه گهر وارن کي اها ٻڌايم ته مان فقيري کي ڏٺو
الله پاڪ کان دعا آهي ته ان جي مغفرت فرمائي ۽ ان کي جنت ۾
جڳهه عطا ڪري آمين

 

[Sindhi Media]

 

[ارباب علي ڀيلار]

 

[ارباب علي ڀيلار]

انا لله وانا اليه راجعون۔
اداڪار عبدالحسين ساريوجي وفات تي تمام گھڻو ڏک ٿيو
افسوس آھي الله پاڪ ھن جي روح کي سڪون ، جنت فردوس ۾ جڱھ عطافرمائي آمين.

 

[رضوان علي جمالي]

ڏکائتي خبر