وريا واهرو - لطيفيات (عبدالواحد آريسر)

[سليمان وساڻ]

عبدالواحد آريسر جا فڪري ۽ ڏاهپ وارا مضمون پڙهڻ لائق هوندا آهن۔ سندس هي ڪتاب ”وريا واهرو“ لطيفيات تي هڪ بهترين ڪتاب آهي۔ هن ڪتاب ۾ شاهه لطيف جي فڪر کي اجاگر ڪيو ويو آهي ۽ لطيف کي هڪ نئين رخ کان نظر وڌي وئي آهي۔


ڪجهه ڪتاب بابت:

آئون لطيف کي محبِ وطن عوام دوست، انقلابي، آزاد سنڌ جو علمبردار، امن جو پيغمبر ۽ هيٺين طبقي جو حامي سمجھان ٿو هن کي نه صرف پنهنجي سرزمين سان محبت هئي، پر عوام سان به عشق هو. هو هر قسم جي غلاميءَ جو دشمن، آزاديءَ جو ڪوڏيو ۽ جنگ جو ويري هو. هو پنهنجي تاريخي شعور جي روشنيءَ ۾ هن نتيجي تي پهتو هو ته آزادي، هر انسان جو پيدائشي حق آهي، جنهن کي ختم ڪرڻ سموري انسان ذات کي قتل ڪرڻ جي برابر آهي. امن هن ڪائنات جي فرد جي ضرورت آهي. امن جي ذريعي ئي تهذيب جي اوسر ٿئي ٿي، تمدن وڌي ٿو، فڪر ۽ فن نسري ۽ نِکري نروار ٿين ٿا. جنهن انسان، فرد، قوم ۽ فنڪار کي پنهنجي سرزمين ــــــــــــــ ان جي عوام جي آزادي ۽ خوشحاليءَ سان محبت ناهي، سو خود غرض ۽ مطلبي آهي ــــــــ ۽ اِها وصف حيوانيت جي به هيٺئين درجي جي آهي.

مون لطيف کي، پنهنجي گھٽ علم ۽ عقل آهر ائين سمجھيو آهي ۽ انهيءَ پروڙ جي روشني ۾، آئون ڀٽ ڌڻي ڪن بيتن ۽ بيتن جي سِٽن جي سمجھاڻي لکي رهيو آهيان. ظاهر ڳالهه آهي ته اِهو منهنجو نقطئه نظر آهي ۽ انهيءَ نقطئه نظر موجب مون هي رنڊا روڙيا آهن.

ـــــــــــــــ عبدالواحد آريسر
(ڪتاب جي پيش لفظّ تان کنيل ٽۡڪڙو)

ڪتاب جي ڪمپيوٽر ڪمپوزنگ محترم آفتاب احمد ڪئي آهي ۽ وائس آف سنڌ پاران ڊجيٽل بوڪ ايڊيشن انٽرنيٽ تان متعارف ڪرايو ويو آهي۔

​

​

هتي ڪلڪ ڪري ڪتاب ڊائونلوڊ ڪيو​

​

 

[ڦلپوٽو فقير]

جواب: وريا واهرو - لطيفيات (عبدالواحد آريسر)

سائين ڪتاب پڙهي ڪري پو۽ ئي پنهنجي را۽ ڏيبي

تيستائين ائين چئي سگهان ٿو ته

سائين عبدالواحد آريسر صاحب جو ڪتاب آهي

ماشاالله زبردست هوندو

سدائين گڏ

 

[باغي عليم]

اڳ ۾ ئي پڙهيل آهي تمام ذبردست انداز ۾
لطيف تي نئين انداز ۾ پيش ڪيو آهي
آريسر صاحب،سائين جي ايم سيد ۽ آريسر
صاحب لطيف تي سنڌ ۾ سڀ کان پهرين
دور حاضر ۾ سائنسي طريقي سان
لکيو ۽ خوب نڀايو آهي۔۔۔۔۔

 

[TAHIR SINDHI]

ادا ڊائونلوڊنگ لنڪ درست ڪريو!

 

[تصور مهدي]

سائين مهرباني ٿيندي جيڪڏهن اوهان مان ڪنهن کي سائين آريسر صاحب جو ڪتاب ڀٽو ۽ مجيب آهي ته موڪليندا

 

[ممتاز علي وگهيو]

آريسر صاحب جو مختصر تعارف​

عبدالواحد آريسر موجوده جيئي سنڌ قومي محاذ (آريسر) جو سربراه آهي. پاڻ ديوبند جا فارغ تٍصيل عالم آهن، لطيف رح سائين جا بهترين پارکو ۽ شارح آهن، جي ايم سيد سان هن جي گهري وابستگي رهي آهي. پاڻ ڪيترائي ڪتاب لکيائين جن سنڌ جي نوجوان طبقي کي متاثر ڪيو. ويجهي ماضيءَ ۾ سندس تقريرون ايتريون ته پراثر هونديون هيون جو ٻڌندڙ پاڻ مرادو خاموش ٿي سندس دانشمندانه ڳالهيون غور سان ٻڌندا هئا. سندس مشهور ڪتابن مان هڪ ”سائين جي ايم سيد“ آهي جيڪو ڪتاب جي ايم سيد جي ذاتي ۽ سياسي زندگيءَ متعلق لکيل آهي.
آريسر صاحب جو لکڻ، پڙهڻ ۽ سياسي جدوجهد اڃا تائين جاري آهي. پاڻ اڃا تائين جي ايم سيد جي ڏنل سنڌ جي آزاديءَ واري پروگرام سان سلهاڙيل آهي. ان کان علاوه سندس ڪيترائي ڪتاب شايع ٿي چڪا آهن انهن مان ڪجه هيٺ ڏجن ٿا:

سر ۾ سانجهيءَ وير۔۔۔۔۔۔۔۔۔۔ترم ياترا۔۔۔۔۔۔۔۔وريا واهرو۔۔۔۔۔۔۔چانڊوڪيون ۽ چيٽ۔۔۔ماڻهو ميگه ملهار
آريسر جي ڪتاب چانڊوڪيون ۽ چيٽ مان ورتل ٽڪرو
اڄ جي سنڌ غلامن جو ٻيڙو آهي ٻيڙي جي هر پهريدار جي هٿ ۾ هڪ هنٽر آهي، جيڪو پوري قوت سان ان ٻيڙي ۾ سوار هر سرڪش غلام جي جسم تي ڦهڪا ڪندو ٿو رهي، پوء به ان ٻيڙي جا پهريدار ڪن مردن ۽ عورتن کي چوندا ٿا وتن ته اسان توهان نه رڳو ڀائر آهيون پر اوهان کي حاڪم مڃڻ لاء به تيار آهيون ۽ اهي نادان هنٽر جي ڦهڪاء کي ڀٽائيء جي تنبوري جو آواز سمجهيو ويٺا آهن۔​

​

 

[ابو مُرڪ]

عبدالواحد آريسر جا هن وقت تائين 33 ڪتاب ڇپجي چُڪا آهن. آريسر جي ٻولي ۾ رهاڻين جو رَس هوندو آهي. سندس تخليق ۾ پوري دنيا جا حوالا شامل هوندا آهن ۽ ڪنهن به اهم نُڪتي کي ثابت ڪرڻ لا هو ڪيترائي دليل ڏئي سگهي ٿو، اهو وٽس نرالو ڏان آهي، جيڪو سنڌ جي ادبي حلقي ۾ صرف ٻن ماڻهن وٽ هو، هڪڙو شيخ اياز ۽ ٻيو عبدالواحد آريسر. ٻنهي جو نثر ڪمال جو آهي ۽ ٻنهي لا نصير مرزا لکيو آهي ته: جديد سنڌي نثر جا باني عبدالواحد آريسر ۽ شيخ اياز آهن.
1_ پرهه جو پيغام (تقريرون)
2_صدين جون صدائون (تقريرون)
3_وريا واهرو (لطيفيات)
4_ ٽهڪي نڪتا ٽوهه (مضمون، ڪالم، تبصرا)
5_ سر ۾ سانجهي وير (مضمون)
6_ماڻهو ميگهه ملهار (خاڪا)
7_جي. ايم. سيد (سائين جي. ايم. سيد کي ڀيٽا)
8_ وطن پرستي (جائزو)
9_ قومي تحريڪ (جائزو)
10_ قومي تحريڪ ۾ رڪاوٽون (وڌايل ۽ سڌاريل ڇاپو)
11_ ٿي نه محبت مات (عدالتي بيان)
12_ترم ياترا (جيل ڊائري)
13_ماڙين ماريس ڪينڪي (جيل ڊائري)
14_اسان جيئن جيئي ڪو (ٽارچر سيل جي ڪٿا)
15_ مجيب ۽ ڀٽو (شيخ مجيب ۽ ذوالفقار علي ڀٽي جي سياسي زندگي تي تجزيو)
16_ ڇا ته شخص هو (سائين جي. ايم سيد کي ڀيٽا)
17_ مٽي هاڻا ماڻهو (فرانز فينن جي ڪتاب جو ترجمو)
18_ سِر جي صدا سُر ۾ (تقريرون_تحريرون)
19_ سچ وڏو ڏوهاري (مخدوم بلاول تي نئين نقطه نظر)
20_ رُوح جا ريلا (برسات اخبار ۾ لکيل ڪالم)
21_ رُو داد هڪ رات جي (اسيري جي هڪ رات)
22_ اُميد جو قتل (شهيد بينظير ڀٽو جي قتل تي سياسي نقطه نظر)
23_ زندگي آزادي ۽ محبت (تقريرون_تحريرون ۽ انٽرويو)
24_ڳچي ڳانا لوهه جا (ٽيئي جيل ڊائريون)
25_ چانڊوڪيون ۽ چيٽ (نثري ٽڪرا)
26_ ڪنڌي ٽڙن ڪنول (گڏيل)
27_ کٽڻهار کڙيا (گڏيل)
28_ تاريخ جي جهروڪي مان (گڏيل)
29_ سنڌي سماج جو جائزو (جائزو)
30_رُڃ جهڙيون راتيون ڏونگر جهڙا ڏينهن (جيل دوران گم ٿيو)
31_ مولانا ابوالڪلام آزاد
32_ شيخ اياز، نياز همايوني ۽ تنوير عباسي (جائزو_اڻڇپيل)
33_ سيد ۽ آئون (اڻڇپيل)
34_ ماهوار پيغام جا ڪيترائي پرچا ڪڍيا، جنهن تي بندش پئي.