سنڌ جي ناليواري شاعر ۽ اديب سائين شمشير الحيدري کي جنم ڏينهن جون واڌايون

'جنم مبارڪ' فورم ۾ سليمان وساڻ طرفان آندل موضوعَ ‏17 سيپٽمبر 2011۔

  1. سليمان وساڻ

    سليمان وساڻ
    مينيجنگ ايڊيٽر
    انتظامي رڪن لائيبريرين

    شموليت:
    ‏6 آڪٽوبر 2009
    تحريرون:
    16,938
    ورتل پسنديدگيون:
    27,305
    ايوارڊ جون پوائينٽون:
    533
    ماڳ:
    سچل ڳوٺ ، ڪراچي
    [​IMG]

    . هن سال اهو پروگرام هيو ته سائين نثار ابڙو جن به پاڪستان ۾ هوندا ته سنڌ سلامت پاران سائين شمشير جي سالگرهه پارٽي رکنداسون۔ پر سائين شمشير جي اسلام آباد هجڻ سبب اهو پروگرام نه ٿي سگهيو پر ساڳي وقت اڄڪلهه جي حالات ۽ بارشن سبب اهو ياد ئي ڪونه رهيو ته سنڌ جي وڏي شاعر ۽ اديب محترم شمشير الحيدري جو جنم ڏينهن آهي۔

    سائين شمشير الحيدري جو تعارف ڪهڙن لفظن سان ڪجي، هو دبنگ صحافي، اڙٻنگ ايڊيٽر، آزاد نظم جو بنيادڪار، منفرد گيتڪار، با شعور ناٽڪ نگار، باوقار اسٽيج سيڪريٽري خود دار انسان، سماجي ورڪر ۽ ان سان گڏ حڪيم پڻ آهي. هو هر فن مولا آهي، هو مست آهي، ملنگ آهي، ڀوڳائي آهي. اين جي وي ۽ نور محمد ھائي اسڪول ۾ داخلا نه ڏيڻ وارن کي ھي خبر نه ھئي ته هي ٻار اڳتي هلي وقت جو وڏو شاعر ٿيندو ۽ سنڌي ادب جو هڪ روشن منارو ثابت ٿيندو.

    سندس زندگي ۽ سندس ڪيل ڪم بابت هڪ جامع ليک پڙهڻ لاء سنڌ سلامت جي هن لنڪ تي ڪلڪ ڪيو۔

    شمشير علي ولد رسول بخش جعفري، 15 سيپٽمبر 1931 ۾ بدين ضلعي جي ڳوٺ ڪڍڻ ۾ پيدا ٿيو. سندس پرورش سندس مامي نذير حسين حيدري ڪئي جيڪو بدين جو تمام گهڻو سماجي ۽سياسي حيثيت رکندڙ ماڻهو هو. جنھن کان متاثر ٿي پاڻ حيدري سڏرائڻ لڳو.

    سندس شاعري مان ڪجهه چونڊ سٽون پيش آهن:

    هن وقت جي پيالي ۾ ، مڌ پنهنجي حياتي جو
    باقي ڪو بچيل آهي ، من ڪوئي اچي نڪري

    هن برھ جي بستيء ۾ ، “ شمشير ” جيهو جوڳي
    ڪجه ڏينهن ٽڪيل آهي ، من ڪوئي اچي نڪري

    تنهنجي نيڻن ۾ جو نهاري ويو
    ڄڻ ته سنڌوء جي ٻئي ڪناري ويو

    يا وري

    ابليس کي چئي ڇڏيو ، سجدي جي تياري ڪر
    دنيا تي “ انا الحق ” جا اسرار کُلن شايد !

    سوريء تي سڏڻ وارا ! هڪ ڳاله ته سوچي ڇڏ
    مقتل ۾ اچڻ وارا منصور هجن شايد !

    بلبل جي بيانن تي برهم نه ٿيڻ گهرجي
    آئنده بهارن جا پيغام هجن شايد !

    ’شمشير‘ کي سڏ ڪريو، ’ شمشير‘ ڪٿي آهي؟
    محفل کي مچائيندو، ان جو ئي سخن شايد

    يا وري هي شعر

    شب و روز ’شمشير‘ ڳرندو وڃين،
    لڳي وئي زماني جي توکي نظر

    ڪڏهن ڪڏهن دوستن لاء به ڳاله ڪري ٿو :

    جن گهري ورتي هئي دل، ياد جو تحفو ڪري،
    سي به اڄ ’شمشير‘ جي خاطر خبر ڀلجي ويا

    تنهنجا اي ’شمشير‘ هي نغما،
    ڄڻ ته ڇڄي پيئي ڪا تار!


    ڪٿي آهي ’شمشير‘، جو چنگ چوري،
    زمانو ته ڀلجي ويو ” چارڻ“ جون ڳالهيون.


    [​IMG]

    [​IMG]

    شمشير جي طبيعت خراب هجڻ سبب هو اڄڪلهه سنڌ ڇڏي اسلام آباد ۾ پنهنجي پُٽ وٽ رهائش پذير آهي. دعا آهي ته سنڌ جو هي ڏات ڌڻي خوش هجي ۽ اسان جي رهنمائي ڪندو رهي۔

    شمشير الحيدري جي شاعري ۽ شمن علي ميرالي جو آواز



    شمشير الحيدري جي شاعري ۽ مهجبين قزلباش جو آواز

     
    2 ڄڻن هيء پسند ڪيو آهي.
  2. نثارناز

    نثارناز
    نئون رڪن

    شموليت:
    ‏14 اپريل 2009
    تحريرون:
    3,259
    ورتل پسنديدگيون:
    744
    ايوارڊ جون پوائينٽون:
    0
    ماڳ:
    بهراڻي محلو ٽنڊو محمد خان سنڌ پاڪستان
    جواب: سنڌ جي ناليواري شاعر ۽ اديب سائين شمشير الحيدري کي جنم ڏينهن جون واڌايون

    محترم محمد سليمان وساڻ جي هن انتهائي خوبصورت جنم ڏينهن جي واڌائين جي توسط سان اسان سنڌ جي ڏاهي ، سنڌ جي وهائو تاري، سنڌ جي کاهوڙي شاعر، محترم شمشيرالحيدري کي سندس هن جنم ڏينهن جون کوڙ ساريون واڌايون ڏيون ٿا، ۽ کيس دعائون ٿا ڏيون ته سندس سايو اسان جي سر مٿان سدائين قائم رهي ، ڇو جو پاڻ اسان جا ڇپر ۽ ڇانءُ آهن سنڌي شاعري ۾ اسان کي نت نوان رستا ڏيکاريندڙ هڪڙا سُونهان آهن، سائين شمشيرالحيدري جي شاعري مان اسان کي نت نوان دڳ ۽ نئين منزل جا ڏس پتا ملندا آهن، شال سدائين جُڙيا هُجن۔ آمين
    هيپي برٿ ڊي ٽو يو سائين شمشيرالحيدري ​

    ادا محمد سليمان وساڻ جا ٿورا جو اسان کي سائين شمشيرالحيدري جي جنم ڏينهن جي خوشيءَ ۾ شامل ڪيائين۔
     
  3. آرزو

    آرزو
    نئون رڪن

    شموليت:
    ‏22 ڊسمبر 2009
    تحريرون:
    914
    ورتل پسنديدگيون:
    144
    ايوارڊ جون پوائينٽون:
    0
    ڌنڌو:
    مارڪيٽنگ مينيجر
    ماڳ:
    شڪارپور
    جواب: سنڌ جي ناليواري شاعر ۽ اديب سائين شمشير الحيدري کي جنم ڏينهن جون واڌايون

    سائين جن کي لک لک جنم ڏهاڙو مبارڪ۔۔۔۔۔
     

هن صفحي کي مشهور ڪريو