دوستو اوهان اڪثر ڪري سنڌي پهاڪا ٻڌندا ۽ استعمال ڪندا رهندا آهيو ۽ انهن مان ئي هڪ آهي اڪ جي ماکي، اهو پهاڪو ان وقت استعمال ٿيندو آهي جڏهن ڪنهن ڪم جي سولي هجڻ يا نه هجڻ لاءِ استعمال ڪيو ويندو آهي مثال طور فلاڻو ڪم ڏکيو آهي، ڪو اڪ جي ماکي ناهي جو لاهي وٺجي، پر اتفاق سان مون ڪڏهن اڪ تي ويٺل ماکي نه ڏٺي هئي پر ڇو ته اسان جنهن هنڌ رهون ٿا اهو هنڌ آهي سنڌ ۽ سنڌ ۾ اهو سڀ ڏسي سگهبو آهي جنهن جي اوهان خواهش رکندا هجو ڇو ته الله هن ديس تي مهربان آهي جنهن کي قدرتي طرح هر قسم جو پٽ، موسم ۽ نطارا مليل آهن جيڪي تمام گهٽ ديشن ۾ آهن منهنجو دوست گورڌن ولاسائي جيڪو هڪ بهترين فوٽوگرافر آهي سو اڪثر ٿر ويندو رهندو آهي ۽ اُتان بهترين فوٽو ڇڪي فيس بوڪ تي شيئر ڪندو آهي، سو ٿر جي واري تي بيٺل هڪ اڪ تي ويٺل ماکي ڏسڻ جو موقعو (فوٽو ۾ ئي سهي) پر مليو سو اوهان سان به ونڊ ڪيان ٿو ۽ ها اوهان ٿر جا ٻيا فوٽو ۽ گورڌن ولاسائي جي فوٽو گرافي ڏسڻ چاهيو ته هتي ڪلڪ ڪريو
جواب: اڪ جي ماکي! نظارو ته پنهنجي جاءِ ته پيارو آهي پر اوهانجي ڳالهه ۽ پهاڪي جي تشريح به واضح ٿي وئي ،،، قرب ڏسو پهاڪن ٺاهڻ وارا ڪيترا نه ڏاها هوندا آهن، اڪ جي ماکي بلڪل زمين تي پئي آهي، جيڪا ڪوئي به آسانيءَ سان لاهي سگهي ٿو سهڻو ونڊ
ادا عبدالحفيظ لغاري صاحب فوٽوگرافي تمام سٺي ڪئي وئي آهي خاص ڪري ٿر۾ بارش کان پوءِ جو منظر ته ٿر۾ ڏسڻ جوڳو هوندو آهي........ شيئرنگ جي مهرباني ادل........
ادا عبدالحفيظ لغاري صاحب۔اڪ تان ماکي لاهڻ وارو پهاڪو ته ننڍي هوندي کان ئي ٻڌندا ايندا هئاسين،پر ان جي اصلي مفهوم محترم گورڌن جي ڪڍيل اڪ جي ماکي واري ڦوٽو جيڪو اوهان جي مهربانين سان هن محبتي اڳڻ جي ڪيئوس تي نروارڪيو ويو آهي ،کي ڏسڻ سان معلوم ٿيو آهي۔واقعي اڪ جي ماکي جيڪا زمين جي تمام نزديڪ هوندي آهي کي لاهڻ ۾ ڪا مشڪلات پيش نه ايندي ۽ آساني سان لهي ويندي۔وڏڙن ڏاهن جا پهاڪا پنهنجي اندر سچي رمز رکندا آهن ۽ اهئي حالتن جون گهرائي کان جائزو وٺي چياء ويا هئا۔
”اڪ جي ماکي ناهي جو لاهي وٺجي“ هي پهاڪو ان لا ناهي ته اڪ جي ماکي هيٺ هوندي آهي، اڪ جو ٻوٽو ڊگهو به ٿيندو آهي ۽ ماکي ان جي چوٽي تي به ويهي سگهي ٿي، اصل ۾ هن محاوري مان مراد اها آهي ته ٻين وڻن جي ڀيٽ ۾ اڪ نرم ۽ گهٽ ڪاٺ وارو هوندو آهي ۽ ان جي ماکي لاهڻ ۾ وڌيڪ محنت ناهي ڪرڻي پوندي، اڪ ۾ نه ڪنڊا هوندا آهن، نه ئي ڪي وڏا ڪاٺ هوندا آهن جيڪي وڍڻا پون، ماکي گهڻو ڪري اڪ جي پن يا سنهڙي ڪاٺي تي مانارو ٺاهيندي آهي جيڪو لاهڻ ۾ صفا سئولو هوندو آهي۔ 148 اٽيچمينٽ ڏسو 147 اٽيچمينٽ ڏسو 145 اٽيچمينٽ ڏسو
هئنئر ٿر ۾ وڏي ماکي نظر آئي. جنهن بابت چيو پيو وڃي ته اها ولاتي ماکي آهي، اها ماکي مٺي شهر ۾ ايئن عام ٿي چڪي آ جيئن ڪراچي ۾ مهاجر. بهرحال جڏهن به شهر ويندو آهيان ته دعا ڪندو آهيان. ان ٿلهي ماکيءَ سان ملڻ نه ٿئي نه ته ٻوريءَ بند لاش ئي ملندو.......
