سنڌ سلامت جي سرگرم ۽ مهربان دوست محترم جميل احمد نظاماڻي صاحب جو لکيل ڪتاب There are only Eleven Words in English اي بڪ جي شڪل ۾ سنڌ سلامت جي سڀني دوستن سان شيئر ڪجي ٿو۔ جنهن ۾ اهو ٻڌايل آهي ته انگريزي ٻولي ۾ لفظن جا ڪل 11 قسم آهن.هر ڪنهن قسم لاءِ هڪ الڳ رنگ مقرر ڪيو ويو آهي ۽ ڪتاب جي پهرئين حصي ۾ هر قسم جي لاءِ 30 مثالي جملا ڏنل آهن ۽ انهن 30 جملن ۾ موجود ان قسم جو هر لفظ ان مقرر ڪيل رنگ ۾ لکيل آهي.۽ هر قسم جي مشق لاءِ وري 30 جملا ڏنل آهن. ڪتاب جي ٻئي حصي ۾ وري پهرئين حصي ۾ آيل 330 مثالي جملن جو هر لفظ ان قسم جي مقرر ڪيل رنگ ۾ لکيل آهي.
هي هڪ مختصر ڪتاب آهي پر بلڪل نئين انداز سان لکيل آهي.هي صرف 37 صفحن تي مشتمل آهي پر ان ۾ 11 قسم جي لفظن جو وڏو تعداد آهي. جيتوڻيڪ هي ڪتاب انٽرنيٽ تي مفت ۾ ميسر ناهي پر اسان جي مهربان دوست جميل احمد سنڌ سلامت جي دوستن لاء هي ڪتاب مفت ۾ تحفي طور اسانکي موڪلي ڏنو آهي۔ انگريزي گرامر تي هي هڪ مختصر پر جامع ڪتاب آهي۔ اميد ته سڀني دوستن خاص ڪري شاگردن لاء وڌيڪ فائديمند ثابت ٿيندو۔
انتظامي رڪن طرفان آخري ترميم:
