انتظار جون گهڙيون ختم... سنڌ سلامت طرفان پهرين سنڌي بلاگر ٽيمپليٽ سنڌسلامت ايڊيٽر ساڻ...

دوستو بلاگنگ هڪ اونهو مضمون آهي۔۔ جنهن کي سکڻ لاءِ ڪجهه ڏينهن کان وڌيڪ جي ضرورت آهي۔۔ خالص ايڇ ٽي ايم ايل ۽ پي ايڇ پي جهڙي خشڪ مضمون سان لڳاتار سمجهڻ هڪ ٿڪائيندڙ ڪم پڻ آهي... ان کان وڌيڪ مشڪل ان کي سمجهائڻ ۽ سيکارڻ آهي...
مان نه صرف پنهنجي طرفان پر پوري سنڌ سلامت ٽيم طرفان ادا سجاد علي چنا جو مشڪور آهيان جو پاڻ ان جستجو ۾ رڌل آهي۔۔ سندس سمجهائڻ جي طريقي دوستن کي مجبور ڪري وڌو ته هو به پنهنجا بلاگ ٺاهين ۔۔ رڳو ايترو ئي نه پر انتهائي محنت سان تيار ڪيل سندس مواد کي تڪڙو ياد ڪري به ورتو آهي۔۔۔ ۽ پنهنجي پنهنجي بلاگز تي ان جو عملي مظاهرو پڻ ڪيو آهي۔۔۔
جنهن کان پوءِ دوستن جو بار بار اسرار رهيو آهي ته ڪم کي تڪڙو اڪلايو وڃي ۽ کين بنيادي ڳالهين تي وڌيڪ ڌيان ڏيڻ بجاءِ عملي ڳالهين ڏانهن آندو وڃي۔۔۔ يا وري ڪو شارٽ طريقو ڏسيو وڃي جنهن تي عمل ڪندي هو پنهنجا بلاگ بهتر بڻائين ۔۔۔
هوئن ته ادا سجاد علي چنا سان ڪيل مشوري تحت تڪڙو تڪڙو ڪم اڪلائڻ سان گهڻيون ڳالهيون سمجهائڻ کان رهجي وڃڻ جو خدشو آهي جنهن سان سنڌي بلاگنگ کي اڳتي وڌائڻ جي هن پروجيڪٽ کي نقصان جو انديشو پڻ آهي۔۔ پر دوستن جي بار بار اسرار کان پوءِ ڪافي ڪم کي باء پاس ڪندي سنڌي بلاگنگ جي پهرين ٽيمپليٽ کي رليز ڪرڻ جو فيصلو ڪيو ويو آهي۔۔۔

حاضر آهي سنڌ سلامت بلاگر ٽيمپليٽ 0۔1​

​

1289 اٽيچمينٽ ڏسو ​

​

عارضي ڊيمو​

​

هي ٽيمپليٽ بلاگر جي بلٽ ان سٽور تان کنيل آهي۔۔ جيڪو دوستن وڌيڪ پسند هجڻ کي نظر ۾ رکندي سنڌي ترجمي ۾ تبديل ڪيو ويو آهي۔۔۔ هن ٽيمپليٽ جي انگريزي ورجن کي اڳ ئي محترم احمد علي مڱريو پنهنجي بلاگ ۽ محترم عبدالحفيظ لغاري پنهنجي بلاگ جي زينت بڻايو آهي۔۔۔
هن جي خصوصيتن ۾ شامل آهن۔۔۔۔
مڪمل بلاگ بشمول سموريون تحريرون ۽ تبصرا جو ساڄي کان کاٻي هجڻ۔۔
سائين عبدالماجد ڀرڳڙي جي فونٽ ايم بي لطيفي جو ڊيفالٽ طور هجڻ۔۔۔
تبصرن لاءِ سنڌ سلامت ايڊيٽر جو بلٽ ان رکڻ۔۔۔

انسٽاليشن جو طريقي ڪار۔۔۔
موضوع سان منسلڪ زپ فائيل ڊائونلوڊ ڪريو۔۔ ۽ ايڪسٽريڪٽ ڪري ايڪس ايم ايل فائيل حاصل ڪريو۔۔۔
ڊيش بورڊ تي سائن ان ٿيڻ کان پوءِ پنهنجو بلاگ چونڊيو۔۔۔ ۽ کاٻي پاسي موجود انگريزي لفظ Template تي ڪلڪ ڪريو۔۔ هاڻي ساڄي پاسي موجود Backup / Restore لفظن تي ڪلڪ ڪريو۔۔۔

1290 اٽيچمينٽ ڏسو ​

هاڻي چاهيو ته پنهنجي موجوده ٽيمپليٽ جو بيڪ اپ وٺي رکو ۔۔ ان کانپوءِ برائوز بٽڻ تي ڪلڪ ڪري ايڪسٽريڪٽ ڪيل ايڪس ايم ايل فائيل جي لوڪيشن ڏيو ۽ اپلوڊ بٽڻ تي ڪلڪ ڪريو۔۔۔

1291 اٽيچمينٽ ڏسو ​

۽ ڪم مڪمل ٿيو۔۔۔

نوٽ:

• ٽيمپليٽ کي 90 سيڪڙو سنڌي ۾ تبديل ڪيو ويو آهي۔۔ باقي 10 سيڪڙو اهو حصو آهي جتي انگريزي هجڻ ضروري آهي۔۔ ها البته البته توهان جي طرفان بلاگ تي سجايل گڊگيٽ جي سيٽنگ ۾ موجود لفظن کي سنڌي بڻائي سگهجي ٿو۔۔۔
• جن دوستن کي بيڪ گرائونڊ تصوير پسند نه اچي اهي ۔۔ ٽيمپليٽ جي ڪسٽمائيزيشن سيڪشن منجهان تبديل ڪري سگهن ٿا۔۔۔
• ٽيمپليٽ جي پسنديدگي بابت پنهنجي راءِ ڊيمو صفحي تي ووٽ طور پڻ موڪلي سگهجي ٿي۔۔۔
• ٽيمپليٽ جي فوٽر ايريا ۾ (سنڌ سلامت سان لنڪ ٿيل ترجمو: رشيد سمون) کي اخلاقي تقاضو سمجهي چاهيو ته لڳايو نه ته پابندي نه آهي۔۔

جيئن ته هي پهرين سنڌي ٽيمپليٽ آهي ۔۔ جنهن کي ڪنهن به اصول کانسواءِ تيار ڪيو ويو آهي۔۔ ان ڪري توهان طرفان آندل صلاحن کي واڌو نظر سان ڏٺو ويندو۔۔

 

۔
انتهائي پيار سان ۽ محنت سان ٺاهيو آهي اوهان هن سانچي کي۔ سنڌي شاعري بلاگ تي لڳايو اٿم۔۔۔

 

وقت وارن جا وار سهبا پر
دوستن جو سلوڪ ماري ٿو

ڪا تمنا ڪا آرزو ڪانهي
زندگي ايئن به ڪو گذاري ٿو​

​

ادا ڪڏنهن ايئن به ٿيندو آهي ته ٻار پنهنجي پيءُ سان ڪا شئي وٺي ڏيڻ لاءِ ايترو ضد ڪندا آهن جو جڏنهن شئي ملندي آهي ته کائڻ تان ارواح کڄي ويندا آهن۔ ڇو جو کين پوءِ خبر پوندي آهي ته اها شئي وٺڻ لاءِ والد ڪيتري قرباني ڏني۔​

​

سو الاءِ ڇو اها فائل ڳنڍڻ جي همت نه پئي ٿئي۔ جيئن آهي جهڙو آهي هلڻ ڏبو​

 

دوست رشيد اوهان کي جس هجي ۔۔۔۔۔ اميد ته بلاگ سيکارڻ وارو عمل به جاري رهندو ۽ ان سان گڏ اوهان پاران تيار ڪيل ترجمو به هڻي ٿا وٺون۔ آفيس ۾ مصروفيت آهي، گهر پهچي اهو ڪم ڪبو۔ لک ٿورا اهڙي سهڻي سجاوٽ پيش ڪرڻ تي سنڌ سلامت سٿ اوهان کي واڌايون پيش ڪري ٿو۔

 

مان پنهنجي ڪيل ڪم مان مطمئن ناهيان۔۔۔ توهان پنهنجي گهري نظر سان ٽيمپليٽ کي ڏسندا رهجو ڪا خامي نظر اچي ته ضرور ڏسجو ته جئين موجوده ورجن کي اپڊيٽ ڪري سگهجي۔۔۔

 

سنڌي ايڊيٽر ۾ هڪ خامي آهي۔۔ تبصرو لکڻ کان پوءِ سنڌي ايڊيٽر غائب ٿي ٿو وڃي۔ ۔۔ اڄ سليمان جي بلاگ تي ويس۔۔ ايڊيٽر ڳوليندو رهيس۔۔۔۔ هههه

 

اهڙي ضدي ٻار کي پوءِ به احساس جي درست خبر نه پئجي سگهجندي آهي۔۔۔ جو کيس اها خبر ئي نه هوندي آهي ته سندس والد ايتري قرباني صرف کيس راضي رکڻ لاءِ ڏني آهي ۽ سندس والد جي ڏنل قرباني ان وقت قبول ٿيندي آهي جڏهن اهو ضدي ٻار ڏنل شي کائي وٺندو آهي۔۔۔
همت ڪريو هي سڀ ڪجهه توهان لاءِ آهي۔۔۔

 

ادا منظور توهان کي گهرجي ته سڀ کان پهريان سنڌ بلاگنگ جي سمورن سبقن کي پڙهي وٺو

 

ها مون به نوٽ ڪري ورتو آهي۔۔۔ مون کي لڳي ٿو ٽيمپليٽ جي جاوا فائيل ۽ سنڌ سلامت جي جاوا فائيل ڪنفلڪٽ پيون ڪن۔۔۔ خير وقت ملندي ئي ان تي ڪم ڪري هن ٽيمپليٽ جو اپڊيٽ ورجن آڻبو۔۔ نشاندهي لاءِ مهرباني

 

اوهان شايد بلاگ جي ايڊريس تبديل ڪري ڇڏي آهي۔۔ مهرباني ڪري نئين بلاگ ايڊريس کان آگاه ڪجو۔

 

سنڌ سلامت جي ايندڙ ڪمن واري فهرست ۾ سنڌي بلاگنگ جي سکيا به شامل هئي پر ان لاءِ وقت ۽ حالات جو انتظار پئي ڪيو ويو۔۔۔ ڪجهه وقت اڳ ان فهرست تي هڪ دفعو وري ويهي دوستن سان صلاحون ٿيون هيون۔۔۔ پر اهو سوچي ته اڃان دوست انٽرنيٽ تي اڃان ڪچا آهن۔۔۔ ۽ کين بلاگنگ سمجهائڻ سولو نه هوندو۔۔ ڪجهه اهي به خدشا هيا ته سنڌ سلامت تي رونق دوستن جي اچڻ سان آهي۔۔۔ کين ٻيو دڳ مليو ته اصل رستو ڀلجي نه وڃن۔۔۔۔
پر جڏهن توهان سنڌي بلاگنگ جي کوٽ کي پنهنجي ڀرپور ڏک جي اظهار سان ظاهر ڪيو ته سڀ خدشا ختم ڪندي ان ڪم کي اڳتي وڌائڻ جو فيصلو ڪيو ويو۔۔۔ جيڪڏهن ان سلسلي ۾ ڪاميابي ملڻ لڳي آهي ته اهو مڪمل ڪريڊٽ توهان جي نانء آهي۔۔۔
اميد ته پنهنجا خيال ڏسيندا رهندو۔۔۔

 

بلاگ نه مليو ۔۔۔ پر پڪ اٿم ته توهان جي محنت ضايع نه وئي هوندي۔۔ ان لاء درست لنڪ جو انتظار رهندو۔۔۔

 

ڇا توهان ايڪس ايم ايل فائيل کي ايڊٽ يا اوپن ڪرڻ جي ڪوشش ڪئي هئي۔۔۔ ؟
توهان هڪ دفعو وري فائيل ڊائونلوڊ ڪريو۔۔۔ ۽ بغير کوليندي ڏسيل طريقي مطابق ايڪسٽريڪٽ ڪريو ۽ اپلوڊ ڪريو۔۔۔ اميد ته ٻيهر اهڙو ايرر نه ايندو۔۔۔ توهان جي جواب جو انتظار رهندو۔۔

 

ڏسندا وڃو ادا فاروق۔۔۔
سنگت ساٿ ڏنو ته اڃان کوڙ ساريون ڳالهيون سلجهائبيون۔۔۔ توهان جي بلاگ جي لنڪ جو انتظار رهندو۔۔۔