اڄوڪي ڏينهن 31 جنوري تي جنم وٺندڙ ۽ وڇڙندڙ مشهور شخصيتون جنم ڏينهن: 31 جنوري 1917ع سياستدان غلام محمد لغاري (ميرپور خاص) جو جنم ڏينهن آهي. 31 جنوري 1918ع صحافي شفيع محمد آخوند (دادو) جو جنم ڏينهن آهي. 31 جنوري 1931ع ليکڪ ۽ اداڪار بيبر سنڌو (سکر / ممبئي) جو جنم ڏينهن آهي. 31 جنوري 1933ع سماجي ورڪر نارائڻ داس مرچنداڻي (روهڙي / اجمير) جو جنم ڏينهن آهي. 31 جنوري 1938ع ليکڪ ۽ اسٽيج اداڪار بچارام ليلارام سنڌو (سکر / بمبئي) جو جنم ڏينهن آهي. 31 جنوري 1939ع ليکڪ شوڪت سنڌي جو جنم ڏينهن آهي. 31 جنوري 1945ع اديب ۽ سفرناما نگار عبدالحئي پليجو جو جنم ڏينهن آهي. 31 جنوري 1955ع اداڪاره جيا نرجن ايسراڻي (الهاس نگر) جو جنم ڏينهن آهي. 31 جنوري 1961ع شاعر ۽ اديب شاهه محمد پيرزادي جو جنم ڏينهن آهي. 31 جنوري 1963ع اديب ڊاڪٽر امجد سراج ميمڻ جو جنم ڏينهن آهي. 31 جنوري 1975ع باليووڊ اداڪاره پريٽي زنٽا جو جنم ڏينهن آهي. 31 جنوري 1977ع شاعر ۽ نثرنگارعبدالوحيد جتوئيءَ جو جنم ڏينهن آهي. وڇوڙو: 31 جنوري 1976ع شاعر مولوي نور محمد مسرور جو انتقال ٿيو. 31 جنوري 1984ع تي عالم دين ۽ شاعر سيد نجي الله شاهه راشدي گذاري ويو. 31 جنوري 1988ع شاعر ساگر سيتائي جو لاڏاڻو ٿيو. 31 جنوري 1999ع شاعر سڪايل ملاح گوزائي انتقال ڪري ويو. 31 جنوري 1999ع شاعر سڪايل ملاح گوزائي انتقال ڪري ويو. 31 جنوري 2004ع اداڪاره ۽ گلوڪاره ثريا جي وفات ٿي. 31 جنوري 2002ع اڳوڻي سفير ۽ نامور سياستدان عبدالفتاح ميمڻ جو انتقال ٿيو. 31 جنوري 2008ع شاعر ميرل جويو انتقال ڪري ويو. حواله: ڊاڪٽر در محمد پٺاڻ روزانه ڪاوش انسائيڪلوپيڊيا سنڌيانا وڪيپيڊيا سنڌ سلامت ڊاٽ ڪام
پيرزادو شاهه محمد: شاعر، شاهه محمد پيرزادي ولد امام بخش پيرزادي، 31 جنوري 1961ع تي ڳوٺ ٻلهڙيجي (لڳ موهن جو دڙو) ۾ جنم ورتو. هي نامور اديب انور پيرزادي جو سڳو ڀائيٽو آهي. هن جي تعليم بي. ايس. سي آهي ۽ هن وقت هڪ دوائن جي خانگي ڪاروباري ڪمپنيءَ سان لاڳاپيل آهي. سندس شاعريءَ جي ڇپيل ڪتابن ۾: (1) ’اسٽوپا سنڌو ۽ چنڊ‘ (ملڪه پيرزاديءَ ۽ فيض پيرزادي سان گڏ: 1995ع)، (2) ’سونهن جون سَوَ صورتون‘ (2003ع) شامل آهن. ان کان سواءِ هن جو احمد سليم سان گڏ سنڌي ڪهاڻين جو ترجمو ’سارا مُلڪ منصور‘ (1987ع) به ڇپيل آهي. گڏوگڏ هن جا اردوءَ جي مشهور اديب آصف فرخيءَ سان گڏ شيخ اياز بابت اردوءَ ۾ ٻه ڪتاب: ’دانش اياز‘ (اياز جي شاعري، ترجمو ۽ ترتيب: 1998ع) ۽ ’ذڪر اياز‘ (ترجمو، تاثرات ۽ مضمون) ۽ هڪ ڪتاب، اياز جي شاعريءَ جو انگريزي ترجمو ‘The Storms Call for Prayers’ (1999ع) به ڇپيل آهي. انسائيڪلوپيڊيا سنڌيانا جي ٿورن سان۔
