اڄوڪي ڏينهن 7 اپريل تي جنم وٺندڙ ۽ وڇڙندڙ مشهور شخصيتون جنم ڏينهن: 7 اپريل 1923ع اسڪالر ڊاڪٽر اين بي جي قاضي (روهڙي) جي پيدائش جو ڏينهن آهي. 7 اپريل 1927ع شاعر ولي دائودپوٽو جي پيدائش جو ڏينهن آهي. 7 اپريل 1935ع اسڪالر ڊاڪٽر غلام رسول بلوچ (حيدرآباد) جو جنم ڏينهن آهي. 7 اپريل 1935ع ليکڪ ۽ ناول نگار آغا سليم (شڪارپور) جو جنم ڏينهن آهي. 7 اپريل 1942ع باليووڊ اداڪار جيتندر جو جنم ڏينهن آهي. 7 اپريل 1947ع گلوڪار راجيش ڀاردواج (ٽنڊو آدم) جو جنم ڏينهن آهي. 7 اپريل 1950ع شاعر ميرعبدالرسول مير جو جنم ڏينهن آهي. 7 اپريل 1966ع اداڪار ۽ صداڪار رفيق عيساڻيءَ جو جنم ڏينهن آهي. 7 اپريل 1975ع شاعرہ فهميده شرف بلوچ جو جنم ڏينهن آهي. 7 اپريل 1978ع شاعر همدرد سومرو (چوکنڊي) جو جنم ڏينهن آهي. 7 اپريل 1984ع ناول نگار، ڪالم نگار ۽ ڪهاڻيڪار ڪليم ٻُٽ جو جنم ڏينهن آهي. وڇوڙو: 7 اپريل 1934ع جان محمد ڀرڳڙي جو انتقال ٿيو. 7 اپريل 1958ع آزادي جي تحريڪ جي ڪارڪن پير حاجي مٺل شاهه جو لاڏاڻو ٿيو. 7 اپريل 1967ع مير جعفر خان جمالي جو لاڏاڻو ٿيو. 7 اپريل 1973ع پير عبدالله جان سرهندي جو لاڏاڻو ٿيو. 7 اپريل 1989ع شاعر ايم يعقوب جليس (هالا) جو انتقال ٿيو. 7 اپريل 1992ع جيئي سنڌ تحريڪ جي اڳواڻ حبيب الله ناريجو جي وفات ٿي. 7 اپريل 2012ع قومپرست اڳواڻ شهيد بشير قريشي جو لاڏاڻو ٿيو. حواله: ڊاڪٽر در محمد پٺاڻ روزانه ڪاوش انسائيڪلوپيڊيا سنڌيانا وڪيپيڊيا سنڌ سلامت ڊاٽ ڪام
مير عبدالرسول مير : ناليوارو شاعر ۽ اديب عبدالرسول ”مير“ ولد رئيس مهر علي خان ٽالپر 7 اپريل 1950ع تي ڳوٺ رئيس مهر علي خان ٽالپر تعلقي گمبٽ، ضلعي خيرپور ۾ ڄائو. ايم. ايس. سي (فزڪس) سنڌ يونيورسٽي ڄامشوري مان ڪيائين. هو هن وقت سچل سرمست ڪاليج نوابشاهه ۾ پرنسپال آهي، کيس ادبي ۽ علمي دنيا ۾ شاعر، اديب، تعليمي ماهر ۽ پروفيسر جي حيثيت طور سڃاتو وڃي ٿو. هن لکڻ جي ابتدا 1970ع ۾ ڪئي. سندس ڪتاب ”سونهن ورونهن“ (شاعري) 2007ع ۾ شايع ٿيو. کيس بردو سنڌي اوارڊ 2005ع، جمال الدين ڀٽي اوارڊ 2005ع، پوئٽ آف دي ييئر 2006ع، ۽ لطيف اوارڊ 2005ع مليل آهن. سندس ذاتي ڪتب خاني ۾ هزارين ڪتاب موجود آهن. هو هن وقت غريب آباد نواب شاهه ۾ رهي ٿو. انسائيڪلو پيڊيا سنڌيانا جي ٿورن سان ____