ڪالهه منهنجي سالگرهه هئي مونکي ڪنهن به گُل ڪونه آڇيا مون سان ڪا به شام نه ملهائي وئي منهنجي لئه ڪا به سرڪاري يا غير سرڪاري تقريب نه ٿي ڇو؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ڇو ته آئون پورهيت هئس۔۔ منهنجي هٿن ۾ مزدوري سبب گاٺون پيل هيون مون سان ڪا به شام نه ملهائي وئي ( آئون پاڻ شام جو مخالف آهيان ڇو ته شام کان پوء رات ايندي آهي،آئون روشنين جو عادي آهيان آڌيء جو نه) ڇو ته منهنجا گٽر جهڙن خيالن سان ڀريل ڪجهه ڪتاب به مارڪيٽ ۾ نه آيل هئا۔ هونئن به اسان جهڙن مزدورن جي نه ئي سالگرهه ٿيندي آهي ۽ نه ئي ورسي۔۔ اسان جي رڳو مرڻ جي خبر ڳوٺ جي مسجد جي لائوڊ تان اعلان ذريعي ٿيندي آهي۔۔۔ منهنجي سالگرهه ان ڪري نه ملهائي وئي ڇو ته آئون مٽيء جو ماڻهو هئس اڄ جي هن سڌريل دور ۾ مٽيء جي ڪا به اهميت ناهي ها پر۔۔۔۔۔ اسان مٽيء جي ماڻهن وٽ مٽيء جو ڪو مُلهه ئي ناهي۔۔ مٽي عزت مٽي دولت مٽي سڀ ڪجهه آهي۔۔۔ ڪيڏو نه عجيب اتفاق آهي ؟؟؟؟؟ مزدور جو جنم به مزدورن جي عالمي ڏينهن تي ٿيو۔۔
مٽي جو واقعي به مُلهه ناهي پيارا۔۔۔ تو جيڪي ڪجهه لکيو سو سڀ سچ آهي۔۔۔ هن بي حس دنيا ۾ غريب جي گهر ۾ جنم وٺڻ وڏو جرم آهي جاني ٻي جنم ۾ اهڙي غلطي نه ڪجان يا ته اچجان ئي نه جي اچين ته به ڪنهن امير جي گهر ۾۔۔ معزرت سان۔۔۔۔
ڪڙو سچ۔۔۔ لفظ پڙهندي ئي الائي ڇو مون کي ڪنهن چوڪ تي سگنل جي ٿوري دير لاءِ ٻرندڙ ڦڪي بتي ياد اچي وئي۔۔۔ سمجهو ڪي سمجهن۔۔۔
ڪوڙ کي گهرجن ڪوٽ ۽ ڏيکا ۔۔۔ سچ کي ڪهڙي جهل پل ۽ ڏيکا؟ شيطان کي گهرجن حيلا هزار، قدرت کي ڪهڙي حيلن جي ڪاڻ؟ سچ ته بيٺو نچ ۔۔۔ چوائين مٽي ۽ ڪرين ٿو آسمان سان ريسون ۔۔۔!!! رشيد جي ڳالهه کا پاڻي ڏيندي چئبو ته : سائي جهنڊي ريل هلائي ۔۔۔۔ڳاڙهي جهنڊي ريل بيهاري۔ نسيم حيدري جي گيت جيئان ۔۔۔۔۔ زندگي جارنگ هزار ۔۔۔ ڪي سهڻا انڊلٽ جي رنگن جهڙا ته ڪي وري ڪوجها ڪارا ۔۔۔ پر پو به ته سڀ رنگ آهن جيون جا۔
ڀورل ڀاء اگر پُنر جنم آهي ته آئون دعا ڪندس ته منهنجو هڪ ڇا هزار جنم ٿين سڀ سنڌڙي ۾۔۔ باقي جنم وري به ساڳي جيجل جي ڪُک مان ئي وٺبو۔اهو ئي هاريء جو پُٽ ۽ اهو ئي ٿر ۔۔۔۔۔
ادل سائين مون جيڪي لکيو اها منهنجي خواهش نه پر هڪ مزدور جي شڪايت هئي پر افسوس جو پڙهڻ وارن هن کي ڪنهن رنگ ئي ٻي ۾ پڙهيو۔۔۔۔
مان به مزدور آهيان توڙي جو ايئرڪنڊيشنڊ آفيس ۾ آهيان پر پوء به هر پل الڪو، هر پل محنت هر پل سوالن جا جواب ۔۔۔ مان لکان ٿو ۽ مسئلا حل ڪيان ٿو پر منهنجا مسئلا اتي ئي آهن ۔۔۔ ڇو ته مان به مزدور آهيان ۔۔۔ منهنجو به جنم پهرين مئي ئي آهي ۔۔۔
