دوستو ڪالهه ايڪسپريس ٽي وي جي پروگرام فرنٽ لائين جي شاهد ملڪ سنڌ جي قومي ليڊر محترم ڊاڪٽر قادر مگسي کان هڪ 50 منٽن جو انٽرويو ورتو۔۔۔ انٽرويو ۾شاهد ملڪ سنڌ جي سمورن مسئلن ۽ خيالن بابت سخت قسم جا سوال ڪيا ۔۔۔ جن جا محترم قادر مگسي صاحب مطمئن جوڳا جواب ڏيڻ جي ڀرپور ڪوشش ڪئي۔۔۔ هڪ عام خيال آهي ته سنڌي قومپرست ليڊر پنهنجي موقف کي ڌارين تائين پهچائڻ ۾ سدائين مشڪلات جا شڪار رهيا آهن۔۔۔ ان جو سبب يا ته اردو ٻولي تي عبور حاصل نه ڪرڻ آهي يا وري اسان جو هميشه ڌارين کان دٻيل رهڻ آهي۔۔۔ هن انٽرويو کي ٿي سگهي ته غور سان ٻڌو ۽ هيٺين سوالن تي پنهنجا رايا موڪليو۔۔۔ ڇا ڪمپيئر شاهد ملڪ جي پڇيل سوالن جو جواب اسان جو قومپرست ليڊر محترم ڊاڪٽر قادر مگسي بهتر طريقي سان ڏئي سگهيو۔۔۔۔؟ ڇا هن مختصر پروگرام سنڌ جي مسئلن کي اجاگر ڪيو۔۔؟ ڇا ڊاڪٽر قادر مگسي صاحب سنڌ سان ٿيندڙ نا انصافين کي سمجهائي سگهيو۔۔۔؟ ۽ آخري سوال ته ڇا ڊاڪٽر قادر مگسي جي ڏنل جوابن کان توهان مطمئن آهيو۔۔۔؟ [m]http://www.zshare.net/video/72772288daf31739/[/m]
جواب: سنڌ ترقي پسند پارٽي جي چئرمين محترم ڊاڪٽر قادر مگسي جو انٽرويو توهان جي سڀني سوالن جو جواب "نه" آهي
جواب: سنڌ ترقي پسند پارٽي جي چئرمين محترم ڊاڪٽر قادر مگسي جو انٽرويو سڀ کان پهريان ته آءُ دوست عبدالرشيد جو ٿورائتو آهيان جنهن هي بحث هت هن اڱڻ تي ونڊ ڪيو آهي ۔۔۔ هن بحث تي دوستن کان رايا گهري ۽ مٿان ووٽنگ جي پٽي لڳائي اڃان وڌيڪ عقلمندي جو مظاهرو ڪيو آهي ۔۔۔ هن سان سنڌ جي سياسي صورتحال جي خبر پوندي ۽ سنڌي نوجوانن جي ذهني لاڙن جو اڀياس ٿيندو ۔۔۔ حاصل مطلب ته دوست رشيد هڪ سهڻي بحث جو ميدان ڏنو آهي۔۔۔ آءُ دوستن کي ٻه گذارشون ڪندس ته ؛ 1۔ بحث واري وڊيو ڏسڻ کانپوءِ ووٽ واري پٽي استعمال ضرور ڪن ۔۔۔ 2۔ جواب ”ها“ هجي يا ”نه“ اهو ته اسان سڀني جو حق آهي ۔۔۔ پر ان ها ۽ نه جي پويان اوهانجو ڪهڙو خيال يا نظريو آهي؟ اوهين ها ڪئي ته ڇو ۽ جي نه ڪئي ته ڇو؟ ان جواب سان اسين هڪ ٻئي کي ممڪن پنهنجن خيالن ۽ نظرين طرف سمجهائڻ ۽ قائل ڪرڻ ۾ ڪامياب ٿيون ۔۔۔ صرف ها ڪري ڇڏڻ يا نه ڪري ڇڏڻ سان ممڪن ڳالهه واضح ٿي نه سگهي ۔۔۔ هڪ ٻيو عرض ته دوست جي ڪا به ڳالهه ڪن ته انجي پويان ڪهڙا حوالا ۽ ڪهڙيون حقيقتون آهن، انهن جو ذڪر ضرور ڪن ته بحث ۾ سمجهڻ ۽ سمجهائڻ وارو رويو قائم رهندو ۔۔۔ مطلب چوڻ جو ته علمي بحث هميشه، جّذباتي بحث کان سهڻو هوندو آهي ۔۔۔ آخر ۾ آءُ به پنهنجن مفصل خيالن جو اظهار ضرور ڪندس ۔۔۔
جواب: سنڌ ترقي پسند پارٽي جي چئرمين محترم ڊاڪٽر قادر مگسي جو انٽرويو هڪ سوال جي جواب به سائين قادر مگسي چيو ته ڇو ته رب پاڪ سنڌ کي سمنڊ ڏنو آهي ان ڪري ان تي صرف سنڌ جو حق آهي جنهن ڪري سمنڊ جي آمدني ٻئي صوبي کي نه ڏني وڃي ۔ سوچيان ٿو جيڪڏهن پنجاب به ائين چوي ته سنڌو ندي پهريان پنجاب مان گذري ٿي ان ڪري پنجاب جو حق آهي ته ڊيم ٺاهي يا ان جو پاڻي جيترو کڻي سگهي کڻي اهو ان جو حق آهي ته پو اسان جو ڇا ٿيندو۔ باقي مراد علي شاه جون تقريرون ته هونديون ئي ماڻهن کي بي وقوف ڪرن لا ۔ ڀلا هي تقرير ڏسو ڪيئن نه سنڌي ٽوپي جو ڏهاڙو ملهائڻ جو سمورو ڪريڊٽ پاڻ کڻي رهيا آهن۔ http://www.youtube.com/watch?v=Yk10zdR2rlM
جواب: سنڌ ترقي پسند پارٽي جي چئرمين محترم ڊاڪٽر قادر مگسي جو انٽرويو ادا وحيد اوهان ٻه ڳالهيون پاڻ ۾ ملائي رهيا آهيو ۔۔۔ هڪ سمنڊ آهي ٻيو درياهه، درياهه جو تعلق زراعت ۽ انساني کاڌ خوراڪ سان گهڻو آهي انڪري بين الاقوامي ۽ ملڪي قانون ٺهيل آهن ته زراعت واري پاڻيءَ جي ورهاست ڪيئن هجڻ کپي؟ ۔۔۔ جيئن ته آءُ ملڪ کان ٻاهر آهيان انڪري مون وٽ پڪا انگ اکر نه آهن ۔۔۔ جنهن لئه اوهانکي عرض آهي ته زراعت کاتي وارن کان اهڙا انگ اکر گڏ ڪري پاڻ به پڙهو ۽ اسانکي به پڙهايو ته جيئن حقيقت واضح ٿئي ۔۔۔ جيتري حد تائين مونکي ياد آهي ته زراعتي پاڻي تي پڇاڙ وارن جو حق وڌيڪ هوندو آهي، ٻي ڳالهه ته درياهه جيئن ته سمنڊ جي طرف ويندا آهن انڪري سمنڊ جي ڪپر تي رهندڙ قومن جو ڀاڱو گهڻو هوندو آهي ۔۔۔ ۽ جي اهو قانون نه هجي ها ته جيڪي قومون پڇاڙ ۽ سمنڊ جي ڪپر تي رهنٿيون سي پيئڻ جي پاڻيءَ کان وانجهيل رهنديون ۔۔۔ مطلب ته زندگي ۽ موت جو معاملو آهي ۔۔۔ بين الاقوابي قانون مطابق سمنڊ جنهنجي زمين سان لاڳاپيل هوندو آهي ۔۔۔ ان سان ڪجهه مفاصلو اندر تائين ان قوم جي ذاتي ملڪيت هوندو آهي ۽ جي ڪا ٻي قوم استعمال ڪرڻ چاهي ته انجي کيس رقم ادا ڪرڻي پوندي يا جيئن ٻن قومن جي وچ ۾ معاهدو هجي ۔۔۔ وڌيڪ اوهان پاڻ مطالعو ڪري اسانکي به ٻڌايو ۽ پاڻ به پڙهو ته ٿورا ٿيندا ۔۔۔ sindhsalamatsaathsal
