اتم انسان : جوهر بروهي

[سليمان وساڻ]

​

سنڌ سلامت ڊجيٽل بوڪ ايڊيشن سلسلي جو ڪتاب نمبر ٻاهٺ (62) پيش آهي۔ هي ڪتاب ”اتم انسان“ نامياري شاعر ۽ نعت گو محترم جوهر بروهي جي سنڌ دوست عالمن ۽ سماج پرور شخصيتن کي شاعريء ۾ ڏنل ڀيٽا تي مشتمل آهي.

اسين ٿورائتا آهيون محترم عبدالجبار شيخ صاحب جا جنهن هن ڪتاب جي سافٽ ڪاپي موڪلي ڏني ۽ سنڌ سلامت تي پيش ڪرڻ جي اجازت ڏني.

​

هتي ڪلڪ ڪري ڪتاب ڊائونلوڊ ڪيو​

 

[سولنگي فهيم]

سلام بعد عرض ته جوهر بروهي صاحب سان واسطو منهنجو ماهوار الفاروق وسيلي ٿيو۔ سائين سندن سٺيون نعتون ۽ حمد وغيره موڪليندو رهندو آهي۔ سندن اهڙي ڪاوشن تي جس هجي هجين، اسان نوجوانن کي دعائن ۾ ياد رکو۔

 

[امان الله ڀٽو]

هي مون به صلاح مشورا شڪايتون ۾ عرض رکيو هو ۽ ڪجهه حصا ادا سليمان ڏي اي ميل ڪيا هيا
پر هي منهنجي ڪاوش منظور ٿي وئي ۽ هي ڪتاب سنڌ سلامت جي زينت بڻجي ويو آهي ۽ صلاح مشورا شڪايتون
الحمد الله

 

[اي جي شيخ]

سائي

هي مون به صلاح مشورا شڪايتون ۾ عرض رکيو هو ۽ ڪجهه حصا ادا سليمان ڏي اي ميل ڪيا هيا
پر هي منهنجي ڪاوش منظور ٿي وئي ۽ هي ڪتاب سنڌ سلامت جي زينت بڻجي ويو آهي ۽ صلاح مشورا شڪايتون
الحمد الله

سائين محمد سليمان صاحب جي وڏي مهرباني جو ايڏي وڏي موٽ ڏئي ٿو آ ۽ سائين جوهر بروهي صاحب سندس ٿورائتا آهيون

 

[سليمان وساڻ]

سائي

سائين محمد سليمان صاحب جي وڏي مهرباني جو ايڏي وڏي موٽ ڏئي ٿو آ ۽ سائين جوهر بروهي صاحب سندس ٿورائتا آهيون

لک قرب سائين ۔۔۔ اهي اوهان جا قرب آهن جو ڪتاب موڪلي سنڌ سلامت تي پيش ڪرڻ جي اجازت ڏيو ٿا۔ سنڌي ٻولي جي ترقي ۾ اوهان جو حصو به شامل آهي۔

 

[ممتاز علي وگهيو]

محمد عثمان ميمڻ
سنڌي ادبي کيتر ۾ جوهر بروهيءَ جو نانءُ سڀني کان نمايان آهي. هو پنهنجي سَٿ واري ٽهيءَ ۾ هڪ الڳ ٿلڳ سڃاڻپ رکي ٿو. نهايت ئي مسڪيني حال ۾ رهندڙ جوهر بروهيءَ جو اصل نالو عبدالقيوم آهي. سندس جنم 29 جنوري 1950ع تي پني عاقل جي هڪ ننڍڙي ڳوٺ ٿريچاڻيءَ ۾ ٿيو. مئٽرڪ، درس نظامي ۽ دور تفسير جا امتحان پاس ڪيل آهن. هن ابتدائي تعليم مختلف ديني مدرسن مان حاصل ڪئي. هن مدرسه عربي فريد آباد، مدرسه عربيه دارا القرآن ميهڙ، مدرسه عربيه قاسم العلوم گهوٽڪي ۽ مدرسيه عربيه انور الرحمان درياهه خان مري نوشهروفيروز مان ديني تعليم پرائڻ بعد جامع اشرفيه سکر مان 1970ع ۾ درسي نظاميءَ جي تڪميل ڪئي ميهڙ ويجهو مدرسه حفظ القرآن ۾ استاد مقرر ٿيو. هن مئٽرڪ جو امتحان 1992ع ۾ هاءِ اسڪول ميهڙ مان پاس ڪرڻ بعد 1994ع ۾ بين الاقوامي اسلامي يونيورسٽي اسلام آباد مان ڪورس مڪمل ڪيو. ان دوران مدرسه عربيه العلوم رحيم يار خان ۽ شيخ التفسير مولانا عبدالغني جاجرويءَ کان 2 دفعا قرآن پاڪ جو تفسير پڙهيو ۽ تجويد ۾ استاد قاري محمد مدنيءَ وٽ تعليم پوري ڪئي. جوهر بروهي 1974ع کان مدرسه عربيه محمديه فريد آباد ۾ ديني معلم جي حيثيت سان درس ۽ تدريس جي عمل ۾ مصروف آهي. جوهر بروهي سٺي شاعر هجڻ سان گڏوگڏ سٺو نقاد، محقق ۽ نثر نويس پڻ آهي. هن 1972ع کان سنڌي ۽ براهوي ادب ۾ پير پاتو. بواهويءَ ۾ نور محمد پروانه کان ۽ سنڌيءَ ۾ الحاج رسول بخش خان ڏيرو سندس رهنمائي ڪئي. جوهر بروهي جا سنڌي، براهوي ۽ اردو جي ڪيترن ئي رسالن اخبارن ۾ مختلف صنفن ۾ مضمون، مقالا، انشائيه ۽ شاعري سان گڏوگڏ سنڌ، بلوچستان، ڪوهستان جي قديم آثارن بابت سندس مضمون ڇپيا آهن. جوهر بروهي ڪاڇي ۽ ڪوهستان بابت وسيع ڄاڻ رکي ٿو. ان حوالي سان هو ڪاڇي ۽ ڪوهستان جي هلندڙ گهمندڙ انسائيڪلو پيڊيا آهي. جوهر بروهي هسٽاريڪل سوسائٽي سب ڊويزن ميهڙ جو چيئرمين، بزم لطيف ميهڙ جو سرپرست اعليٰ، براهوي پبليڪيشن سنڌ جو سيڪريٽري ۽ سنڌي ادبي سنگت ميهڙ جو ميمبر پڻ آهي. هن جا سنڌي قومي براهوي ادب ۾ ويهارو کن ڪتاب شايع ٿيل آهن، جن ۾: (1) احوال غم (براهوي شاعري)، (2) گوريج (براهوي نثر)، (3) ختم نبوت (مذهبيات)، (4) شيموش (براهوي شاعري)، (5) روشنائي (براهوي شاعري)، (6) دردانه (براهوي شاعري)، (7) شادوزباد (قومي شاعري)، (8) طوبي نارند (مرثيه)، (9) ڪاروان (مثنوي)، (10) شڪر ڦل (انشائيه)، (11) احوال غم (بارڊگر)، (12) لولي (ٻاراڻي شاعري)، (13) براهوي تخليقڪار اور سوانح، (14) اماه العصر، (15) گلدسته سنڌ ۽ (16) استاد وريلداس جو ڪلام (مرتب) شامل آهن.۔۔۔۔۔۔۔۔۔۔۔ بشڪريه مهراڻ