سنڌ فيسٽيول جو افتتاح اڄ ٿي رهيو آهي

'شل سنڌ ۽ سنڌو آباد رهي' فورم ۾ سليمان وساڻ طرفان آندل موضوعَ ‏1 فيبروري 2014۔

  1. سليمان وساڻ

    سليمان وساڻ
    مينيجنگ ايڊيٽر
    انتظامي رڪن لائيبريرين

    شموليت:
    ‏6 آڪٽوبر 2009
    تحريرون:
    16,938
    ورتل پسنديدگيون:
    27,305
    ايوارڊ جون پوائينٽون:
    533
    ماڳ:
    سچل ڳوٺ ، ڪراچي
    [​IMG]

    سنڌ جي ثقافت کي سڄي دنيا ۾ اجاگر ڪرڻ لاءِ 5 هزار سال قديم ماڳ موهن جو دڙو تي اڄ پهرين فيبروري تي رٿيل سنڌ فيسٽيول جون تياريون مڪمل ٿي چڪيون آهن، سنڌ جي ثقافت کاتي ۽ لاڙڪاڻي جي ضلعي انتظاميا پاران ٿيندڙ سنڌ فيسٽيول جي افتتاحي تقريب ۾ پ پ چيئرمين بلاول ڀٽو زرداري، بختاور ڀٽو زرداري، آصفه ڀٽو زرداري، وزيراعليٰ سنڌ سيد قائم علي شاهه، پ پ ايم اين اي فريال ٽالپر سميت 400 مهمان شرڪت ڪندا، ذريعن موجب افتتاحي تقريب لاءِ 400 وي آءِ پيز کي دعوت نامه ۽ خاص پاسون جاري ڪيون ويون آهن،اڄوڪي پروگرام ۾ بلاول ڀٽو زرداري جا پرڏيهي دوست ۽ ڪيترن ئي ملڪن جا سفير به شرڪت ڪندا، مک تقريب لاءِ موهن جو دڙو جي اسٽوپا جي سامهون ميدان تي 70 فوٽ ڊگهو ۽ 35 فوٽ ويڪرو اسٽيج تيار ڪيو ويو آهي، جڏهن ته آثارن ۽ انهن جي حصن ۾ رنگ برنگي خوبصورت لائيٽون لڳايون ويون آهن ۽ وڏو سائونڊ سسٽم ۽ وڊيو اسڪرين به لڳائي وئي آهي، پروگرام موجب افتتاحي تقريب اڄ شام 6 وڳي شروع ٿيندي، جيڪا رات دير تائين جاري رهندي، ان موقعي تي سيڪيورٽي جا انتظام سخت ڪري 2500 پوليس اهلڪارن جون موهن جو دڙو ۽ آس پاس وارن علائقن ۾ ڊيوٽيون لڳايون ويون آهن، گڏوگڏ رينجرز اهلڪار به فرض سرانجام ڏيندا، سنڌ فيسٽيول ۾ موهن جو دڙو جي پس منظر ۾ 8 منٽن جي قديم ڪپڙي بابت پرفارمنس ڏيکاري ويندي، جنهن ۾ نرتڪيون ۽ 100 مرد ڊانسر حصو وٺي رهيا آهن، اسٽوپا جي گيٽ وٽ هٿ جي هنرن، گج، رلين ۽ نواد رات جا 11 اسٽال لڳايا ويا آهن، اڄوڪي فيسٽيول ۾ انڊس ڊالفن (انڌي ٻلهڻ) بابت ليزر شو ڏيکاريو ويندو، چيو وڃي ٿو ته 200 سفيرن سميت 400 مهمانن کي موهن جو دڙو آڻڻ لاءِ لاهور ۽ ڪراچي کان خاص اڏامون پهچنديون.​
     
    3 ڄڻن هيء پسند ڪيو آهي.

هن صفحي کي مشهور ڪريو