سنڌ سلامت ڊجيٽل بوڪ ايڊيشن سلسلي جو ڪتاب نمبر اٺهتر (78) اوهان اڳيان پيش ڪجي ٿو. هي ڪتاب ”برکا بوند بهار جي“ سنڌ جي 16 شاعرن جي شاعريء تي مشتمل گلدستو آهي. پياري دوست ۽ مرڪ پبليڪيشن شهداد ڪوٽ جي سرواڻ مرتضى لغاريءَ کي جس هجي جنهن هن ڪتاب جي سهيڙ ڪئي آهي. جن شاعرن جي شاعري هن ڪتاب ۾ شامل آهي انهن ۾ عبدالله شاهه اطهر، شفيع محمد شاد، سميع ساجد جوڻيجو، ڪؤڙل قربدار، ناشاد رشيد سنڌي، رشيد خانواهي، پريتم قاضي، عمر دراز، مٺل سولنگي، شيخ نديم، سرتاج ڀٽو، بدر انصاري، بلال عزيز بروهي، پريت گهمرو، عائشه ميمڻ ۽ مرتضى لغاري شامل آهن. اسين ٿورائتا آهيون پياري مرتضى لغاريءَ جا جنهن هن ڪتاب جي سافٽ ڪاپي موڪلي ڏني ۽ هي ڪتاب سنڌ سلامت تي پيش ڪرڻ جي اجازت ڏني. هي ڪتاب مرڪ پبليڪيشن شهداد ڪوٽ پاران ڇپائي مارڪيٽ ۾ آندو ويو آهي. هتي ڪلڪ ڪري ڪتاب ڊائونلوڊ ڪيو
