پُڇَن سي پَسَن، جڏهن تڏهن پرينءَ کي، ڏورينديون ڏسَن، اڱڻ عجيبَن جا. سر حسيني سسئي پُڇَن = طلب رکن، سڪ رکن * جي محبوب جي سڪ رکن ٿيون، طلب رکن ٿيون سي ئي محبوب جو مشاهدو ماڻن ٿيون، سي ئي محبوب کي رسن ٿيون. * جي هميشه جستجو ۾ آهن، ڳولا ۾ آهن، جي پاڻ پتوڙين ٿيون، ڪشالا ڪڍن ٿيون سي ئي محبوب ماڻن ٿيون. سمجهاڻي : ڀٽائي هدايت ٿو ڪري ته هر گهڙي، هر پل جستجو ۾ رهڻ، ڳولا ڪرڻ، تلاش ڪرڻ، پاڻ پتوڙڻ ۽ ڪشالا ڪڍڻ سان ئي محبوب ۽ منزلون حاصل ٿينديون آهن. سائين مظفر منگي جي فيس بوڪ وال تان ورتل
