السلام عليڪم ! دوستو، منهنجي موبائيل ۾ موجود ميموري ڪارڊ ۾ خبر ناهي ڪهڙي مصيبت اچي وئي آهي جو هو فارميٽ جو آپشن ڏئي ٿو. کلڻ جو نالو ئي نه ٿو وٺي. اهڙي طرح جيڪڏهن موبائيل کي پي سي سان ڪنيڪٽ ٿو ڪريان ته به اتي ميموري ڪارڊ نه ٿو کلي. اتي به فارميٽ جو آپشن ٿو اچي. مهرباني ڪري ڪو اهڙو ڏس ڏيو جنهن سان منهنجي ڊيٽا مون کي واپس ملي وڃي.
ادا عبدالله السندي....پنهنجي ميموري ڪارڊ کي ٻه ٽي ڏينهن لاڙڪاڻي جي اُس ڏيکاريو... ضرور ٺيڪ ٿي ويندو... وڌيڪ ادا ذيشان رشيد ماهرِ ڪمپيوٽر و نيٽ اسپيشلسٽ کي عرض ته ڪو جائز طريقو ٻڌائين...ته جيئن اسان جي محترم ڀا جي وڃايل ميموري واپس اچي سگهي ۽ اڃا به وڌيڪ پاورفل بڻجي سگهي....
ان ايرر اچڻ جو عام سبب هوندو آهي... ڪارڊ ۾ موجود ڊيٽا جو ڪرپٽ هجڻ... اهو به ٿي سگهي ٿو ته ڪارڊ ۾ موجود سسٽم فائيلز جيڪي ڊيٽا کي ريڊ ۽ رائيٽ ڪرائينديون هجن ڪرپٽ ٿيون هجن... يا وري ممڪن آهي ته ڪارڊ ۾ بيڊ سيڪٽر بڻجي چڪا هجن... مٿيئن سڀني ڳالهين جو ڪارڻ هوندو آهي ڪارڊ کي ڪنهن به ڊوائيس يا ڪمپيوٽر مان ان پراپر ريموونگ... بحرحال هن مسئلي کي سلجهائڻ جو هڪ طريقو ونڊوز ۾ ئي موجود آهي توهان به ڪوشش ڪري ڏسو... ان لاءِ My Computer تي ڊبل ڪلڪ ڪريو ۽ سامهون نظر ايندڙ ڊرائيوز مان ميموري ڪارڊ واري ڊرائيو تي ساڄي پاسي ڪلڪ ڪري Properties چونڊيو... توهان جي سامهون هڪ ڊائلاگ باڪس کُلي ايندو... ان مان Tools ٽيب تي اچي Error-checking سيڪشن مان Check Now... بٽڻ تي ڪلڪ ڪريو.. هاڻي سامهون کلندڙ ونڊوز جي سيڪشن Check disk options مان ٻنهي آپشنس Automatically fix file system errors ۽ Scan for and attempt recovery of bad sectors تي چيڪ لڳايو ۽ Start بٽڻ تي ڪلڪ ڪريو.. سسٽم کي سڪين ڪرڻ ۾ وقت لڳي سگهي ٿو جيڪو ميموري ڪارڊ ۾ موجود ڊيٽا جي سائيز تي منحصر آهي... هڪ دفعو سڪيننگ مڪمل ٿيڻ کان پوءِ ڪارڊ کي ڊائريڪٽ ڊبل ڪلڪ ڪري کولڻ بجاءِ سسٽم پين مان ڊرائيو سليڪٽ ڪري کوليو... ۽ پهرين فرصت ۾ موجود ڊيٽا کي ڪاپي ڪري وٺو... جنهن کان پوءِ ڪارڊ کي وڌيڪ ڪارآمد بنائڻ لاءِ فارميٽ ڪريو...
