سنڌ سلامت کي سنڌ جي هر گهر ۾ پهچائڻ لا (ماهوار سنڌ سلامت ميگزين يا رسالو ڇو نه شايع ڪيو وڃي.

جيئن ته سنڌي ٻولي کي ترقي وٺرائڻ ۾ سنڌ سلامت فورم جتي خدمت خلق جو ايترو وڏ ڪم ڪري رهيو آهي. جيڪو اڳ ممڪن نه هو..ته هاڻي ڇو نه سنڌ سلامت جي حوالي سان هڪ ميگزين يا رسالو شايع ڪيو وڃي....جنهن سان هڪ ته اسان سنڌ ۽ ملڪ جي هر ماڻهو کي هن ايڏي وڏي نيٽ ورڪ جي ڄاڻ ملندي ،ته اسان ڪيئن نه پنهنجي سنڌي ڀائرن ۽ ڀيڻن جي لا هيڏو وڏو فورم جوڙي پنهنجي سنڌ، ملڪ ۽ پنهنجي ٻولي ۽ قوم جي خدمت ڪري رهيا آهيون. يقينن مان سمجهان ٿو ته سنڌ سلامت جي ايتري ترقي ٿي سگهي ٿي...جنهن جو هن وقت اندازو لڳائڻ مشڪل آهي...۽ ڪافي مالي مدد ۽ سهائتا به ملي سگهي ٿي....

ادا پيسو خرچ ڪرڻ ڪو ايڏو مڏو مسئلو نه آهي........ڳالهه آهي هڪ ٽيم ورڪ جوڙڻ جي ۽ پاليسي جوڙن جي..... سڀ کان پهرين ان متعلق اسانجي هڪ فائينانشل ٽيم جُڙي جيڪا اسانجي رسالي تي ايندڙ خرچ جو ڪاٿو لڳائي......ان جي لا اسان وٽ 5000 هزار ميمبر آهن....اگر 50 روپيه في ميمبر جي حساب سان 5000 هزار سان ضرب ڪريو ته تڏهن به 250000 ٻه لک پنجاهه هزار ٿي وڃن ٿا....اها ته اسانجي شروعات هوندي ۽ ان کان علاوه اسان جي ٻي ٽيم سنڌ جي هر شهر ۽ پنهنجي ملڪ جي ڪنڊ ڪڙڇ ۽ ملڪ کان ٻاهر دوستن سان به مارڪيٽنگ ۽ تعاون ڪندي.... ان کان پو اسان جي ٽي ٽيم اشتهار وٺندي... اسانجي چوٿين ٽيم جو ڪم رسالي جي سرڪيوليشن هوندي....مان سمجهان ٿو....هي رسالو اڳتي هلي سنڌ سلامت کي معاشي سپورٽ فراهم ڪرڻ ۾ به پنهنجو وڏو ڪردار ادا ڪندو...جيئن سنڌ سلامت جي ترقي ۾ اڃان واڌارو ٿي سگهي......شروع ۾ مشڪلات به اينديون....پر (پيني اينڊ پيني ميڪس ميني) جي اصول ۽ آڌار تي اسان سڀ دوست هن پليٽ فارم تي هڪ جسم ۽ هڪ جان جو مظاهرو ڪنداسين... انشا الله مان سمجهان ٿو ته ڪو بهاهڙو اشو ڪريئيٽ نه ٿيندو.... سگهندو... ۽ اهو رسالو اسانجي رسالي لا ڪم ڪندڙ ملازم دوستن جي پگهار جو به بهترين ذريعو بڻجي سامهون ايندو...
باقي اگر هر دوست هتي همٿائڻ جي بغير پنهنجا پنهنجا عذر پيش ڪيا، ته پو يقيناٌ اهو ڪڏهن به ممڪن نه ٿي سگهندو.............

 

بهترن ڳاله آهي اوهان جي، ميگزين شايع ڪرڻ سان اسان جهڙن بيروزگارن کي روزگار به ملي پوندو

 

بهترين صلاح آ ادا اوهان جي ان تي عمل ٿيڻ کپي پئسي سان گڏ وقت جي ضرورت پڻ آهي اسان به حاضر آهيون اوهان سان هر حال..........
سنڌ سلامت ساٿ سلامت

 

سائين تمام بهترين صلاح آهي، اسان حاضر آهيون هر قسم جي خدمت لا ۽ توهان ڪو ٽاسڪ ڏنو ته ضرور پورا ڪنداسين، سنڌ جي خدمت اسان جو فرض آهي. مالي مدد لا به تيار آهيون.

 

سب کان پهرين ته هڪ سٺو رسالو شايع ڪرڻ لاءِ گهٽ ۾ گهٽ آف لائين 5 کان 6 ميهنن جو مواد اڳ ۾ گڏ ڪرڻو پوندو. تازاه مواد کي شايع ڪرڻ وڏو مسئلو ڪون هوندو ان کان پوءِ ان جي مارڪيٽنگ لاءِ هر شهر مان نومائندن جي چونڊ ڪرڻي پوندي.
وڏي ڳالهه بجيٽ جي آهي جيڪا لڳي ٿو سنڌ سلامت وارن کي مونجهائي رهي آهي.
سنڌسلامت جو رسالو ضرور اچڻ کپي

 

رسالو شايع ڪرڻ هڪ پراڻو خواب آهي پر مسئلا ان خواب کان به پراڻا آهن، اها ڳالهه ته منهن ڏيڻ جوڳي آهي ته مالي معاملا ڏکيائي پيش ڪندا پر ان جو حل موجود آهي جيئين اسان سڀ دوست جيڪر ساليانا خريدار ٺاهيون ۽ انهن کان سال جي رقم اڳواٽ وٺون ته 800، 1000 مستقل خريدار به پيدا ٿي ويندا ۽ رسالو شايع ڪرڻ جي لا هڪ سال جي لا رقم به ملي ويندي، سال جي لا جيڪي شمارا شايع ٿيندا اهي ٽپال وسيلي خريدارن کي موڪلي ڏبا (بڪ پوسٽ ۾ في خريدار 2 روپين جي ٽڪلي استعمال ڪبي آهي، مطلب ان جو ڪو سوايو خرچ نه ايندو) فرض ڪريو اسان وٽ سال تائين هڪ هزار ڪاپيون شايع ڪرڻ جيتري رقم هجي ته ان دوران اسان اڳئين سال جي لا اشتهارن مان رقم به گڏ ڪري وينداسين، ڳالهه جيڪر ٿوري ۾ ختم ڪجي ته منهنجي خيال ۾ سيڙپ جو ايڏو وڏو مسئلو ناهي، اصل ڳالهه آهي ته وقت ڪنهن وٽ آهي؟؟
اسان جيڪي هن فورم تي سرگرمي ڪندا آهيون ان جي لا اسان ڪي ڪو مقرر وقت گهربل ناهي هوندو جنهن کي جنهن مهل دل چوي ان مهل اهو اچي ٿو پر رسالي جي لا مسلسل توجه ۽ ٽائيم گهربل آهي، 48 صفحن جي رسالي لا گهربل مواد هٿ ڪرڻ، ان جي ڇنڊڇاڻ، سيٽنگ، پروف، پيج ميڪنگ، ڊيزائننگ، ڇپائي ۽ ترسيل لا سمجهو ته هڪ محنتي ٽيم جا ٻه هفتا گهربل هوندا سو به هر مهيني!!!
باقي جذباتي ٿي رسالو ڪڍي ته سگهجي ٿو باقي اهو هلي شايد نه سگهي

 

ادا رسالو شايع ڪرڻ وڏو مسئلو ناهي هوندو پر اُن کي هلائڻ وڏو مسئلو آهي، جيڪڏهن رسالو شايع ٿيو ۽ نه هلي سگهيو ته سنڌه سلامت فورم جي ساکھ متاثر ٿيندي، باقي شر صاحب چيو ته ڇهن مهينن جو مواد گڏ هجڻ ضروري آهي، ادا جتي دوست ذميواري کڻندا انشاء الله اُنهي کي نڀائيندا به سهي. اگر دوست رسالو هلائي سگهن ته هي تمام بهتر آهي سنڌه سلامت جي داوا آهي ته هن فورم تي 5000 هزار کان مٿي دوستن جي رجسٽري آهي، اگر اُهي دوست ئي آماده ٿين ته ڪوبه مسئلو ناهي پنجن هزارن مان صرف هڪ هزار دوست هن رسالي کي خريد ڪندا ٿڏهن به هن رسالي جو خرچ نڪري ويندو، ۽ اسان سالياني ممبر شپ فيس ادا ڪرڻ لا تيار آهيون

 

اسان مالي سهائتا لاءِ به تيار آهيون ۽ رسالي جي خريداري ۾ به ۽ ٻي ڳالھ ته سنڌ سلامت جا ميمبر تقريبن هر شهر ۾ آهن ، جن جي ذريعي سنڌ جي هر شهر ۾ رسالو پهچائڻ آسان آهي ۽ فروخت ڪرڻ به ، صرف مشڪل ڪم هي آهي ته مواد کي سهيڙڻ ، ان جي چونڊ کان وٺي پرنٽنگ تائين وارو مرحلو ڏکيو آهي ، جنهنجي لاءِ گهٽ ۾ گهٽ ٻٽي ماڻهون ڪراچي ۾ هجن جيڪي ان لاءِ خاص ڪم ڪن ! باقي حال حبيبان پيش پريان ، اسان انتظاميه جي فيصلي تي حاضر آهيون

 

ادا پيسو خرچ ڪرڻ ڪو ايڏو مڏو مسئلو نه آهي........ڳالهه آهي هڪ ٽيم ورڪ جوڙڻ جي ۽ پاليسي جوڙن جي..... سڀ کان پهرين ان متعلق اسانجي هڪ فائينانشل ٽيم جُڙي جيڪا اسانجي رسالي تي ايندڙ خرچ جو ڪاٿو لڳائي......ان جي لا اسان وٽ 5000 هزار ميمبر آهن....اگر 50 روپيه في ميمبر جي حساب سان 5000 هزار سان ضرب ڪريو ته تڏهن به 250000 ٻه لک پنجاهه هزار ٿي وڃن ٿا....اها ته اسانجي شروعات هوندي ۽ ان کان علاوه اسان جي ٻي ٽيم سنڌ جي هر شهر ۽ پنهنجي ملڪ جي ڪنڊ ڪڙڇ ۽ ملڪ کان ٻاهر دوستن سان به مارڪيٽنگ ۽ تعاون ڪندي.... ان کان پو اسان جي ٽي ٽيم اشتهار وٺندي... اسانجي چوٿين ٽيم جو ڪم رسالي جي سرڪيوليشن هوندي....مان سمجهان ٿو....هي رسالو اڳتي هلي سنڌ سلامت کي معاشي سپورٽ فراهم ڪرڻ ۾ به پنهنجو وڏو ڪردار ادا ڪندو...جيئن سنڌ سلامت جي ترقي ۾ اڃان واڌارو ٿي سگهي......شروع ۾ مشڪلات به اينديون....پر (پيني اينڊ پيني ميڪس ميني) جي اصول ۽ آڌار تي اسان سڀ دوست هن پليٽ فارم تي هڪ جسم ۽ هڪ جان جو مظاهرو ڪنداسين... انشا الله مان سمجهان ٿو ته ڪو بهاهڙو اشو ڪريئيٽ نه ٿيندو.... سگهندو... ۽ اهو رسالو اسانجي رسالي لا ڪم ڪندڙ ملازم دوستن جي پگهار جو به بهترين ذريعو بڻجي سامهون ايندو...
باقي اگر هر دوست هتي همٿائڻ جي بغير پنهنجا پنهنجا عذر پيش ڪيا، ته پو يقيناٌ اهو ڪڏهن به ممڪن نه ٿي سگهندو.............

 

ادا جمالي صاحب مان اوهان جي راءِ سان سهمت آهيان ، ٻانهي وس پرينءَ جي ، اسان اوهان سان هر ميدان ۾ گڏ آهيون

 

سنڌ سلامت ميگزين هڪ حسين خواب..!! ​

سنڌسلامت ميگزين بابت دوستن جا رايا ۽ مشورا پڙهي دل چاهيو ته ان بابت پنهنجا خيال به دوستن آڏو رکجن.
جيئن ته سنڌ سلامت فورم انٽر نيٽ تي سنڌي ٻولي جو وڏي ۾ وڏو فورم هئڻ جو اعزاز رکي ٿو انڪري اهو خواب ڏسڻ ۾ ڀلو لڳي ٿو ته هن فورم جو پنهنجو ميگزين به هئڻ گهرجي ته جيئن هن فورم جي مشن کي اڃا به وڌيڪ مؤثر انداز سان پورو ڪري سگهجي. ان ۾ ڪو شڪ نه آهي ته سنڌ سلامت ميگزين ذريعي سنڌي ٻولي جي واڌ ويجهه ۽ جديد دؤر جي هر علم جي تازا ترين معلومات هڪ وڏي انگ تائين پهچائي سگهجي ٿي.

ڪمپيوٽر ۽ نيٽ جي سهولت عام هجڻ باوجود اها به هڪ حقيقت آهي ته سنڌين جو هڪ وڏو انگ انٽرنيٽ جي سهولت کي لاڳيتي بنياد تي استعمال ڪرڻ کان قاصر آهي. اهڙي صورتحال ۾ جيڪڏهن سنڌ سلامت ميگزين (ماهوار يا ٽماهي) ڇپجڻ شروع ٿئي ته سنڌي ٻولي ۽ سنڌي ادب جي خدمت اڃا به بهتر انداز سان ڪري سگهجي ٿي. سنڌ ۾ ٿيندڙ تبديليون جيڪي سياست ۾ هجن يا سنڌي ادب، شعر و شاعري ، سائنس، ميڊيڪل يا ڪمپيوٽر جي جديد انفارميشن هجي هر ڪنهن وٽ پهچڻ جو هڪ بهتر ذريعو سنڌسلامت ميگزين بڻجي سگهي ٿو.

هن وقت تائين جيڪي به رايا آيا آهن انهن ۾ سڀ دوست ميگزين جي حمايت ڪري رهيا آهن. ڪجهه دوست هن ميگزين کي صرف ڪمپيوٽر بيسڊ ميگزين ڏسڻ چاهين ٿا پر مان سمجهان ٿو سنڌسلامت ميگزين رڳو ڪمپيوٽر جو نه پر هڪ مڪمل فيملي ميگزين هئڻ گهرجي. ٻين لفظن ۾ هي ميگزين سنڌسلامت فورم جي ئي هڪ پرنٽ فارميٽ هجي ته وڌيڪ بهتر ٿيندو. ان سلسلي ۾ فورم تي موجود سيڪشنز کان به مدد وٺي سگهجي ٿي. جيڪڏهن انهن کي ميگزين ۾ شامل ڪجي ته به هي هڪ معياري قسم جو ميگزين بڻجي سگهي ٿو. ميگزين لا مواد به سنڌ سلامت فورم تي پهرين کان ئي وافر مقدار ۾ موجود آهي جنهن کي چونڊ ڪري ، معمولي ترميم يا تبديلي کان پو ميگزين جي زينت بڻائي سگهجي ٿو.

هاڻ هن حسين خواب جي تعبير جي ڳالهه ڪجي....
جيتوڻيڪ نيٽ تي فورم هلائڻ هڪ محنت طلب ڪم آهي پر ميگزين يا رسالو باقائدگي سان ڇپائڻ ان کان به وڌيڪ مشڪل ڪم آهي. ڇو جو ان لا وڌيڪ وقت، وڌيڪ پيسو ۽ هڪ نهايت تجربيڪار ٽيم جو موجود هئڻ نهايت ضروري آهي.
ميگزين اهي ڪاميابي سان لاڳيتو شايع ٿيندا آهن جيڪي ون مين شو بدران هڪ اداري ۽ هڪ محنتي ٽيم جي نگراني هيٺ هوندا آهن. ميگزين کي ڇپائڻ صرف ادبي ڪم نه آهي، هي هڪ گهڻ رخي پيشو به آهي. جنهن سان ڪيترن ئي ماڻهن جو روزگار به وابسته هوندو آهي. جيڪو بذاتِ خود هڪ وڏي ذميداري جو ڪم آهي. ميگزين کي ڪاميابي سان هلائڻ لا هڪ محنتي ۽ پروفيشنل ٽيم جي ضرورت هوندي آهي. جيڪا تجربيڪار ۽ قومي جذبي سان سرشار به هجي.

بدقسمتي سان اسان سنڌي ماڻهن ۾ قومي جذبو ته تمام گهڻو آهي، اسان پنهنجين ڳالهين ۾ وڏيون وڏيون دعوائون به ڪرڻ جا ماهر آهيون پر عملي طور تي اسان صرف سُک ۾ ساٿ نڀائيندا آهيون. جڏهن تڪليف وارو وقت ايندو آهي ته هر ڪو پاسيرو ٿي پري کان تماشو ڏسڻ پسند ڪندو آهي.
انڪري منهنجي سنڌ سلامت انتظاميه جي دوستن کي صلاح آهي ته جيستائين مطلوبه ٽيم يا ادارو وجود ۾ نه اچي تيستائين هن خواب کي حقيقت جو روپ ڏيئي جلدبازي نه ڪن. ان سان ڪو به لاڀ حاصل ڪو نه ٿيندو.

 

ادا اسان توهان سا گڏ آهيون

 

رسالي جي سلسلي ۾ سنگت پاران مون تي ڪا به ذميواري رکي وئي ته فرض سمجهي ادا ڪندس.