امر جليل سنڌ جو گهڻو پڙهيو ويندڙ ليکڪ آهي. سندس ڪهاڻيون ۽ ڊراما گهڻو مقبول ۽ مشهور ٿيا آهن، نه صرف اهو پر سندس ڪالم جي انداز ۾ لکيل ڪهاڻيون به لازوال آهن. امر جليل صرف هڪ ناول لکيو آهي "نيٺ گونگي ڳالهايو“ جيڪو سياسي حالتن ۽ خاص ڪري سنڌي ماڻهن سان اسلام آباد ۾ ٿيندڙ وارتائن تي لکيل آهي. سندس هي ناول نوي جي ڏهائيءَ ۾ عبرت گروپ پاران نڪرندڙ هفتيوار رسالي سنڌو ۾ قسطوار ڇپبو هو. 1994ع ۾ عبرت بڪ ڪلب پاران ان کي ڪتابي صورت ۾ ڇپرايو ويو، جنهن جي اسڪين ڪاپي ڪرزمه ويب جي ٿورن سان اوهان سان شيئر ڪجي ٿي. هن ڪتاب جي ٽائيٽل پيج جي السٽريشن پياري دوست آصف رضا نظاماڻي جي ڪاوشن جو ثمر آهي. هي ناول مقبول هجڻ ڪري پوء به ڪافي دفعا مختلف پبلشرز پاران ڇپايو ويو آهي. ڪتاب مان ورتل ڪجهه سٽون: ايئن ڇو آهي، جو اسان جي زندگي پنهنجي بيگناهي ثابت ڪرڻ جي جدوجهد ۾ بيمقصد گذري ويندي آهي ! چوندا آهن ته قانون جي نگاهن ۾ انسان بيگناهه آهي، جيستائين هو گنهگار ثابت ٿئي. پر، ساڳيو قانون اسان لاءِ ابتڙ آهي. اسين گنهگار آهيون، جيستائين پاڻ کي بيگناهه ثابت نه ڪريون. هتي ڪلڪ ڪري ڪتاب ڊائونلوڊ ڪيو
