نيويارڪ (ع آنيوز) انٽرنيٽ تي سڀ کان وڌيڪ ڳوليو ويندڙ لفظ هوليڊي آهي ۽ اهو ئي سبب آهي جو اهو ڊومين نالو سڀني کان قيمتي بڻجي چڪو آهي. گذريل سورنهن سالن کان هڪ ويب سائيٽ holiday.com جي نالي سان انٽرنيٽ تي موجود آهي. جڏهن به لفظ هوليڊي جي ڳولا ڪئي ويندي آهي ته سڀ کان پهريان اها ويب سائيٽ سامهون ايندي آهي. هاڻي اهو نالو کپائڻ لاءِ پيش ڪيو ويو آهي ۽ اهو امڪان ظاهر ڪيو پيو وڃي ته اهو ڊومين دنيا جي مهانگي ڊومين جو ريڪارڊ ٽوڙيندي. ماهرن موجب ان جي قيمت ٻه ڪروڙ پندرهن لک پائونڊن کان به وڌيڪ قيمت ڪندي ۽ ان کي دنيا جون وڏيون وڏيون سياحتي ڪمپنيون ان جي خريداري ۾ سرگرم ٿي چڪيون آهن.
