ڏکڻ آفريڪي بئٽسمين ابراهيم ڊيوليئرز ون ڊي ڪرڪيٽ جي تاريخ جي تيز ترين ففٽي ۽ سينچري ٺاهي ورلڊ ڪپ 2015 کان پهريان ئي بالرن لاءِ خطري جي گهنٽي وڄائي ڇڏي... پاڻ اهڙو ڪارنامون اڄ جوهانسبرگ ۾ بدنصيب ٽيم ويسٽ انڊيز جي خلاف سيريز جي ٻئي ون ڊي ميچ ۾ ڏنو.. تفصيل موجب 39 اوور ۾ بيٽنگ لاءِ ميدان ۾ لهندڙ ڊي ويليئرز رڳو 44 بالن ۾ 149 رنسن جي راند کيڏي ويو.. پنهنجي ان اننگ ۾ هن 9 چوڪا ۽ 16 ڇڪا لڳايا... سندس اهڙي طوفاني اننگ کان پوءِ ٽيم جو مجموعي اسڪور وڃي 440 تائين پهتو... اننگ جي دوران ڊي وليئر جڏهن رڳو 16 بالن ۾ ٽن چوڪن ۽ پنجن ڇڪن جي مدد سان ففٽي ٺاهي ته ان سان هن تيز ترين ففٽي جو 18 سالا پراڻو ريڪارڊ ٽوڙي ورتو جيڪو سري لنڪا جي سنٿ جيسوريا پاڪستان جي خلاف 1996 ۾ ٺاهيو هو... ٻڌايل اننگ ۾ ڊي وليئر جو سٽرائيڪ ريٽ 339 رهيو جيڪو ونڊي جي تاريخ ۾ 50 کان وڌيڪ رنز جي اننگ ۾ سڀ کان وڌيڪ سٽرائيڪ ريٽ آهي.. ياد رهي ته ڪنهن به اننگ ۾ ڪنهن سينچري اسڪور ڪندڙ جو پڻ اهو سڀ کان وڌيڪ اسٽرائيڪ ريٽ آهي.. اي بي ڊيوليئر اننگ ۾ پهريون 50 رنسون 16 بالن ۾ ته ٻيون 50 رنسون 15 بالن ۾ ٺاهيون.. اهڙي طرح رڳو 31 بالن ۾ 8 چوڪن ۽ 10 ڇڪن جي مدد سان سينچري مڪمل ڪئي پر سندس بيٽ پوءِ به رنسون ٺاهيندي رهي ۽ وڌيڪ پنج چوڪا ۽ 5 ڇڪا هڻي ڪنهن به اننگ ۾ سڀ کان وڌيڪ 16 ڇڪن جو روهت شرما جو عالمي ريڪارڊ به برابر ڪري ورتو .. گذريل سال جنوري ۾ نيوزيلينڊ جي اينڊرسن پاڪستاني رانديگر آفريدي جو 17 سالن وارو پراڻو ريڪارڊ 36 بالن تي سينچري ٺاهي ٽوڙيو هيو ان ڀيري به بدقسمت ٽيم ويسٽ انڊيز ئي هئي.. ان کان علاوه ڏکڻ آفريڪا جي 439 رنسن جي ريڪارڊ ۾ ٽن رانديگرن جون سينچريون به هڪ منفرد ريڪارڊ رهيو... مڪمل اسڪور ڪارڊ ڪجهه هن طرح هيو...
ڪرڪيٽ جي شائقين لاءِ ڏندين آڱريون ڏيندڙ خبر آهي. پر سرگوشي: منهنجي لاءِ منهنجي لاءِ ته دٻي ۾ ٺڪريون..
هي خبر مون کي تڏهن پئي جڏهن منهنجي پفاٽبه ٿئي ته ماروٽ به ان ميسيج ڪيو ته هن تيز ترين ففٽي ٺاهي آهي. واقعي هي خبر ڏندين آڱريون ڏيندڙ خبر آهي.
