اندازي مطابق بهتر سرور جو سالانو خرچ لڳ ڀڳ 60 هزار روپيه پر گذريل سال جي تجربي اهو ثابت ڪيو ته سنڌ سلامت کي بجاءِ الڳ سرور تي رکڻ جي وڌيڪ هڪ سال لاءِ ڊيڊيڪيٽڊ آئي پي تي رکي سگهجي ٿو جيڪو نسبتن سستو آهي.. گذريل سال دوستن کي اهو به ٻڌايو ويو هيو ته هر سال خرچ ۾ 10 کان 20 سيڪڙو اضافو ٿيندو پر هن سال ڊالر جي قيمت معقول رهڻ ڪري خرچ گذريل سال وارو ئي يعني لڳ ڀڳ 24000 روپيا سالانو آهي ۽ ان کانسواءِ اسڪرپٽ جي اپڊيٽ جي قيمت 6000 هزار روپيه سالانه آهي..ان طرح سنڌ سلامت کي جديد فيچرس سان وڌيڪ هڪ سال هلائڻ لاءِ 30 هزار روپيه گهربل آهن..
گذريل سال دوستن جي موٽ کي ڏسي خوشي ٿي هئي ته دوست سنڌيت ۽ سنڌي ڪمپيوٽنگ جي پرچارڪ ۾ سنڌ سلامت جي ڪردار کي بهتر انداز سان ڏسي رهيا آهن.. ۽ ان کي جاري رکڻ چاهين ٿا.. سندن ان چاهت جو دل سان قدر ڪجي ٿو.. ۽ اميد ڪجي ٿي ته هن سال به ساٿي پنهنجي طرفان ڪجهه نه ڪجهه حصو ڳنڍيندي سنڌ سلامت کي موڪلڻ جو واعدو ڪندا ان طرح روپيو روپيو گڏجندو ته رقم پوري ٿي ويندي.
ياد رهي ته گڏ ٿيل رقم رڳو سنڌ سلامت جي هوسٽنگ، ڊومين ۽ اسڪرپٽ اپگريڊنگ تي خرچ ڪئي ويندي.. ۽ رضاڪارانه تعاون سنڌي ٻوليءَ جي خدمت جي نالي تي گهريو پيو وڃي .. ان جي عيوض رڪنن کي سنڌ سلامت تي ڪا برتري يا امتياز جي سهولت حاصل نه هوندي بلڪل ان طرح تعاون نه ڪندڙ ساٿين جي حيثيت ۾ به ڪو فرق نه رکيو ويندو...
دوست پنهنجي رقم موڪلڻ لاءِ هوئن ته ڪنهن به انتظامي رڪن کي ذاتي ڪچهري موڪلي سگهن ٿا۔ پر مهمانن ۽ پاڪستان کان ٻاهر ملڪ رهندڙ سنڌين لاءِ رقم موڪلڻ جا تفصيل هن صفحي تي موجود آهن۔
