اڄڪلهه اسان سڀئي پنهنجا سيلفي ڦوٽو ڇِڪي انهن کي سماجي رابطن جي ويبسائٽن جهڙوڪ فيسبوڪ ، انسٽا گرام، ٽوئيٽر تي موڪلڻ پسند ڪريون ٿا، پر انهن کي جيستائين ايڊٽ نٿا ڪريون ته اهي سهڻا نٿا لڳن. ۽ انهن کي ايڊٽ ڪرڻ لاءِ ايپليڪشن (يا سافٽويئر) لازمي هئڻ گهرجي ٿو، ان کان بغير ايڊٽ نٿا ڪري سگھون. توهان پنهنجو ليپٽاپ هميشه ساڻ ڪري ته نه هلندا هوندا ۽ نه ئي ان کي هروقت کولي ڦوٽو ايڊٽ ڪندا هوندا، پريشان نه ٿيو اهو ڪم توهان پنهنجي سمارٽ فون تي به ڪري سگهو ٿا. سٺيون ايڊيٽنگ ايپليڪيشنز کي توهان پلي اسٽور تي آسانيءَ سان ملي سگهن ٿيون ۽ انهن مان کوڙ ساريون ايپليڪيشنز (جيڪي تمام بهترين هُجن ٿيون) انهن کي ڊائونلوڊ به ڪري سگهو ٿا. پر پلي اسٽور تي هزارين ايپليڪيشنز آهن ۽ توهان وٽ جيڪڏهن منصوبو هُجي ته پنهنجو قيمتي وقت بچائي سگهو ٿا. اڄ آئون توهان کي ائنڊرائيڊ لاءِ 4 بهترين ڦوٽو ايڊيٽنگ ايپليڪيشنز بابت ٻڌايان ٿو جنهن سان توهان پنهنجي ائنڊرائيڊ موبائل تي پنهنجن تصويرن کي سهڻو بڻائي فيسبوڪ تي به موڪلي سگهو ٿا. Autodesk Pixlr پگزلر هڪ بهترين ۽ طاقتور ڦوٽو ايڊيٽر، جنهن ۾ توهان آسانيءَ سان تصوير کي ڪراپ، روٽيٽ ۽ سهڻو بڻائي سگهو ٿا. جيڪڏهن توهان اڳ ۾ ڦوٽو ايڊٽنگ ناهي ڪئي ته يقنن هن کي استعمال ڪرڻ کان پوءِ توهان ڪنهن ڦوٽو آرٽسٽ کان گهٽ نه هوندا. اڊاب لائٽ روم ، Adobe Lightroom (قيمت : مُفت ، پر سبسڪرپشن گھُري ٿو اڊاب ڪريئيٽو ڪلائوڊ ڦوٽوگرافي پلان جي. ) پڪس آرٽ ڦوٽو اسٽوڊيو PicsArt Photo Studio (قيمت : مُفت) تمام بهترين ايپليڪيشن آهي، جيڪا ٻه سئو ملين کان به وڌيڪ ڀيرا انسٽال ٿِي چُڪي آهي. هن ايپيلڪيشن ۾ توهان تصوير ايڊٽ ڪري ۽ ان کي شيئر به ڪري سگهو ٿا. سنيپ سيڊ Snapseed (قيمت : مُفت) هيءُ ايپليڪشنز ڪنهن پروفيشنل ڦوٽو ايڊيٽنگ سافٽويئر کان گھٽ ناهي. هن ذريعي توهان پنهنجي ڦوٽو کي سهڻو بڻائي سگهو ٿا.
