سنڌ جي برک ليکڪ ، ڪهاڻيڪار ۽ ڊراما نگار امر جليل جي ڪهاڻين جو ڪتاب ”ٽيون وجود“ اوهان اڳيان پيش آهي. هي ڪتاب ڪيئي دفعا ڇپيو آهي ۽ هن مجموعي ۾ شامل ڪهاڻيون پنهنجي دور جون لازوال ڪهاڻيون آهن جهڙوڪ، منهنجو پُٽ مهدي، پنجين موسم، ٽيون وجود ۽ ٻيون ڪهاڻيون. هن ڪتاب جي ثقافت کاتي پاران ڇپايل ايڊيشن اسڪين ڪري اوهان سان شيئر ڪجي ٿي.
منهنجو پُٽ مهدي جي هڪ ڊائلاگ ۾ هڪ هنڌ امر جليل لکي ٿو:
مهدي منهنجي ٻانهن ۾ ڦٿڪيو، وسامندڙ اکيون منهنجي اکين ۾ وجهي ڇڏيائين. مون پنهنجو منهن سندس ننڍڙي سيني تي آهستي رکيو. سندس ساهه جو ابابيل هڏڙين جي قفس مان اڏامڻ لاءِ پرڙا هڻي رهيو هو. مهديءَ ٻڏندڙ آواز ۾ ڇيو، ”مون کي پگهر جو پورهيو کاراءِ. بابا، خيرات جو ڀَتُ کائيندس ته اڦٽ مري ويندس“.
