ڏسون ته اسانجي سائڪو ٿراپي توهانجي سُتل ذهنن کي ڪيترو جهجهوڙي ٿي؟ سنڌ جي گاديءَ جو هنڌ ڪراچي (پشتو ، پنجابي ۽ سرائڪي فلمن جو مرڪز) پر سنڌي ، بلوچي فلمن جو فقدان ! ڇو ! توهان جي قومي غيرت ۽ شعور جو امتحان ته توهان ڪيترو اڳيان اچو ٿا ! ڇو جو هاڻ سوال ناهي توهانجو ! يا مُنهنجو ! پر سوال آهي سنڌ جو! ته اچو ته پنهنجي دٻن ۾ (بند پيل ٽيلي فلمون يا نيون ٽيلي فلمون) ڪڍي يا ٺاهي) اسڪالا سئنيما کي سنڌي ٽيلي فلمن لاءِ مسلسل بُوڪ ڪريون ! ان لاءِ سڌا سنوان اسلڪالا سئنيما ، يا ڪراچيءَ جي ٻين سئنيمان جي انتظاميا سان ڳالهايون ۽ ڪوشش ڪريون ته هر هفتي ڪا نه ڪا سنڌي ٽيلي فلم لازمي (اسڪالا ۽ ٻ ڪنهن ڪراچيءَ جي سئنيما ۾ اچي جيئن پشتو ۽ سرائڪي ۽ پنجابي نمائش ٿي سنڌ جو سرمايو کڻي وڃن ٿيون) ته سنڌي ڊجيٽائيز ٿيل فلم (ٽيلي فلم ) به پنهنجي گاديءَ جي شهر ڪراچي شهر ۾ سنڌيت ۽ سنڌي ٻوليءَ جي واڌ ۽ ڦهلاءَ جو ڪارڻ بڻجي. اُهي دوست خاصطور ميدان تي اچن جيڪي آرٽس ڪائونسل ڪراچيءَ کي سنڌيت جو مرڪز بڻائي ويٺا آهن. ڇو جو هاڻ سوال آهي سنڌ جو ! نه تُنهنجو نه مُنهنجو !
ڇا هنن هندستاني سنڌين وانگر توهانکي به سنڌ ۽ سنڌي ٻوليءَ سان مُحبت آهي؟ (سنڌي ٽيل فلمون چاهيندڙ متوجه ٿين) سنڌي ٽيلي فلمن جي نمائش لاءِ اسڪالا سئنيما جي انتظاميا سان لهه وچڙ ۾ اچن ! ڇو جو ڳالهه آهي سنڌ جي! نه تُنهنجي ! نه مُنهنجي ! هاڻ ته (اي آر واءِ) ۽ (جيئو ) ٽيليويزن نيٽورڪ جهڙا (ڪلاس ون چئنل) به پنهنجون ٽيلي فلمون (سلور اسڪرين) تي آڻين پيا پوءِ سنڌي چئنل ڇو نه ؟ اهو هڪ وڏو سوال آهي توهان کان ! ان ڪري جو توهان هڪ ٻئي سان اڻ بڻيت ۾ جو آهيو ! پر سنڌ ۽ سنڌين لاءِ ڇا بهتر آهي اهو ڪٿي ٿا سوچيو ! تازو اڳئين هفتي هڪ (سرائڪي ٽيلي فلم به) ڪراچيءَ جي (اسڪالا سئنيما هال) ۾ لڳي ۽ گهڻي مارڪيٽ ڪيائين. اسڪالا سئنيما ۾ سڀ فلمون ڊي وي ڊي پليئر تي هلن ٿيون ته پوءِ توهان پنهنجون (سنڌي ٽيلي فلمون) ڇو نٿا سلور اسڪرين تي آڻي سنڌيت کي روشناس ڪرايو. جيئن ته توهانکي خبر آهي ته هاڻ ملڪ جا سمورا سئنيما هال جديد ٿي چُڪا آهن ۽ ڊجيٽلائيز ٽيڪنالاجيءَ کان علاوه (ڊي وي ڊي ۽ سي ڊي پليئرس) به استعمال پيا ٿين ته پوءِ توهان ڇو نٿا قومي شعور رکو ۽ سمجهو ته هاڻ آسانيءَ سان سنڌي فلمن جو فروغ به پئدا ڪري سگهجي ٿو ۽ (سنڌي فلم انڊسٽري) جيڪا هن وقت صفحه هستيءَ تان مٽيل آهي) کي وري ميدان تي نروار ڪري سگهو ٿا. ڇو جو سوال آهي سنڌ جو! نه تُنهنجو ! نه مُنهنجو !
