اسلام آباد …..دبئي جي ڪمپني يا ڪلڪ پاڪستان ۾ جديد ترين ۽ تيز رفتار انٽرنيٽ سيٽلائيٽ سروسز جو آغاز ڪري ڇڏيو آهي. اڄڪلهه به پاڪستان جا ڪيترائي شهر ۽ ڏورانهان علائقا انٽرنيٽ جي سهولت کا وانجهيل آهن. اهڙي طرح هاڻي تبديلي پري ناهي. ۔ دبئي جي ڪمپني (YahClick) پاڪستان ۾ پنهنجي ڪم جي شروعات ڪري ڇڏي آهي. ان سلسلي ۾ منعقد ٿيل افتتاحي تقريب ۾ ڪمپني جي چيف ڪمرشل آفيسر ڊيوڊ مرفي چيو ته هر پاڪستاني انٽرنيٽ جي جديد ۽ تيز ترين سهولت حاصل ڪندو. يا ڪلڪ پاڪستان ۾ براڊ بينڊ سيٽلائيٽ انٽرنيٽ سروسز شروع ڪري رهي آهي. اسان جي ڪمپني هڪ ننڍي ڊش ۽ موڊيم ڏيندي ۽ صارف کي ترت ئي بنا رخني جي تيز رفتار انٽرنيٽ جي سهولت حاصل ٿي ويندي. هي انٽرنيٽ خدمت هر شهر ۽ ڳوٺ ۾ عام ماڻهوءَ جي پهچ ۾ هوندي. يا ڪلڪ ڪمپني وچ اوڀر ۽ ڏکڻ ايشيا. جي 28ملڪن ۾ سروس ڏئي رهي آهي. پاڪستان جي ڏورانهن ۽ پٺتي پيل علائقن ۾ گهٽ ۾ گهٽ لاڳت ۽ وڏو انفراسٽرڪچر لڳائڻ کانسواءِ بارڊر ٽه بارڊر سيٽلائيٽ انٽرنيٽ سروس پهچائي ويندي. يا ڪلڪ انٽرنيٽ سروس سيٽلائيٽ سان ڳنڍيل هوندي جيڪا روايتي طريقن ۽ ٽيڪنالاجي کان مختلف آهي. ڏورانهن علائقن ۾ تيز رفتار سيٽلائيٽ انٽرنيٽ جي فراهمي سان. معاشرتي، معاشي، واپاري ۽ تعليمي شعبن ۾ انقلابي تبديلي ايندي ۽ اطلاعات جي ترسيل آسان ٿيندي. افتتاحي تقريب ۾ ڪمپني جي سربراه مسعود شريف محمود جو چوڻ هو ته پي ٽي اي سندن درخواست تي انٽرنيٽ سروس جي فراهمي جو لائسنس جاري ڪري ڇڏيو آهي.
