آئُون نه گَڏِي پِرِينءَ کَي، سَهَسِين سِڄَ وِئا هَلَڻَ وَيرَ هِئا، دَيکِي شالَ دَمُ ڏِيان سُرُ مَعذُورِي سسئي گَڏِي = ملي، ملاقات ڪئي سَهَسِين = سوين، ڪيترائي سِڄَ = سِجَ وِئا = لٿا اڀريا، لهي ويا هَلَڻَ = مرڻ وقت، ساھ ڏِيندَي وَيرَ = ويل، وقتِ، گهڙي هِئا = هتان دَيکِي = ڏسي، پسي، ڏِٺَي دَمُ = ساھ بيت جو پس منظر ~ سوين سج لهي ويا آهن، پر پرينءَ سان ملاقات نه ٿي آهي. ~ شال محبوب ڏسي پوءِ مران. سمجهاڻي ڪيئي سج اڀري لهي ويا. سوين راتيون ۽ ڏينهن رڻن ۾ رلندي، لڪ لتاڙيندي ۽ جبل جهاڳيندي گذري ويا آهن پر سسئي اڃان پنهون پسي ناهي سگهي. سسئيءَ جي هن عزم ۽ مستقل مزاجيءَ کي سلام آهي، جو هوءَ پنهونءَ جي پيرن سان گڏ هلندي رهي ٿي. سسئي پنهنجي آخري خواهش ظاهر ڪندي چئي ٿي : هي لڪ لتاڙيندي ۽ جبل جهاڳيندي جيڪڏهن ڪٿي مري پوان تہ ان کان اڳ دعا آهي تہ شال هڪ دفعو پنهونءَ جو منهن پسان پوءِ ساھ ڏيان. چونڊ، تحقيق ۽ تشريح محترم مظفر منگي صاحب جي ٿورن سان سندس فيسبوڪ وال تان ورتل ____
