ڀوپال: ڀارت جي مرڪزي رياست مڌيه پرديش جي ڪچي واري علائقي دڪاچيه ۾ تقريبن ٻه سئو ڳوٺانن مقامي مندر ۾ رهندڙ هڪ ڀولڙي جي موت جي غم ۾ پنهنجا مٿا ڪوڙائي ڇڏيا آهن، برطانوي خابرو اداري مطابق ڀولڙي جو موت تلاءُ ۾ ٻڏي وڃڻ سبب ٿي جڏهن هو ڪجهه کان بچڻ جي ڪوشش ڪري رهيو هو، ان خوف ۾ ته ڀولڙي جي موت انهن لاءِ بدقسمتي کڻي اچي سگهي ٿي، ڳوٺاڻن هندو رسمن مطابق ڀولڙي جي لاش کي ساڙي ڇڏيو، ان موقعي تي 700 ٻين ماڻهن به پنهنجا مٿا ڪوڙايا، هندو رسم ۽ رواج مطابق ڀولڙن کي مقدس سمجهيو ويندو آهي ۽ ڀارت ۾ هنومان لاءِ مندر ٺاهيا ويندا آهن، هنومان کي عام طور تي انساني جسم سان ڏيکاريو ويندو آهي جنهن تي ڀولڙي جو چهرو ۽ پڇ لڳل هوندو آهي هنومان جي مڃيندڙن جو يقين آهي ته انهي جي عبادت سان ڪنهن به خوف ۽ خطري کان محفوظ رهجي سگهي ٿو.
