هن سال ايڪتا ڏهاڙو 13 نومبر 2015 تي ملهائڻ جي اعلان کانپو سنڌجي سياسي سماجي ۽ ادبي تنظيمن جون جوسرگرميون عروج تي آهن تازو سنڌي ادبي سنگت شاخ بدين طرفان ايڪتا ڏهاڙي جي سلسلي ۾يڪجهتي جو اظهار ڪرڻ لا مُشاعرو منعقد ڪرڻ جي سلسلي ۾ انڊس پبلڪ اسڪول بدين ۾ ويهڪ ٿي گُذري جنهن جي صدارت صاحبڏنو شيخ ڪئي مذڪوره ويهڪ ۾ بدين جي نوجوان شاعرن اديبن ۽ ليکڪن شرڪت ڪئي ان موقعي تي بدين جي مشهور شاعر امرسومري نجم الهڏتو امر انصاري ۽ ٻين پنهنجون تخليقون پيش ڪيون ان موقعي تي سنڌ جي ڀلوڙ شاعر اياز دانش پنهنجو طويل ترين نظم ”سڀ ڪجهه سکبوناهي اسڪولن ۽ ڪاليجن ۾“ جنهن کي تمام گهڻو پسند ڪيو ويو ان جي مختلف پهلوئن تي روشني وڌي ويئي ۽ تنقيدي نشست ۾ ان تي تنقيد پڻ ڪئي ويئي. هن ويهڪ ۾فيصلو ڪيو ويو ته ايندڙ جمع جي ڏينهن شام جو 7 بجي ايڪتا ڏهاڙي جي مناسبت سان ايوان صحافت جي هال۾ مشاعرو منقد ڪيو ويندو جنهن ۾ سمورن شاعرن اديبن کي ڀرپور شرڪت جي لاءِ گُذارش ڪئي ويندي ايڪتا ڏهاڙي دوران سنڌي ادبي سنگت شاخ بدين جي سمورن دوستن کي سمورين سرگرمين ۾ اڳتي وڌي حصو وٺڻ جي اپيل ڪئي ويئي. بعد ۾ صدارتي خطاب کانپوءِ سنڌي ادبي سنگت جي ويهڪ پُڄاڻي تي پهتي جنهن ۾ويهڪ جي صدر پنهنجي خيالن جو اظهار ڪندي چيوته : اسان جي شاعري اسان جي تخليقڪارن جي جذبن جو اپٽار ڪري ٿي هي لطيف سائين ۽ اياز جو هڪ تسلسل آهي جيڪو صدين تائين هلندو رهندو اسان جي شاعري توڙي لکڻين ۾پهلو منفي بجاءِ مثبت هئڻ گهرجن تڏهن ئي اسين پنهنجو پيغام اثرائتي نموني سان ڦهلائي سگهنداسين لاڙ ۾ ادبي سماجي تهذيبي سرگرمين ۾ شيخ سومار مرحوم جي وفات کانپوء پيدا ٿيل ماٺارِ کي ختم ڪرڻ لاءِ اسان سڀني کي گڏجي اڳتي وڏڻ گهرجي.
