چڱو ڀٽائي آءُ هلان ٿو _ صادق فقير جي ياد ۾ لکيل تاثراتي مضمون

​

سنڌ سلامت سنڌي ٻوليء جي ڪتابن جي ذخيري کي دنيا جي ڪنڊ ڪڙڇ تائين پهچائڻ لاء ڊجيٽل بوڪ ايڊيشن جو سسلو شروع ڪيو آهي، ان سلسلي جو ڪتاب نمبر (113)”چڱو ڀٽائي آءُ هلان ٿو“ اوهان اڳيان پيش ڪجي ٿو. هي ڪتاب ٿر جي ٻاٻيهي، نامياري راڳي صادق فقير جي ياد ۾ لکيل تاثراتي مضمونن، ايڊيٽوريل ۽ شاعريءَ جو مجموعو آهي جنهن جا سهيڙيندڙ علي نواز آريسر ۽ زاهد اوٺو آهن.
هي ڪتاب سنجها پبليڪيشن پاران اپريل 2015ع ۾ ڇپائي مارڪيٽ ۾ آندو ويو آهي. اسان ٿورائتا آهيون محترم علي نواز آريسر جا جنهن هن ڪتاب جي سافٽ ڪاپي موڪلي سنڌ سلامت تي پيش ڪرڻ جي اجازت ڏني.

ڪتاب ۾ هيٺين ليکڪن جا مضمون ۽ تاثرات شامل آهن:

عبدالواحد آريسر، تاج جويو، مختيار ملڪ، نصير مرزا، اياز گل، ذوالفقار هاليپوٽو، ڀارومل امراڻي سوٽهڙ، نواز شاهه ڀاڏائي، ايوب کوسو، مير حسن آريسر، پنهل ساريو، رکيل مورائي، ڊاڪٽر مخمور بخاري، ضراب حيدر، نثار کوکر، نور احمد جنجهي، ماڪن شاهه رضوي، خليل ڪنڀار، کاٽائو جاني، علي زاهد، الطاف ملڪاڻي، علي اڪبر راهمون، اشفاق لغاري، وجئه شرما، نسيم بخاري، واحد ڪانڌڙو، دودو چانڊيو، سهيل ابڙو، ساجد سنڌي، شوڪت چاچڙ، انقلاب ٿري، عزيز قاسماڻي، ڀڳڙو مل ناچيز، ممتاز نهڙيو، ساجد چانڊيو، اياز لطيف دايو، تولارام سوٽهڙ، سرواڻ سنڌي، فهميده شرف بلوچ، وحيد رزاق مستوئي، امر رائيسنگهه راجپوت، پرتاب شواڻي، ميان گل محمد ڪلهوڙو، فرزانه شاهين، ناصر مقصود گل، غريب گل سيتائي، خالد ٻانڀڻ، ارم درس، ليکراج راهي، سورٺ لغاري، دولت رام کتري، صوبدار قاسمي اوٺو، نديم گلاڻي ۽ علي نواز آريسر .
ان کانسواءِ کوڙ سارن شاعرن جي منظوم ڀيٽا پڻ شامل آهي.

هتي ڪلڪ ڪري ڪتاب ڊائونلوڊ ڪيو
​

 

ڪڏهن ڪڏهن سُٺي ڏات وارا ماڻهو سُٺي بات ۽ اخلاق وارا ماڻهو نه ڏسي ڏُک ٿيندو آهي. پر جيئن صورت ۽ سيرت جي سُٺي هُجڻ جو سنگم دل کي وڻي ٿو تيئن سُٺي ڏات واري ڀلي ماڻهو کي به جيءَ ۾ جايون ڏيڻ تي دل ڪندي آهي. صادق يقينن اُنهن ماڻهن مان هو جن نه رُڳو پنهنجي ڏات پر پنهجي بهترين ڪردار، ملنسار طبيعت ۽ سادگيءَ سبب خوب مڃتا ماڻي. اهڙن ماڻهن بابت ڪيل تعريف تي ڪو شڪ شبهو به نه ٿو رهي. اهڙن ئي ماڻهن تي لکڻ سونهي ٿو ۽ ان جي مرتب ڪرڻ جي به اشد ضرورت هوندي آهي.
هن ڪتاب جي سهيڙيندڙ جي محنت کي سلام ۽ اوهان جي مهرباني جو هتي پڙهڻ لاءِ پيش ڪيؤ