* ڪوڙ ڳالهائيندڙ کي، وزيراعظم ٿيڻ جو ڪو حق ڪونهي: عمران خان (خبر) * * نوازشريف جو واسطو پنجاب سان آهي سو هر قانون کان بالاتر آهي (تبصرو) * رستا ٺاهڻ جرم ناهي: وزيراعظم نواز شريف (خبر) * * ..پر ٽن صوبن سان ماٽيلي ماءُ وارو سلوڪ ڪرڻ، جرم آهي (تبصرو) * 2 پورهيتن کي منهن ۾ جوتا کڻائيندڙ وڏيرو محمد بخش مبيجو گرفتار (خبر) * * گھڻن وڏيرن کي خبر ئي ناهي ته پورهيتن جي به عزت هوندي آهي (تبصرو) * پارليامينٽ جي ميمبرن جون پگھارون ۽ رعايتون ڏهوڻ تي وڌائڻ جي سفارش (خبر) * *شايد پارلياماني ميمبرَ، آسمان کان لهي آيا آهن (تبصرو) * وفاق جي دل ”سي سي آءِ“ کي وينٽيليٽر تي وڃڻ نه ڏنو ويندو: رضا رباني (خبر) * * ”پنجاب جي وزيراعظم“ نواز شريف جو وس پڄي ته ان کي ڳِهي وڃي(تبصرو) * پاڪستان کي 2 کرب نوان وڻ لڳائڻ جي ضرورت آهي: واشنگٽن پوسٽ (خبر) ** نوان وڻ لڳائڻ ته ٿيو پري، چئو ته 2 کرب وڻ منٽن ۾ وڍي ڏيکارن (تبصرو)
ٻه کرب پري جي ڳالھ رڳو ست وڻ پوکيندا ته اخبارن ۾ 10 با 10 جا رڳو سندن ڦوٽو هوندا ته ”فلاڻو خان وڻ پوکي رهيو آهي“، ڪجهه ڏينهن کان پو اُهي وڻ ٻڪريون چَرِي وينديون ۽ هي همراھ (جيڪي سدائين اي.سي رومز ۾ ئي رهيا آهن) پنهنجن ئي ڪمرن تائين مشتمل هوندا.. ”اپنا ڪام بنتا، ڀاڙ ۾ جائي جنتا“
سائين....سچا آهيو ـ ڪجھه وقت اڳ تمر جا لکين ٻوٽا لڳايا هئائون، هندوستان جو عالمي رڪارڊ ٽوڙڻ لاءِ پر ٿوري وقت کانپوءِ سار سنڀال نه لهڻ سبب انهن مان گھڻا ختم ٿي ويا ـ