1. سنڌ سلامت کي وڌيڪ هڪ سال هلائڻ لاءِ تعاون جي اپيل..!
    سنڌي ٻولي جي سڀ کان وڏي فورم کي وڌيڪ هڪ سال هلائڻ لاءِ سمورن دوستن ۽ احبابن کي تعاون جي گذارش ڪجي ٿي..وڌيڪ هڪ سال هلائڻ لاءِ سنڌ سلامت کي 45000 روپيه گهربل آهين ..وڌيڪ تفصيل لاءِ هن لنڪ تي اچو

    ٽارگيٽ: 45,000
    28000
  2. سنڌ سلامت سنڌي ٻوليءَ جو وڏي ۾ وڏو فورم جتي اوهان رُڪن بڻجي ڪري سگهو ٿا گهڻو ڪُجهه!
    •    مُفت ۾ رُڪن بڻجي روزوانو سوين رُڪنن پاران ايندڙ موضوع پڙهڻ ۽ انهن راءِ ڏيڻ
    •    سنڌي ڪمپيوٽنگ جي دنيا ۾ ايندڙ انقلابي پروجيڪٽس جو فائدو وٺڻ
    •   سنڌي لکڻ جي لاءِ هر مسئلي ۽ هر مُشڪل جو حل
    •   ذاتي ۽ عام رواجي ڪم ڪارن جي ڪنهن به مسئلي جو حل پُڇڻا نه مُنجهڻا يقيني طور ملڻ
    •   ڪتابن جي هڪ وڏي ذخيري مان لطف اندوز ٿيڻ
    •   ۽ ٻيو گهڻو ڪُجهه جيڪو هن فورم کي سنڌي جو هڪ بي مثال فورم بڻائي ٿو

    رجسٽريشن جو عمل، انتهائي تيز، سادو ۽ بلڪل مفت آهي، سو هتي ڪلڪ ڪري اڄ ئي ساٿ ۾ شامل ٿيو!
    سنڌ سلامت عمومي سوالن جا جواب FAQs ڏسڻ لاءِ هتي ڪلڪ ڪريو
  3. سنڌ سلامت ڊاٽ ڪام تي توهان کي ڀليڪار!
    •    مُفت ۾ رُڪنيت ڪيئن حاصل ڪجي؟
    •    جيڪڏهن پاسورڊ وسري وڃي ته کاتو ڪيئن بحال ڪجي؟
    •   سنڌسلامت تي موضوع ڪيئن موڪلجي يا موضوع ۾ جواب ڪيئن موڪلجي؟
    •   موضوع سان گڏ تصوير ڪيئن اپلوڊ ڪجي؟
    •   سنڌسلامت تي ڪتاب ڪيئن موڪلجي؟
    •   سنڌسلامت سان لاڳاپيل اهڙن ٻين کوڙ سارن سوالن جا جواب

    سنڌ سلامت عمومي سوالن جا جواب FAQsهتي ڪلڪ ڪري ڏِسو ۽ سنڌسلامت سٿ جا ساٿِي بڻجو.

اانٽر نيٽ تي آسان طيقو

'اقوال زرين' فورم ۾ ميراحمد ابڙو طرفان آندل موضوعَ ‏26 جولائي 2016۔

  1. ميراحمد ابڙو

    ميراحمد ابڙو
    نئون رڪن

    شموليت:
    ‏23 جولائي 2016
    تحريرون:
    26
    ورتل پسنديدگيون:
    35
    ايوارڊ جون پوائينٽون:
    0
    اسلام خاطر دين جو پيغام پھچائڻ لاءِ مسلمانن ڪيڏيون تڪليفون برداشت ڪيون جنگيون ٿيون سرن جا نظرانه ڏئي اسلام جو جھنڊو بلند رکيو ويو ان سنت کي ادا ڪرڻ لاءِ جيڪڏھن اسان کي انٽرنيٽ جھڙو آسان طريقو ملي ويو آھي جنھن سان مشرق ۾ ويھي مغرب وان کي پيغام مصطفيٰ صلي الله عليه وآله وسلم پھچائي سگھجي ٿو پر الله جي راه ۾چند سيڪنڊ خرچ ڪري ڪنھن به تصديق شده اسلامي حديث وڊيو وغيره کي رڳوشيئر ڪري ثواب حاصل ڪري سگھجي ٿو مسلمانو چست ٿيو سست نه ٿيو سودو سستو آھي ، الله جل جلاله به راضي الله جو رسول صلي الله عليه وآله وسلم به راضي انشاءَ الله
     
  2. ميراحمد ابڙو

    ميراحمد ابڙو
    نئون رڪن

    شموليت:
    ‏23 جولائي 2016
    تحريرون:
    26
    ورتل پسنديدگيون:
    35
    ايوارڊ جون پوائينٽون:
    0
    **انٽر نيٽ ۽ موبائيل جا مزا **
    دوستو صدقو جاري اھو آھي جيڪو ھميشه اعمال نامي ۾ لکيو وڃي مثلاََ ڪنھن ماڻھونء نلڪو لڳايو کوھ کوٽايو پوءِ پاڻ جيئرو آھي يا مري ويو ماڻھو ان مان پاڻي پيئندا فائدو وٺندا اھو ان جو چڱو عمل آھي ان کي اھو ثواب پھچندو رھندو جيڪڏھن ڪنھن دوست مسجد ٺھرائي پاڻ جيئرو آھي يا مري ويو پر پوءِ ان جو مرڻ کان پوءِ به ثواب جاري ھوندو جيترا ماڻھون نماز پڙھندا اوترو ان جي اعمال نامي ۾ ثواب لکيو ويندو جيڪڏھن ڪنھن ماڻھوءَ قرآن پاڪ ڪنھن تلاوت ڪندڙ کي ثواب جي نيت سان وٺي ڏنو پاڻ جيئرو آھي يا مري ويو پر ان جو ثواب جيستائين قرآن پاڪ پڙھيو ويندو جاري ھوندو جيڪڏھن ڪنھن پل ٺھرائي، رستو ٺھرايو وغيره وغيره اھڙيءَ طرح ھزارين اھڙا ڪم آھن جن مان ماڻھون فائدو پيا وٺندا اھڙن ڪمن ڪرڻ وارو جيڪڏھن مري ٿو وڃي پران جو اجر ۽َ ثواب ان لاءِ جاري ھوندو آھي ۽ان جي اعمال نامي ۾ لکيو وڃي ٿو جڏھن محشر جو ڏيھن ٿيندو چڱو ڪم ڪندڙن جي لاءِ وڏو اجر عظيم ھوندو ۽ اھو خوشين ۾ ھوندا
    پر خبرداراھڙي طرح جيڪڏھن ڪوئي ماڻھو ڪو اھڙو ڪم ڪري ٿو جيڪو ڪم ڪرڻ گناھ آھي ان جو اھو گناھ جاري ھوندو جيترا ماڻھو ان گناھ ۾ شامل ٿيندا اوترو ان جي گناھ ۾ اضافو ٿيندو ويندو مثلاََ سينيما ٺھرايائين جيترا ماڻھون فلم ڏسندا ان سڀني سان گناھ ۾ حصيدار ھوندو صرف حصيدار نه پر انھن جي گناھن جو ذميوار به ھوندو شراب خانو کولرايائين، جانورن جي ويڙھائڻ لاءِ ڪوٽ ٺھرايائين ، چوري . ڌاڙو ،فريون ڪري ان ۾َ پنھنجا شاگرد تيارڪيائين جيڪي ان کان پوءِ اھو سلسلو جاري رکندا پوءِ جيڪي به اھي گناھ ڪندا رھندا ان ۾ انجو مفت ۾ حصو شامل رھندو الله تعاليٰ کان دعا آھي ته شال اسان سڀني مسلمانن کي ان گناھن کان بچائي ۽ سڌي رستي تي ھلڻ جي توفيق عطا فرمائي. دوستو اڄ ڪلھ ته ھڪ گناھ ۽ ثواب جو آسان طريقو انٽر نيٽ ۽ موبائيل ٿي ويو آھي جيڪڏھن گناھن جي طرف لاڙو ٿي وڃي پوء ڄڻ ته پاڻ تي ظلم ڪري ويٺو ِ جيڪو انھن کي جھڙيءَ طرح استعمال ڪندو اھو فائدو به اھڙو حاصل ڪندو فيس بوڪ ، واٽس اپ ، يوٽيوب وغيره وغيره ڪيترا نالا لکجن انھن سان گڏ بليو ٽوٿ به تمام گھڻو ڪردار ادا ڪري ٿو اسان جا نوجوان ان ڳالھ کي ڪجھ سمجھن ئي ڪونه ٿا ته اسان ھي ڇا ڪري رھيا آھيون؟ ڪوئي گانو ھجي يا گندي وڊيو ھجي يا اگھاڙي تصوير ھجي وڏي شوق سان ھڪ ٻئي کي بليوٽوٿ جي ذريعي ڏئي وڏي خوشي محسو س ڪندا آھن ته اسان چڱو ڪم ڪيوسي پر افسوس جھڙي ڳالھ اھا آھي جو اسان ان کي گناھ ته تصور ئي ڪون ٿا ڪريون. ڪجھ سوچيو مسلمان اسان کي ڇاٿي ويو آھي ياد رک جيڪا گندي فلم يا گندي تصوير گانو راڳ وغيره بليو ٽوٿ ڪري تو ٻئي کي ڏنا ھاڻي تون ڀلي پاڻ وٽان ڊيليٽ ڪري ڇڏ پر تنھنجو گناھ جاري ھوندو ان ۾ شيئر (حصه)تنھنجو شروع ٿي ويو، ھاڻي تو کان ورتل تصويرو وڊيوز وغيره ھن پنھنجي دوستن کي ڏنيو انھن وري پنھنجي دوستن کي ڏنيو اھو سلسلو لکن ڪروڙن تائين پھچي ويندو پر ياد رک انھن سڀني سان تنھنجو حصه شامل آھي ڇو ته انھن جي شروعات توکان ٿي آھي .
    فيس بوڪ تي اسان جي مسلمان ڀائرن کي نوجوانن کي ته الائي ڇاٿي ويو آھي جو بنا ڪنھن فائدي جي گناھن جا پھاڙ پنھنجي مٿان ڪيرائي ٿا ڇڏين الله تعالي شال اسان سڀني مسلمانن کي سمجھ ۽ عقل عطا فرمائي آمين
    دوستو اسان جا مسلمان اھڙيون تصويرون وڏي شوقَ سان اپلوڊ ڪن ٿا جيڪي مان ته چوندس ته مسلمان ڪمپوز ڪونه ڪري سگھندو! پرمنھنجي سمجھ مطابق ڪنھن اسلام دشمن جون ٺاھيل ھجن جيڪي اسلام سان مزاڪ ڪري رھيا آھن جنھن ۾ ھڪ پاسي ڪعبت الله شريف جي تصوير رکي ٻئي پاسي پئيرس جو ٽاور ڏيکارين ٿا۽ انھن لاءِ ووٽنگ ڪئي وڃي ٿي ڪيڏي وڏي ڏک جي ڳالھ آھي! وري ٻئي تصوير ۾ ڏسو ھڪ پاسي فيس بوڪ ڏانھن ماڻھن جي رش ڏيکاري وڃي ٿي ۽ ٻئي پاسي قرآن ڪريم ڏانھن ھڪ ماڻھون ڏيکاريو وڃي ٿو ۽ قرآن ڪريم کي استغفرالله ڏار ڏيکاريا وڃن ٿا اسان جا مسلمان ان کي فيس بوڪ تي اپلوڊ ڪري وڏي خوشي محسوس ڪن ٿا. شرم جھڙي ڳالھ آھي خبردار جيڪڏھن توکان قرآن پاڪ جي توھين جو حساب ورتو ويو ته پوءِ ڪھڙو جواب ڏيندي وري مسجد ۽ سينيما ڏيکاريا وڃن ٿا مسجد ڏي ھڪ ماڻھو مشڪل سان ۽ سينيما ڏانھن رش ڏيکاري وڃي ٿي اسان ته ايئن چونداسين ته پاڻ مسجد ڏانھن اچن ته خبر پوين ته الله تعاليٰ جاگھر مسجدون ڪيئن آباد آھن ! پاڻ ته نماز ڪون پڙھن پر اھي تصويرون ھلائي دين سان مزاق ڪيون ويٺا آھين ياد رک اي مسلمان اھو حساب توھان کان ضرور ٿيندو اھڙيون تصويرون توھان ڪڏھن ڪنھن ٻئي مذھب جون ڏٺيون آھن؟ نه ھر گز نه خبردار ٿي اي مسلمان اھو تنھنجي غيرت تي حملو آھي ھوشيار ٿي وڃ وقت اٿئي پاڻ کي بچاءِ ٻين مسلمانن کي به سجھاڳ ڪر ھي اسان مسلمانن جو حال آ جيڪڏھن ڪا گندي وڊيو اپ لوڊ ٿئي ٿي فلمي گانو يا وري ناچ گانو اپلوڊ ٿئي ٿو ته پوءِ ڏسو اھو لکن جي تعداد ۾ ماڻھو ڪيئن ٿا ڏسن ۽ ھزارن جي تعداد ۾ شيئر ڪيئن ٿاڪندا وڃن ڇا اسان کي اسلام اھو سيکاريو آھي؟ياد رک تون جيڪو وڊيو شيئر ڪرين ٿواھو جيستائين انٽرنيٽ جي دنيا قائم ھوندي تيستائين تنھنجو گناھ جاري آھي اھو گناھ به اھڙو جيڪو تون قبر۾ ستو پيو ھوندي پر تنھنجو گناھ ان وڊيو شيئر ڪرڻ وارو توکي پھچندو رھندو ڇو ته توھان جي شيئر ڪرڻ سان توھان جا سڀ دوست فيس بوڪ وارا ته ڏسندا پر توھان جي ٽائيم لائين تان ھزارين ٻيا به ان وڊيو يا تصوير کي آساني سان ڏسي سگھندا۽ ٻين ماڻھن تائين پھچائيندا رھندا . جيڪڏھن تون ان جي جڳھ تي ڪوئي اسلامي وڊيو ياڪائي حديث شيئر ڪرين ھا پوءِ ڀلي توکي ڏسڻ جو يا پڙھڻ جو موقعو نه به ملي ھا پر تنھنجي ان شيئر ڪرڻ واري اسلامي وڊيو يا حديث شريف مان مسلمان ڀائرپيا فائدو وٺن ھا ۽ تنھنجو صدقو جاري ھجي ھا پر انھن وڊيوز ۽ آڊيوز خطاب شيئر ڪرڻ کان اڳ تصديق ڪرڻ لازمي آھي جيڪي علماءَ حق آھن انھن جا وڊيو ۽ آڊيو شيئر ڪرڻ گھرجن .
    مان پنھنجي سڀني دوستن کي عرض ڪندس ته پوريءَ طرح متوجھ ٿي منھنجا ھي چند لفظ ضرور ٻڌن ۽پنھنجي دوستن تائين به پھچائين
    دوستو انسان جي حياتيءَ تي ڪوئي به اعتبار ڪونھي پوءِ اسان ھر گناھ کان پاڻ کي بچايون نماز پڙھون الله تعاليٰ جي فرمانبراري ڪريون . اڄ جنھن عنوان سان ھن گفتگوءَ جي شروعات ڪئي آھي ان عنوان سان ئي پڄاڻي ٿيندي دوستو اسان جڏھن فيس بوڪ تي آءِ ڊي ٺاھيون ٿا ياڪنھن به ٻئي سافٽ ويئر تي ان ۾ اسان جيڪو ڪوڊ رکندا آھيو اھو صرف پاڻ تائين محدود رکندا آھيو ڇو ته ايئن ئي ڪرڻ کپي ان ڪوڊ جي وڌ ۾ وڌ حفاظت ڪرڻ گھرجي ۽ ڪنھن کي به نه ٻڌائڻ گھرجي جيڪڏھن اھو ڪوڊ ڪنھن ٻئي کي ملي ويو ته ان آءِ ڊي جومالڪ اھو بڻجي ويندو پوءِ جيڪو وڻيس پيو ھلائيندو ۽ ان جا ذميوار توھان ھوندا ان ڪري پنھنجي ڪوڊ جي حفاظت ڪرڻ کپي، دوستو!
    جيڪڏھن اسان پنھنجي آءِ ڊيءَ ۾ گنديون تصويرون گانا ۽ گنديون فلمون عورتن جا قسمين قسمين فوٽورکون ٿا صرف ان لاءِ ته اسان کي لائيڪ ۽ ڪمينٽ گھڻا ملن پر اسان اھا ڳالھ ڪڏھن به نه سوچي آھي ته انھن تصويرن کي ان وڊيوز کي لکين ماڻھو بريءَ نيت سان ڏسن ٿا جيڪو وڏو گناھ آھي اھو گناھ بنا ڪنھن سبب جي اسان جي پنھنجي اعمال نامي ۾ لکيو ٿو وڃي پر جيڪڏھن اھڙي حالت ۾ انسان کي موت اچي وڃي پوءِ ڇا ٿيندو؟ ڪير اھي تصويرون وڊيوز ڊيليٽ ڪري( ڊاھي ) سگھندو ڪوڊ کان بنا اھي ھرگز ڊيليٽ نه ٿي سگھنديون اھي سڀ اسان جا دوست عزيز ڏسنداوتندا پر انھن کي ڊيليٽ ڪرڻ انھن جي وس ۾ نه ھوندو ۽ ھي تنھنجا شوقيه اپلوڊ ٿيل گندا وڊيا ۽ گنديون تصويرون روزانو ھزارين ماڻھو ڏسندا ۽ تون قبر جي حوالي ھوندي تنھنجو ھي گناھ تنھجو قبر ۾ به تنھنجو پيشو نه ڇڏيندو تنھنجي ھيءَ آءِ ڊي تنھنجي لاءِ باعث جھنم بڻجي ويندي ڪيترن دوستن جون اھڙيون آئڊيون اکين سان ڏسون ٿا جيڪي وڏي شوق سان فيس بوڪ ھلائيندا ھئا پنھنجي رڳو دوستن کي خوش ڪرڻ لاءِپاڻ سان ظلم ڪري ويا افسوس جڏھن اھي آءِڊيون اکين اڳيان گذرنديو آھن جن جا ھلائڻ وارا ھن محل دنيا ۾ موجود ناھن پر پوءِ انھن جون اھڙيون تصويرون وغيره ماڻھو روز نئين سر ڏسن ٿا مختلف ڪمينٽ ڏين ٿا پوءِ ته بس اکين ۾ لڙڪ اچي ويندا آھن ڪاش جيڪر ايئن نه ڪن ھاته اڄ انھن جي پويان گناھن جو سلسلو ختم ٿي وڃي ھا. منھنجا ادا جيڪڏھن اسان کان گناھ ٿي به ويا ھجن اسان توبھ ڪريون ۽ اھڙو ته گھٽ ۾ گھٽ عمل پنھنجي پويان نه ڇڏيو جو اسان جو گناھ جاري ھجي پوءِ اھا ڀلي اسان جي فيس بوڪ آء ڊي ڇونه ھجي پر ان ۾ اسان جو مواد اھڙو ھجي جنھن مان اسان جا مسلمان ڀائر قيامت تائين فائدو وٺندا رھن ته اسان تي الله تعاليٰ به راضي ٿيندو ۽ الله تعاليٰ جو رسول صلي الله عليه وآلهٖ وسلم به راضي ٿيندو ۽ اسان جو صدقو به جاري ھوندو منھنجا ادا ڇو ته ھيءَ زندگي فاني آھي موت برحق آھي ۽ موت تي ڪو ڀروسو ئي ڪونھي

    پکي پرديسيئڙا ويٺا ھون اڏاڻا
    ڪري محل پوري چڳي وٺ تون داڻا

    اويلو سويلو ڪجن قطارون
    ولر منجھ ويھي ڏٺائون بھارون
    پکي روز ڪيئي وڃي ماري ماريون
    اھي ھنڌ خالي ڏسان پئي وٿاڻا

    دوست اھو ڏينھن ياد ڪر جھن ڏينھن تنھنجو نڪو ساٿي ھوندو نڪو سنگتي ھوندو نه مٽ مائٽ نه اولاد سڀ آخري قبر تائين توکي ڇڏي پوءِ واپس ورندا ان اڪيلي سفر لاءِ ڪجھ ثمر ٺاھ انڌاري قبر آھي ان لاءِ پاڻ سان روشي کڻ اھي اٿئي سھڻا عمل دوستو اوھان ڏٺو آھي ته وڻ جو رخ جنھن طرف ھوندو آھي جڏھن وڍبو آھي ته ان طرف ڪرندو آھي پوءِ اسان به ڇو نه پنھنجو رخ پنھنجي مالڪ حقيقيءَ ڏانھن رکون ۽ الله وارن جي صحبت ۾ ويھون پاڻ ۾ عاجزي ۽ انقصاري پيدا ڪريون اسان جي عاجزيءَ ۽ انقصاريء جي ڪري الله تعاليٰ اسان جا اڳلا گناھ به بخشي ڇڏي ته غفور الرحيم آھي دوستو جيڪو به ڪم ڪجي سو سوچي سمجھي ڪجي اھڙو ڪم نه ڪجي جو جھٽ گھڙيءَ جي لطف لاءِ پنھنجي آخريت واري زندگي وڃائي ويھي رھجي
    الله تعاليٰ کان دعا آھي ته شال اسان جو لکڻ توھان تائين پھچائڻ قبول وَ مقبول فرمائي ۽ اسان سڀني کي ھدايت نصيب فرمائي
    آمين ثم آمين
    دوستو ھي چند ڳالھيو منھنجون پاڻ وٽ امانت سمجھوپاڻ پڙھي پوءِ شيئر ڪري پنھنجي دوستن تائين پھچائي ثواب دريين حاصل ڪريو ڀلي اھو زباني ھجي واٽس اپ جي ذريعي ھجي يا فيس بوڪ جي ذريعي الله تعالي اوھان کي اجر عظيم عطا فرمائيندو آمين ثم آمين

    ازقلم، ميراحمد ابڙو
    تاريخ.21فيبرور2016 بروز آچر
    [​IMG]
    بمطابق 12 جمادالاول 1437ھ
     

هن صفحي کي مشهور ڪريو