آءُ سهڻا آءُ سهڻا تو لئه سڪان ٿو _______________________________ آءُ سهڻا آءُ سهڻا تو لئه سڪان ٿو لوڪ سڄو ديد دنيا تنهنجو پڇان ٿو ڪين وڻي ڪوئي هتي ڪوئي ڳڻي جي تون ئي منهنجو يار سڄڻ توکي چاهيان ٿو هجر ٽوڙي آءُ هتي مون سان ملي وڃ توسان ملڻ منهنجو کلڻ ڀاڳ ڀايان ٿو تنهنجو هلڻ تنهنجو گهمڻ سڀ وڻي ٿو لاڏ لڏي آءُ ڪڏي پيرين پوان ٿو سڪ وڏي ڇڪ وڏي تون ئي ڏني آ روح سندو تون آن راڻو تو کي سڏيان ٿو پير تنهنجان آءُ چميان نيڻ وڇايان ساه تو تي صدق ڪيان ائين چوان ٿو سوز سڄو دل ۾ تنهنجي آس اڃا آ من ۾ ويٺو تون ئي آهين تو لئه لڇان ٿو تو کي ڏسڻ ديد ملڻ حرکي هينئڙوپيو ڪين ڪوئي مٽ آ تنهنجو جي ڪو ڀيٽيان ٿو . . لبستم دائودپوٽه
