پيرن کي روڪجي مگر، نيڻن کي ڇا ڪجي؟ چغلي هڻن ٿا پيار تي، لڙڪن کي ڇا ڪجي؟ هُو سامهون اچي پيو، ڌڙڪڻ لڳي آ دل، نظرون ته ڦيريان کڻي، جذبن کي ڇا ڪجي؟ ** جڏهن کان اک لڳي توسان تڏهن کان اک لڳي ناهي، جڏهن کان چاڪ ڪئي دل تو تڏهن کان چاق دل ناهي. ڪرين ٿو وارَ کولي وارَ سان سوَ وارَ او سُهڻا، لڳا ٿم ڏنگ انگ انگ ونگ جنهنجو دنگ ئي ناهي. ڪيا غم دل ۾ اوتارا ٿڪا تارا تَڪي تارا، سڄڻ بي_چين دل کي چين هڪڙو دم گھڙي ناهي. دلاور دادلا دلدار دلبر دلرُبا دلڪش، دلِ دلگيري هر نام تنهنجي کي وِٿي ناهي. ٻول : آواز : برڪت علي
مڪمل غزل جڏهن کان اک لڳي توسان، تڏهن کان اک لڳي ناهي، جڏهن کان چاڪ ڪئي دل تو، تڏهن کان چاڪ ٿي ناهي. --- ڪيا غم دل ۾ اوتارا، ٿڪا تارا تڪي تارا، سڄڻ بيچين دل کي چين هڪڙو دم گهڙي ناهي. --- ڪرين ٿو وار کولي وار سو سو وار او سهڻا، لڳا ٿم ڏنگ، انگ انگ ونگ، جنهن جو دنگ ئي ناهي. --- دلاور، دادلا، دلدار دلبر، دلربا، دلڪش، دلِ دلگير کان هر نام تنهن جي کي وِٿي ناهي. --- ذرا سرڪي مون کي ڏي مئي جي هڪ سرڪي، مگر مرُڪي، سرِ محفل سخي آڏو صدا ايڏي وڏي ناهي. --- ڪڍان ڇاڪاڻ ڪنهن جي ڪاڻ منهنجي ڪاڻ تون ڪافي، ڀري “مدهوش“ کي ڏي جام تو وٽ ڪا ڪمي ناهي.
