سنڌ سلامت سٿ اسلام عليڪم سنڌ سلامت جون خدمتون ڪنهن کان لڪل نه آهن جن جي جيتري ساراھ ڪجي گهٽ آهي ادب جي خدمت جي حوالي سان سندس ڪو به مٽ نه آهي هر لحاظ کان پاڻ ملهائيندڙ هن فورم جو سڀ کان اهم ڪم جيڪو منهنجي نظر ۾ آهي سو آهي آن لائن ڪتاب گهر . هن وسيلي سنڌي سمجهندڙ هر ماڻهو کي تمام گهڻو فائدو ٿي رهيو آهي خاص ڪري ادبي مواد جو آساني سان ملي وڃڻ جيڪو هن کان اڳ هڪ خواب کان وڌ ڪجه نه هو . هاڻي اسلامي مواد جي حوالي سان به سنڌ سلامت پاڻ مڃائي رهي آهي جنهن ۾ تازو قرآن پاڪ جو سنڌي ۾ ترجمو پڙهندڙن کي مهيا ڪري ڏيڻ سندس هڪ لاجواب ڪارنامو آهي . تازو اردو جي هڪ فورم تي شاعري سکڻ ۽ خاص ڪري شعر جي تقطيع ڪرڻ جو خودڪار سسٽم ڏسي خيال ڪيم ته اهو سسٽم سنڌي ۾ ڇو نه آهي ؟ http://www.aruuz.com/taqti ان کان علاوه شاعري سکڻ ان جي اصولن ۽ قاعدن کان آگاهي ڏيڻ جا ٻيا به سورس نيٽ تي ڏٺم جن کان به بيحد متاثر ٿيس ۽ چاهيم ته اهي سڀ وسيلا اسان جي سنڌي ڀائرن کي به ميسر هجن .پر اهو ڪم ڪري ڪير !!!؟؟؟ هن سوال تي منهنجو ذهن سنڌ سلامت ڏانهن ويو ان يقين سان ته هي مشڪل ۽ اهم ڪم سنڌ سلامت ئي ڪري سگهي ٿي. اميد ته هن طرف سنجيدگيءَ سان ڌيان ڏئي سنڌي ڀائرن تي هڪ وڌيڪ احسان ڪندا ته جيئن شاعري يا ٻين ادب سان لاڳاپيل صنفن بابت آساني سان معلومات حاصل ڪري پنهنجو شوق پورو ڪري سگهن ۽ سنڌ امڙ جي به ڪا خدمت ڪري سگهن سيد خادم سبحان ڏاڏاهي http://www.aruuz.com/ http://www.aruuz.com/taqti ____________________________________
محترم سائين ڏاڏاهي صاحب سلام اوهان اسان جا محترم ميمبر ۽ سنڌ سلامت سٿ جا گهڻگهرا آهيو. اهڙي قسم جو ڪم شروع ڪري سگهجي ٿو پر ان لاءِ اسان جهڙا اڻڄاڻ ڪافي ناهن. اسان جا دوست ٽيڪنيڪل سپورٽ ته ڪري سگهن ٿا پر عروض سيکارڻ نج شاعر دوستن جو ڪم آهي. اسان جا ڪجهه سينيئر شاعر دوست تيار ٿين ته اسان سروس ڏيڻ لاءِ حاضر آهيون. سچ اهو آهي ته ڪم شروع ڪرڻ سولو پر ان کي لاڳيتو جاري رکڻ ڏکيو آهي. اوهان ۽ اسان گڏجي اهو ڪم ڪري سگهون ٿا پرسينيئر شاعر دوستن کي تيار ڪيو. هڪ ٻي خوشخبري ته سنڌ سلامت جلد لفظيڪار شروع پئي ڪري ... جيڪو جونيئر ۽ سينيئر شاعرن کي مدد ڪندو.
صحيح ٿا چئو هن سلسلي ۾ اوهان به دوستن سان رابطو ڪريو ۽ تجويز اڳيان رکو.ڇو ته دوستن ڄاڻ ۽ جذبي جي اوهان کي وڌيڪ خبر آهي.
ها سائين اڄ دنيا ته ترقي ڪئي آهي جوگهڻا طريقا پڻ ايجاد ٿي چڪا آهن، اسان هن فورم وسيلي ۽ انٽرنيٽ جي دنيا سان جڙيل هجڻ ڪري گهڻو ڪجهه ڪري سگهون ٿا يقينن سنڌي ماهر ۽ ٽيڪنالاجي جا ماهر پڻ هن عمل ۾ مصروف عمل آهن يقين آهي ته اهو سڀ ڪجهه سنڌ سلامت جي ئي پليٽ فارم تان حقيقي شڪل ۾ وجود ايندو.
سائين جيٺمل جو ڪتاب ڇند وديا ۽ هڪ ٻيو ڪتاب سنڌي جو عروض اهو منهنجي سمجهه ۾ سنڌ سلامت تي اپلوڊ ٿيل آهن باقي محترم فتح مخلص ٽالپر صاحب علم عروض کي تمام سادي نموني سيکاريو آهي ان جو مواد مون وٽ آهي سائين فتح مخلص ٽالپر صاحب کان ان جي اجازت وٺي سنڌ سلامت تي موڪلي ڏيندس
مهرباني سائين سائل مهراڻ صاحب پر ڪو اهڙو وسيلو به هجي جتي سوال ڪندڙ کي بهتر جواب ملي سگهي ۽هو جيڪو سکڻ چاهي ٿو سو آساني سان سکي سگهي.