سنڌي ادبي سنگت جي مرڪزي چونڊ ڪالهه حيدرآباد ۾ ٿي. رات دير سان نتيجن جيو اعلان ٿيو. چونڊن ۾ ڌرتي دوست پينل جو احمد سولنگي سيڪريٽري جنرل چونڊجي ويو آهي جنهن ڊاڪٽر ذوالفقار سيال کي 11 ووٽن جي فرق تان شڪست ڏني، جڏهن ته باقي چارئي اميدوار سنڌ دوست پينل جا ڪامياب ٿيا آهن. احمد سولنگي 131 جڏهن ته ڊاڪٽر ذوالفقار سيال 120 ووٽ کنيا. سنڌ دوست پينل کي اڳوڻي سيڪريٽري جنرل ڊاڪٽر مشتاق ڦل جي حمايت حاصل هئي جڏهن ته ڌرتي دوست پينل کي اڳوڻن سيڪريٽري جنرل تاج جويي، ادل سومري ۽ يوسف سنڌي جي حمايت هئي. کٽندڙ اميدوار سيڪريٽري جنرل : احمد سولنگي (ڌرتي دوست پينل) جوائنٽ سيڪريٽري : زاهد راڄپر (سنڌ دوست پينل) عورت جوائنٽ سيڪريٽري : نسرين الطاف (سنڌ دوست پينل) خزانچي : محمد عرس اوٺو(سنڌ دوست پينل) آڊيٽر : ڄام محبت سهتو (سنڌ دوست پينل)
