نه ٿي دلگير دلبر تون __________________ نه ٿي دلگير دلبر تون اسان جو ڏينهن اچڻو آ ڏکن جو وقت سهڻا هي هميشه ڪين رهڻو آ اماوس آ ته ڇا ٿي پيو وري چنڊ چاهتون چمندو گذر ٿي ويندي ڪاري رات روشن ڏينهن ٿيڻو آ ڀلاري ڀونءِ جا ڀائر هڻي نارا اٿي پوندا ڀڄي گيدي سڀ ويندا نظارو نينهن نچڻو آ مندو ميرو سڀ سنڌ جو گندو ٿيندو غلطانن اسان جو سنڌي سوره پٽ ورائي واڳ ورڻو آ وسيلا وس هوندا پنهنجي ٻنيون ٻارا هوندا نيارا نه ڪو بدمعاش هوندو هت ماري سڀ ناس ڪرڻو آ شهر هونداامن جا گهر زبان تي ڳوٺ جون ڳالهيون اچاريندو امن کي جو سپت سو سنڌي سهڻو آ رسول بخش دائودپوٽه