سنڌي، سنڌ ۾ انقلابي تبديلي آڻڻ چاهين ٿا ته رڳو سنڌ سرڪار تي سو سيڪڙو ڀروسيَ ڪرڻ بدران سماجي تنظيمون ٺاهي، انقلاب آڻين جيئن مون هندو سنڌين کي ساري دنيا ۾ ڏٺوآهي ـ جيڪڏهن سنڌي نئين زماني سان گڏ هلڻ چاهين ٿا ته کين سچ ڳالهائڻ گھرجي پر جيڪڏهن ڪنهن مجبوريءَ ڪارڻ، نٿا ڳالهائي سگھن ته گھٽ ۾ گھٽ سچ ٻڌڻ جي همت پاڻ ۾ ضرور پيدا ڪن ۽ بدتميزي به ڇڏي ڏين ـ گھر وارن کي 10 ڀيرا چيو اٿم تہ ڪو ڪم وسري وڃيو تہ ٻڌايو، گھٻرايو نہ. راز جي ڳالھہ رڳو اوھانکي ٻڌايان ٿو تہ اصل ۾ مونکي ڦڙتيلو رھڻو آھي ـ سوشل ميديا تي روزانو گھٽ اسپيس ۾ وڌيڪ خبرن ڏيڻ ۾، گھڻي ڏکيائي نٿي ٿئي جو اخبارن ۾ ڪيترا ورهيه سب ايديٽر طور ڪم ڪيو اٿم ۽ انگريزي آن لائين “سنڌ ٽه ڊي” به ڪيترا ورهيه ڪڍيم ـ منهنجي انگريزي آن لائين اخبار اٽڪل ساڍا 5 ورهيه هلي جنهن جو سارو خرچ مون پاڻ ڀريو ـ سنڌين سان نسلي متڀيد رکندڙ، چوٿين ملٽري ڊڪٽيٽر جنرل (ر) پرويز مشرف جي سرڪار 26 جولاءِ 2006 تي انهيءَ اخبار تي، ظاهري طور سنڌين ۽ بلوچن جي فائدي ۾ لکڻ جي ڏوهه ۾ پابندي مڙهي جنهن جي خبر بي بي سي، “سنڌ ٽه ڊي” جو نالو وٺي نشر ڪئي ـ
