پروف جي غلطي (عبيد ٿهيم)

'ڪهاڻيون' فورم ۾ عبيد ٿھيم طرفان آندل موضوعَ ‏27 جون 2018۔

  1. عبيد ٿھيم

    عبيد ٿھيم مُنتظم انتظامي رڪن سپر ايڊيٽر

    شموليت:
    ‏17 فيبروري 2013
    تحريرون:
    2,726
    ورتل پسنديدگيون:
    6,955
    ايوارڊ جون پوائينٽون:
    493
    ڌنڌو:
    سافٽويئر انجنيئر
    ماڳ:
    دبئي
    ڪهاڻي : پروف جي غلطي
    _ عبيد ٿهيم_
    شاعر خدن ”خاموش“ جي ڪتاب جي مهورتي تقريب ۾ اسٽيج تي ويٺل سنڌ جي اُن برڙباڪاس ليکڪ کي ٽي وي چئنل وارن اسٽيج تان هيٺ اچي پنهنجا ويوز ڏيڻ لاءِ چيو. پنڊال کان ٻاهر صحافي ڪئمرا جي مائڪ سندس ٿُلهن چپن آڏو رکندي پڇيو ”سائين! هِن ڪتاب بابت توهان جي ڪهڙي راءِ آ؟“
    همراھ وائڙو ٿي ويو، ڪتاب جو نالو ياد نه پيو اچي، صحافيءَ جي ڀر ۾ بيٺل هڪ همراھ آهستي ڀُڻڪيو : ”ڪُلياتِ خاموش“... ٿلهن چپن واري ليکڪ ڪتاب بابت پنهنجا ويوز ڏئي اسٽيج تي آيو..
    ميزبان کيس مائڪ تي گھرايو، اچڻ شرط اسٽيج پويان لڳل بينر ڏانهن نهاريندي ۽ ڪتاب جو نالو ڏِسندي چيئين :
    خدن خاموش جو هِي ڪتاب ”ڪلياتِ خُدن“، شاعريءَ جي فَن جو شاهڪار ڪتاب آهي.. خدن خاموش سنڌ جي اُنهن آرٽسٽن مان آهي، جنهن جو اڄ ٽيون شاهڪار اسانجي هٿ ۾ آهي، مون ڪتاب پڙهيو ته مونکي هِن ۾ تصوف ۽ محبت جا شعر مِليا..
    خدن خاموش وائڙو ٿي سوچڻ لڳو ته، مون ته مزاحمتي شاعري ڪئي آ هِن منهنجي ڪتاب مان ڪٿان تصوف ۽ محبت ڳولهي ڪڍي؟ ڪٿي پروف جي غلطي ته ڪونهي ڪا؟
     

هن صفحي کي مشهور ڪريو