جاپاني به سنڌي ڳالهائڻ لڳا

جاپاني به سنڌي ڳالهائڻ لڳا ​

۔

​

۔ڪجهه ڏينهن پهرين محترم دوست جناب الطاف شيخ صاحب مون کي جاپان يونيورسٽي جي سنڌي ڊپارٽمنٽ جون ڪجهه تصويرون ميل ڪيون هيون جيڪي مان توهان سان ونڊ ڪرڻ ٿو چاهيان، اميد ته توهان کي پسند اينديون، الطاف شيخ صاحب مون ڏانهن اهي تصويرون موڪلڻ وارا قرب هميشه ڪندا رهندا اآهن ، پاڻ جڏهن ايران ۾ هئا ته ايران جون تصويرون پڻ مون ڏانهن ميل ڪري موڪليون هيون جيڪي پڻ سنڌ سلامت تي ونڊ ڪرڻ لاء سوچان ويٺو۔
الطاف شيخ صاحب کي ڪهڙو سنڌي آهي جيڪو نه ٿو سڃاڻي، الطاف شيخ سنڌ جو اهو ليکڪ آهي جنهن کي سنڌ جو هر شخص دل و دماغ سان پڙهندو آهي۔ الطاف شيخ کي شايد ئي ڪوسنڌي علم دوست هجي جيڪو نه ڄاڻندو هجي۔مان ته ائين چوندس ته جيئن شاه صاحب اسان جي سنڌي ٻولي کي سنڌي شاعري سان مالا مال ڪري ڇڏيو آهي ۽ شاه صاحب جي شاعري ۽ فڪر اسان سنڌين ۽ سنڌي ٻولي لاء فخر جي نشاني آهن اهڙي ريت سنڌ جي لطاف شيخ صاحب تي پڻ اسان کي ناز ۽ فخر آهي، الطاف شيخ صاحب سنڌي ٻولي ۾ سون جي تعداد ۾ سفرنامه لکي ڪري سنڌي ٻولي کي سنڌي سفر نامن سان مالا مال ڪري سنڌي ٻولي تي وڏو احسان ڪيو آهي، شايد اهيو احسان اسان جو سنڌي ماڻهون ڪڏهن به وساري نه سگهي، سنڌ سلامت جا دوستو مان سائين الطاف شيخ صاحب جو ٿورائتو آهيان جو مون ڏانهن پنهنجون ميل ۽ لنڪون موڪليندا رهندا آهن،
پاڪستان کان سواءِ دنيا جي سمورن ترقي يافته توڙي ترقي پذير ملڪن ۾ هڪ کان وڌيڪ ٻوليون سکڻ جو رجحان تمام گهڻو آهي، لساني تعصب کان پاڪ ملڪن توڙي معاشرن ۾ وڌيڪ ٻوليون ڳالهائڻ واري کي وڌيڪ مان ۽ مرتبو ملندو آهي، ان ئي خيال کان 1985ع ۾ اوساڪا يونيورسٽي جي شاگرد حامياسن کان پڇيو ويو ته هو ڪهڙي ڌاري ٻولي سکڻ پسند ڪندو ته هن پڇيو ته دنيا جي سڀ کان ڏکئي ٻولي ڪهڙي آهي ته کيس ٻڌايو ويو ته سنڌي، هن به نه ”ڪيئي هم نه تم“ ۽ چئي ويٺو ته مان سنڌي سکندس ۽ ان شوق ۾ هن سنڌ يونيورسٽي ڄامشوري ۾ داخلا ورتي ۽ 1990ع ۾ سنڌي ۾ ايم اي ڪرڻ کان پوءِ واپس اوساڪا يونيورسٽي ۾ وڃي سنڌي شعبي جو باني استاد مقرر ٿيو. هن وقت هو سنڌي شعبي جو سربراهه آهي، اوساڪا يونيورسٽي جاپان جي سڀ کان وڏي يونيورسٽي آهي ۽ ان ۾ سنڌي ٻولي جو سکيا حيران ڪندڙ ضرور آهي. تازو جڳ مشهور سفرناما نويس الطاف شيخ اوساڪا يونيورسٽي جاپان ويو ۽ هن اتي اوساڪا يونيورسٽي جي سنڌي ۽ اردو شعبن ۾ سنڌي ۽ اردو ٻولين ۾ ليڪچر ڏنا
سندس موجب سنڌي شعبي ۾ هن وقت 15 کن شاگرد آهن، جڏهن ته شعبي جو سربراهه حامياسن ته سٺي سنڌي ڳالهائي ٿو پر سنڌي شعبي جا ٻيا استاد ۽ شاگرد به سنڌي ۾ پڙهيا هئا. هن ٻڌايو ته شاگردن ۾ اڪثريت ڇوڪرين جي هئي ۽ انهن کي سنڌي ٻولي سکڻ سان خاص لڳاءُ هو. هن ٻڌايو ته هو جڏهن جهاز ۾ انجنيئر هو ته 1970 کان 1980 تائين جاپان ۾ رهيو ۽ اوساڪا يونيورسٽيءَ ۾ ويندو رهندو هو پر تڏهن سنڌي شعبو نه هو، هن ٻڌايو ته اوساڪا يونيورسٽيءَ جي اردو شعبي جو سربراهه جاپاني ۽ اردو ۾ پي ايڇ ڊي آهي

​

​

​

​

​

​

​

​

​

 

جواب: جاپاني به سنڌي ڳالهائڻ لڳا

​

​

​

​

نوٽ الطاف شيخ بابت وڌيڪ پڙهڻ لاء هيٺ ڏنل لنڪ تي ڪلڪ ڪندا۔ ​

سنڌ جو سيلاني، سنڌ جي سڃاڻ الطاف شيخ​

 

جواب: جاپاني به سنڌي ڳالهائڻ لڳا

ڄاڻ ڏيڻ جي مهرباني ادا

 

جواب: جاپاني به سنڌي ڳالهائڻ لڳا

ادا ممتاز الطاف شيخ منهنجو پسنديده ليکڪ آهي
تمام سٺي معلومات ڏني اٿو
مونکي ان ڳالهه جي خبر نه هئي ته جاپان جي مشهور يونيورسٽيء
۾ سنڌيء جو شعبو به آهي

الطاف شيخ جي ڪتابن جي لنڪ ڏئي تمام بهترين ڪم ڪيو اٿو
ان سان اسان جهڙن ماڻهن کي مفت ۾ ڪتاب پڙهڻ لاء ملندا


سنڌ سلامت ساٿ سلامت

 

جواب: جاپاني به سنڌي ڳالهائڻ لڳا

ادا پسند ڪرڻ لاء توهان جي مهرباني​

 

جواب: جاپاني به سنڌي ڳالهائڻ لڳا

ادا مطلب ته هاڻي جيڪو اسان جو سنڌي جاپان ويندو ته اهو انهن سان به سنڌي ڳالهائيندو
واهه سائين واهه .

 

جواب: جاپاني به سنڌي ڳالهائڻ لڳا

ادا دعا ڪريو، مون کي جرمن، جاپان، ۽ لنڊن گهمڻ جو تمام گهڻو شوق آهي بس الله ڪي سبب بڻائي۔ انشاء الله جاپان وڃي انهن سان سنڌي ڳالهائيندس پر انهن کي شاه جي شاعري پڻ ٻڌائيندس۔ ​

 

جواب: جاپاني به سنڌي ڳالهائڻ لڳا

ادا الطاف شيخ صاحب منهنجو پڻ پسنديده ليکڪ آهي، ادا عرس صاحب توهان جي مهرباني جو توهان منهنجي هن ونڊ کي پسند ڪيو، ادا توهان جو ذڪر محترم دوست عبدالرشيد سمون صاحب جي واتان پڻ ٻڌو هئم، جنهن ڏينهن سمون صاحب ۽ وساڻ صاحب مون وٽ طبيعت پڇڻ لاء ان سينا اسپتال ڪراچي ۾ آيا هئا، مگر خبر نه آهي ته ڇو توهان سان ملڻ لاء دل چوندي آهي،
ادا منهنجو تعارف ته شايد توهان پڙهيو هوندو اگر ناهي پڙهيو ته ڪو مسئلو نه آهي هي وٺو پڙهي وٺو، مگر ان سان گڏ پنهنجو به مڪمل تعارف ڪرائيندا ته نوازش،

( ممتاز علي وگهيو سيلاني، لطيفي جو تعارف )​

 

جواب: جاپاني به سنڌي ڳالهائڻ لڳا

ماشاء الله ۔۔۔ جاپان جي يونيورسٽي ۽ سنڌي شعبو ۽ مٿان وري ڪجهه شاگرد به آهن جي سنڌي پڙهن ٿا ۔۔۔ ناممڪن ته ڪا ڳالهه ناهي هوندي پر هي خبر عجيب آهي ۔۔۔ ڇاڪاڻ اهڙو علم حاصل ڪرڻ جنهنجو مارڪيٽ ويليو هجي ته ڳالهه سمجهه ۾ اچي ٿي، پر سنڌي ادب ۾ ايم اي ڪرڻ کانپو سنڌ ۾ ئي انجو ويليو ڪو خاص ناهي ته جاپان ۾ ڇا هوندو !!!

اسين زال مڙس جڏهن سنڌي ادب ۾ ايم اي ڪري سنڌ ۽ پاڪستان ۾ گهمياسون ته خبر پئي ته

1۔ هڪ وڏي آفيسر چيو ته اوهان کي ڪهڙي ڪاري کاڌو جو ايم اي سنڌي ادب ۾ ڪئي اٿوَ، ٻيو ڪو مضمون اوهانکي نظر نه آيو ۔۔؟

2۔ ٻي چيو ته اوهان بنگلا ۾ ايم اي هجو ها ته هت قائد اعظم اسلآم آباد يونيورسٽي ۾ جڳهه آهي پر سنڌي جو ڪو شعبو ئي ناهي ۔۔۔وفاقي ڪاليجن ۾ پڻ سنڌي نه هجڻ جي برابر آهي ۔۔۔

پاڪستان جي ٻين صوبن جي يونيورسٽين ۾ سنڌي شعبي جو نه هجڻ پر جاپان ۾ هجڻ عجيب لڳي ٿو ۔۔۔

پاڪستان ۾ سنڌ سان ماٽيجي ما وارو سلوڪ ڪيئن آهي ۔۔۔ انجو هڪ مثال ته اهو به آهي ۔۔۔

رب العالمين جاپان ۾ سنڌي پڙهڻ ۽ پڙهائڻ وارن جو ڀلو ڪري، ممڪن مستقبل ۾ سنڌ جي نوجوانن کي داخلا پڻ ملي وڃي ۔۔۔

سنڌ سلامت ساٿ سلامت

 

جواب: جاپاني به سنڌي ڳالهائڻ لڳا

ادا توهان جي ڳالهه شايد صحيح ٿئي ويندي ته الطاف شيخ صاحب نيٺ پاڻ به جاپاني ٿئي ويندا، ڇو جو پاڻ زندگي جو گهڻو وقت جاپان ۾ رهيا آهن ۽ جاپان بابت کين سٺي معلومات به آهي ، پاڻ جاپان جي باري ۾ پڻ گهڻو ڪجهه لکندا رهندا آهن،
ادا ونڊ کي پڙهڻ ۽ پسند ڪري پنهنجا خيالات لکڻ جي لاء اوهان جي مهرباني۔

 

جواب: جاپاني به سنڌي ڳالهائڻ لڳا

ادا تمام سٺو، اها ته اسان لا فخر جي ڳالھ آهي

 

جواب: جاپاني به سنڌي ڳالهائڻ لڳا

ادا توهان صحيح پيا چئو ته اهيا اسان لاء فخر جي ڳالهه آهي، ادا اسان کي ان ڳالهه مان به سبق سکڻ گهرجي ته هڪ جاپاني اسان جي ٻولي ان لاء ٿو سکي ته اها هن لاء هڪ چيلينج آهي، پر اهو ان چيلينج کي پورو ڪرڻ لاء پنهنجا سڀ زور لڳائي ٿو ۽ پنهنجو مقصد پورو ڪرڻ لاء جاپان مان سنڌ اچي ٿو ۽ پنهنجي مقصد ۾ نيٺ ڪاميابي ماڻي وري جاپان وري ٿو۔ جنهن جو مثال توهان ۽ اسان سامهون آهي،
ادا اسان کي به گهرجي ته اسان لاء جيڪي ڳالهيون چيلينج آهن ان لاء پوري محنت ڪري ان چيلينج کي منهن ڏجي۔ ۽ پنهنجي مقصد ۾ ڪاميابي ماڻجي۔

 

جواب: جاپاني به سنڌي ڳالهائڻ لڳا

جي ادا بلڪل توهان جو اهو خواب ضرور پورو ٿيندو پر هڪ ڳالهه اٿو جاپان گهمڻ جو سوق مون کي به گهڻو آهي دعا ڪيو ته گڏجي هلون جاپان ،...

 

جواب: جاپاني به سنڌي ڳالهائڻ لڳا

يار علي علي، اوهان به سنڌي سيکاريندا ته اسان جن ايم اي سنڌي ادب ۾ ڪئي آهي انهن جو ڇا ٿيندو؟

 

جواب: جاپاني به سنڌي ڳالهائڻ لڳا

تمام بهترين معلومات ۽ سائين چواڻي عجيب پڻ۔۔
ذبردست۔۔۔۔

 

جواب: جاپاني به سنڌي ڳالهائڻ لڳا

ادا انشاءالله جاپان ضرور ڏسبو، الله جي حڪم سان ​

 

جواب: جاپاني به سنڌي ڳالهائڻ لڳا

ادا علي علي صاحب توهان صحيح پيو چئو ته مان جاپاني ڇوڪرين کي سنڌي سيکارڻ جي پوري پوري ڪوشش ڪندس ته جيئن گهٽ مان ًگهٽ سنڌ سلامت جي فورم تي اهي جاپاني سنڌي ڳالهائيندڙ ڇوڪريون ته اينديون ۽ ميمبر ٿينديون ، اسان جون سنڌي ڇوڪريون فيس بڪ تي ته جام نظر اينديون آهن باقي خبر نه آهي ته سنڌ سلامت تي ڇو نه ٿيون اچن، ڪهڙو سبب آهي، الله ئي بهتر ٿو ڄاڻي،