محمد نواز راجپر

1. اُڀَ ڏاريندڙ الميا ڇو ٿا جنم وٺن؟

تاريخ 2014-01-15 تي اسڪولي ٻارڙن سان ڀريل وين جي حادثي ۾ اسڪولي ٻارڙن، اُستادن ۽ ڊرائيور سميت ڪافي قيمتي جانين جو نقصان ٿيو. اهو هڪ تمام وڏو واقعو هو. رياست جي وڏي ۾ وڏي ناڪامي اها آهي ته، اُتي جا روڊ رستا خراب هجن ۽ اُتي روڊ حادثن ۾ روزانو جي بنياد تي ماڻهو اجل جو شڪار ٿين، صرف پونئيرن کي پئسا ڏئي انهن جي دل کي رسيل ڏک نه ٿو لاهي سگهجي، ان متعلق لنڪ روڊ تي ٺهيل پل ئي غلط انجنيئرنگ جو نتيجو آهي، جنهن ڏانهن ته ڪنهن جو ڌيان به نه ويو آهي، ان اڻ پڙهيل انجنيئر کان ته پڇا ڪيو، جيڪو خود هن حادثي جي تفتيش جي زمري ۾ اچي ٿو، ان ڪروڙ پتي بلڊر، جنهن لاءِ ڊمپر ڪم ڪندو آهي، اهو بلڊر به هن جاچ کان بچي نٿو سگهي، انهن ماڻهن خلاف به ڪارروائي ڪرڻ جي ضرورت آهي. حڪومتِ سنڌ ۽ جاچ ڪندڙ ادارن جي سربراهن کي گذارش آهي ته، جاچ کي هر ڪنڊ کان وائکو ڪري اصل ذميوارن خلاف سخت ڪارروائي ڪئي وڃي، ته جيئن آئنده ٻين کي به سبق ملي.

فضل الحق لغاري/ٽنڊو الهيار