اسلام عليڪم دوستو ڪافي عرصي بعد مان هن فورم تي پيش ٿيو آهيان. هاڻي ڪوشش هوندي ته فورم ۾ ڪجهه لکجي ۽ ڪجهه پڙهجي.
-
اُجھڻ کان مچڻ ۾ مزو ٿو اچي ڙي،
ججھڙ ٿي جيئڻ ۾ مزو ٿو اچي ڙي!
هجي ڍَئو ته مئو ۾ هڻون کونگھرا ڪي،
لنگھڻ کي لڇڻ ۾ مزو ٿو اچي ڙي!
مُٺي ماٺ آهي ڪُٺي قوم پنهنجي،
مچي ڪو ممڻ ۾ مزو ٿو اچي ڙي.
گھُرون ڇو گبر کان وٺون حق گھوگھي،
پِنڻ کان ڇنڻ ۾ مزو ٿو اچي ڙي.
ٻنين لئه ونين لئه، وطن جي حدن لئه،
حقن لئه وڙهڻ ۾ مزو ٿو اچي ڙي.
ڪُوَقتو ڪُريتو نه ٿو موت گھرجي،
مهل تي مرڻ ۾ مزو ٿو اچي ڙي.
اسين ارتقا جي پڪا عاشق آهيون،
ورڻ کان وڌڻ ۾ مزو ٿو اچي ڙي.
گھُرڻ سان گھُرن جي قسم قرب آ،
اُنهن سان ملڻ ۾ مزو ٿو اچي ڙي.
مِلي امن انصاف سڀ کي بخاري،
ته جھومڻ، نچڻ ۾ مزو ٿو اچي ڙي.
استاد بخاري -
لوڊنگ ٿي رهي آهي…
-
لوڊنگ ٿي رهي آهي…
-
لوڊنگ ٿي رهي آهي…