مغل اسٽيل جي تعاون سان لاڙڪاڻو بُل (موئن جي دڙي مان لڌل ڏاند گاڏي جي نسبت سان سڏرائيندڙ) هوئن ته اڳ به پاڪستان جي قومي رانديگرن تي مشتمل ٽيمن سان کيڏندي رهي آهي پر هن دفعي پهريون دفعو براهِ راست ٽيليڪاسٽ ٿيندڙ فيصل بينڪ ٽي 20 ٽورنامينٽ ۾ پنهنجي غير متوقع ۽ حيران ڪن ڪارڪردگي ڪري ڪافي مشهور رهي آهي۔۔ پي سي بي طرفان لاڙڪاڻي ريجن ۾ جيڪي ضلع شامل ڪيل آهن انهن ۾ لاڙڪاڻو، دادو، خيرپور، سکر، شڪارپور ۽ جيڪب آباد شامل آهن۔۔ لاڙڪاڻو ڪرڪيٽ ٽيم ۾ شامل رانديگر آهن: دادو ضلعي جو زاهد محمود (ڪپتان) ضلعي دادو جو Zahid Mahmood (ڪپتان) اڳوڻي پاڪستاني ڪپتان شعيب ملڪ کي آئوٽ ڪندي ڪراچي جو Ahsan Ali نئين ديري جو Zafar Ali† بطور وڪيٽ ڪيپر لاڙڪاڻي جو Ayaz Jamali شڪار پور جو Ghulam Yasin سکر جو Rameez Ahmed خيرپور ميرس جو Mohammad Urs شڪارپور جو Mohammad Siddiq ڪراچي جو Ali Mudassar دادو جو Imtiaz Ali Laghari شڪارپور جو Imran Chandio شڪارپور جو Asif Babar حيدرآباد جو Mohammad Waqas ۽ دادو جو Ali Murtaza Joyo لاڙڪاڻي ٽيم جو پهريون مقابلو 6 فيبروري تي ڪوئٽا سان رکيل هو پر موسم جي خرابي ڪري مقابلو ٿي نه سگهيو۔۔ سندن ٻيو مقابلو 7 فيبروري تي سابقه چيمپيئن ۽ پاڪستاني ٽيم جي 8 رانديگرن تي مشتمل ٽيم سيالڪوٽ سان هو جنهن ۾ کين وڏي مارجن 97 رنسن تان شڪست ملي سندن ٽيو مقابلو حيدرآباد جي ٽيم سان ٿيو جنهن ۾ پاڪستاني ٽيم جو رانديگر شرجيل خان ۽ سابقه ٽيسٽ پليئر عظيم گهمڻ پڻ کيڏي رهيو پر لاڙڪاڻي ٽيم پنهنجي آل رائونڊ ڪارڪردگي ڏيکاريندي 156 رنسن جو ٽارگيٽ آخري اوور ۾ پورو ڪري ورتو۔۔ سندن چوٿون ۽ آخري مقابلو ڪراچي ڊالفن ٽيم سان ٿيو جنهن ۾ 8 پاڪستاني ٽيم جا رانديگر موجود هئا پر دادو جي امتياز لغاري پنهنجي بالنگ جو جادو هلائيندي 4 اوورز ۾ 4 رانديگر آئوٽ ڪيا ۽ ڪراچي جو اسڪور رڳو 94 تائين محدود ڪري ڇڏيو۔۔ جنهن کان پوءِ احسن علي جي ففٽي جي مدد سان ٽارگٽ رڳو 13 اوورز ۾ صرف هڪ وڪيٽ وڃائي حاصل ڪيو۔۔ سندن ان ڪارڪردگي کين پوائينٽس ٽيبل تي سيالڪوٽ کان پوءِ ٻئي نمبر تي پهچائي ڇڏيو۔۔۔ ۽ ڪوائٽر فائينل ۾ پهچڻ جي ويجهو به۔۔ پر گروپ جي آخري ميچ ۾ ڪراچي ڊالف سيالڪوٽ جهڙي مضبوط ٽيم کان ميچ کٽي پوزيشن مضبوط بڻائي ۽ بس هڪ پوائينٽ جي گهٽتائي ڪري لاڙڪاڻي جي ٽيم اڳتي نه وڌي سگهي۔۔۔ ان باوجود ڪرڪيٽ جا پنڊت سندن گر ڳائيندا رهيا۔۔ توڙي جو لاڙڪاڻي جي ٽيم نوجوان رانديگرن تي مشتمل آهي پر سندن کيڏڻ جي جذبي کي ان ڳالهه مان جانچي سگهجي ٿو ته محدود سهولتن باوجود هن ٽيم پاڪستاني ٽيم جي مشهور رانديگرن سامهون پنهنجي شاندار ڪارڪردگي ڏيکاري ۽ ثابت ڪري ڏيکاريو ته جيڪڏهن سنڌي رانديگرن کي کيڏڻ جو موقعو ملي ته هو بهترين رانديگر ثابت ٿي سگهن ٿا۔۔۔
بھترين سائين... بيشڪ اسان وٽ سُٺا گرائونڊ نه آھن پر ان باوجود فرمارمنس ڏيڻ... ان سان گھٽ ۾ گهٽ اھو ته ثابت ٿئي ٿو ته سنڌي نوجوان سھولتن جي اڻھوند جي باجود بيپناھ ٽيلنٽ رکي ٿو...
دوستن کان معزرت ... هالانڪه پوائينٽس ٽيبل مطابق رزلٽس ڪجهه مختلف آهن .. پر خبر ناهي ڪهڙي طرح ڪوارٽر فائينل جي چونڊ وڃي بيٺي... ۽ خوشقسمتي سان لاڙڪاڻو بل ٽيم ڪوارٽر فائينل ۾ پهتي ٿي... توڙي جي کڻي قسمت لاڙڪاڻي کي ڪوارٽر فائينل تائين پهچايو پر اها به قسمت جي ستم ظريفي چئجي جو ڪوارٽر فائينل ۾ سندن مقابلو پاڪستاني ٽيم جي ڪپتان مصباح جي ٽيم فيصل آباد سان ٿيو.. جنهن ۾ اڌ کان گهڻا پاڪستاني ٽيم جا رانديگر کيڏي رهيا هئا.. لاڙڪاڻي ٽيم جي بالرز جي شاندار ڪارڪردگي جو اندازو ان ڳالهه مان لڳائي سگهجي ٿو ته ان مضبوط ٽيم کي رڳو 121 تائين محدود رکيو پر سعيد اجمل اسد علي جهڙن تجريبڪار بالرز اڳيان بيٽنگ ٽيم مقابلو نه ڪري سگهي .. رڳو اياز جمالي 36 بالز ۾ 34 رنسون ٺاهي قابلِ ذڪر رهيو ۽ ائين پوري لاڙڪاڻي جي ٽيم 33 رنسون اڳ ئي آئوٽ ٿئي وئي... ان باوجود به سينيئرز رانديگرن سان کيڏي ٽيم جي رانديگرن ۾ اعتماد وڌيو هوندو.. جنهن جو اثر ٻي ڊوميسٽڪ سيزن ۾ ضرور نظر ايندو...
