روبينه ابڙو نيٺ گونگي ڳالهايو نثري نظم روبينه ابڙو

'سنڌي شاعري' فورم ۾ مصور عالم طرفان آندل موضوعَ ‏17 جون 2014۔

  1. مصور عالم

    مصور عالم
    سينيئر رڪن

    شموليت:
    ‏2 ڊسمبر 2011
    تحريرون:
    572
    ورتل پسنديدگيون:
    679
    ايوارڊ جون پوائينٽون:
    193
    ڌنڌو:
    چيف ايڊيٽر ڪيسوُٻاء مئگزين
    ماڳ:
    مٺي ٿرپارڪر
    “نيٺ گونگي ڳالهايو”
    نثري نظم
    (روبينه ابڙو)

    هو پيدائشي گونگو نه هيو
    پر هو پنهنجي زبان کي
    ڳالهائڻ لاءِ اوماهي رهيو هو.......
    هُو.....
    جنهن پنهنجي ڳالهائڻ جي شروعات
    اروڙ کان ڪئي
    سندس سچ
    برداشت ڪرڻ جوڳو نه هيو
    رياست کيس
    کوکلي مسند تي ويهاري
    راڄڌانيءَ جي
    ڪٻاڙخاني جي
    ڪنڊ ۾ اڇلي ڇڏيو
    ۽ سندس زبان تي
    قلم 144 لاڳو ڪري
    کيس خاموش رهڻ جو حڪم ڏنو ويو
    پوءِ هن آئينا ٺاهڻ شروع ڪيا
    کيس خبر هئي ته هو اهي آئينا
    انهن انڌن لاءِ ٺاهي رهيو آهي
    جيڪي هڪ ڏينهن
    پنهنجن اکين کان ضرور ڪم وٺندا
    کيس پڪ هئي ته
    اهي ازلي انڌا ناهن
    پر هنن جي اکين کي
    ڪجھ به نه ڏسڻ تي مجبور ڪيو ويو آهي
    آئينا ٺاهيندي ٺاهيندي
    هن حواس ايجاد ڪرڻ جو هنر به سکي ورتو
    ۽ پنهنجي لفظن کي
    مصنوعي گونگن لاءِ
    آواز جو روپ ڏنو
    هن اهڙا ڪارناما ڏيکاريا
    جو ماڻهو کيس سامري سمجهڻ لڳا
    ۽ اهو جادو
    هن رياست جي انهن پالتن کان سکي ورتو هيو
    جن کي ٽارچر سيل ۾
    گونگن کان ڳالهرائڻ
    چڱيءَ طرح ايندو آهي
    ۽ انڌن کان سمورا ڳُجھ ڳولرائڻ جو فن به
    خوب ايندو آهي
    جڏهن هن پنهنجي ڳچيءَ مان
    ان مسند جي غلاميءَ جو ڳٽ
    ڳرندي ڀانئيو ته
    هو راڄڌانيءَ جي ڪٻاڙخاني مان فرار ٿي
    پنهنجي مٽيءَ سان اچي مليو
    ۽ پوءِ
    نيٺ گونگي ڳالهائڻ شروع ڪيو
    پر اها ته اڃان سندس شروعات هئي
    هن مس مس ٻاتاوان ٻول
    ٻولڻ شروع ڪيا هئا
    ته مٿس فتوائن جا تير وسڻ لڳا
    خوف ته ان ڳالھ جو آهي
    جڏهن هن ڀرپور ڳالهائڻ شروع ڪيو
    ته پوءِ سندس سچ جي گونجار سان
    سمورا ڪوڙ جا ڪوٽ
    ڊهي پٽِ پئجي ويندا
    ۽ پوءِ نه رهندي ڪا مسند
    نه رهندي ڪا تعزير
    ۽ نه ئي رهندي ڪا فتوا
    جي رهندي ته صرف
    اهائي هڪ سچ جي ڳڙي
    جيڪا اڄ به
    سندس زبان تي رکيل آهي...
     
    4 ڄڻن هيء پسند ڪيو آهي.
  2. سليمان وساڻ

    سليمان وساڻ
    مينيجنگ ايڊيٽر
    انتظامي رڪن لائيبريرين

    شموليت:
    ‏6 آڪٽوبر 2009
    تحريرون:
    16,938
    ورتل پسنديدگيون:
    27,305
    ايوارڊ جون پوائينٽون:
    533
    ماڳ:
    سچل ڳوٺ ، ڪراچي
    امر جليل کي ڀيٽا طور پيش ڪيل بهترين نظم .... روبينه ابڙو هن دور جي عورت شاعرائن مان وڏي شاعره طور پنهنجو پاڻ مڃايو آهي.
     
    3 ڄڻن هيء پسند ڪيو آهي.
  3. ثناء الله ڏاهري

    ثناء الله ڏاهري
    نئون رڪن

    شموليت:
    ‏20 جون 2014
    تحريرون:
    1
    ورتل پسنديدگيون:
    0
    ايوارڊ جون پوائينٽون:
    0
  4. منصور سرور

    منصور سرور
    سينيئر رڪن

    شموليت:
    ‏22 مارچ 2014
    تحريرون:
    1,412
    ورتل پسنديدگيون:
    3,245
    ايوارڊ جون پوائينٽون:
    323
    ڌنڌو:
    مارڪيٽنگ مينيجر ليدر گارمنٽس
    ماڳ:
    ڪراچي، سنڌ
    تمام بهترين
     

هن صفحي کي مشهور ڪريو