پيارا دوستو! اميد ته سڀ سرها هوندا! سنڌ سلامت جي سائيٽ سچ پچ پنهنجي ڪنهن ڳوٺ جي ڪچهري وانگر لاجواب ۽ پنهنجائپ سان ڀرپور آهي۔ جڏهن ڪچهري ۾ ڪو نئون ماڻهو ايندو آهي ته ان لا تعارف ڪرائڻ به ضروري هوندو آهي، انڪري مان به پنهنجو تعارف عرض رکڻچاهيندس! ته سائين منهنجو نالو آهي سجاد سرور، پيشي جي لحاظ کان ڊاڪٽر آهيان! اڄڪلھ رهائش ڪراچي ۾ آهي، اصل شهر پنوعاقل ، ضلعو سکر آهي۔ سنڌي ٻولي سان منهنجو عشق آهي، ۽ شوق خاطر ڪاليج دور ۾ سنڌي ٻولي ۾ ڪجھ شاعري پڻ ڪئي آهي۔ سنڌي منظوم ترجمي جو هڪ ڪتاب ”سندو ڏاهپ ڏوھ“ جي نالي سان سال 2006 ۾ ڇپجي چڪو آهي۔ شاعري جو ٻيو ڪتاب ” چنڊ جو عڪس” جي نالي سان تيار آهي، جيڪو مصروفيتن باعث ڇپجي ناهي سگهيو! هن فورم تي اچي جيڪو پيار مليو آهي، ان جي حساب سان ته هتي هميشه ئي حاضر رهڻ گهرجي، ليڪن ڪجھ پروفيشنل مصروفيتن سبب، باقائده حاضري ڪجھ مشڪل آهي، ان لا دوستن سان اڳواٽ معذرت، باقي حال ۽ وقت آڌار جڏهن به موقعو مليو ته هتي اچي سنگت سان سلامي ٿبو! ڌڻي شل اوهان سڀني کي پنهنجي امان ۾رکي! سدائين گڏ!
جواب: منهنجو تعارف ادا سجاد سرور اوهان کي هن محبتي اڱڻ تي دل گهرائين سان ڀليڪار چئون ٿا۔۔۔ اوهان قرب جا قدم کڻي آيا آهيو اسان جو اکيون ٿڌيون ٿيون۔۔۔۔ اوهان جي تعارف مان ائين لڳو ته اوطاق تي هڪ وڌيڪ ڏاهو آيو آهي۔۔۔ گهڻا ڏاها هن محبتي اڱڻ تي پهريان به موجود آهن اميد ته اوهان به پنهنجي شاعري سان هن اوطاق جي محبت ۾ وڌيڪ اّضافو ڪندا۔۔۔۔۔۔۔۔ مهرباني قبلا
جواب: منهنجو تعارف ادا سجاد سرور صاحب اسان اوهان کي سنڌ سلامت فورم تي خوش آمديد ٿا چئون ادا پيشي جي لحاظ کان توهان ڊاڪٽر آهيو توهان جون مصروفيتون واقعي به ڪافي هونديون جيڪڏهن توهان ٿورو ئي ٽائيم روز سنڌ سلامت فورم کي ڏيندو ته اهي توهان جا وڏا وڙ ٿيندا ادا توهان چيو ته توهان کي شاعري سان پڻ لڳاءُ رهيو آهي مان پاڻ شاعري پڙهڻ جي حد تائين شوقين آهيان سو توهان جي شاعري ۽ لکڻين جو انتظار رهندو ادا سنڌ سلامت فورم جي روايت کي برقرار رکندي توهان کي فقير طرفان هي حقير نظرانو قبول ڪندا سدائين گڏ
جواب: منهنجو تعارف ادا سنڌ سلامت تي ڀليڪار۔۔۔ توهان جي شاعري جا ڪجهه موضوع پڙهي چڪا آهيون۔۔ تمام زبردست شاعري ۽ لفظن جو استعمال به بهترين آهي۔ ٻيو ته ڊاڪٽري ۽ شاعري جو امتزاج پهريون چڪر ڏسون پيا اميد ته وڏا رنگ ڏسڻ لاءِملندا۔۔ الله جي ڪرم سان سنڌ سلامت کي جنهن مقصد کي ذهن ۾رکي تيار ڪيو ويو، ان ئي مقصد تحت سنڌ سلامت جو قافلو اڳتي وڌندو پيو اچي ۽ ان ۾ روز نوان دوست شامل ٿين پيا ۽ ساٿ وڌندو پيو وڃي۔ هاڻ توهان جهڙي سنڌ جي ڏاهن ۽ ادب دوست شخصيتن جو هجڻ اسان مستن جي لاءِ وڏي فخر جي ڳالهه آهي۔
جواب: منهنجو تعارف ادا ڊاڪٽر سجاد سرور مهر صاحب سلام اسان اوهان کي سنڌ سلامت جي هن محبتي اڱڻ تي خوش آمديد ٿا چئون۔ اوهان جي شاعري فيس بوڪ تي به پڙهڻ لاء ملندي آهي۔ اوهان پنهنجي مصروف ڌنڌي هوندي ٽائيم ڪڍي سنڌي ادب جي خدمت پيا ڪيو اهي اوهان جا قرب آهن۔ مونکي سنڌي جي هڪ عظيم شاعر ڊاڪٽر تنوير عباسي جي هميشه ياد ايندي آهي۔ انکانسواء ڊاڪٽر ذوالفقار سيال، ڊآڪٽر قربان علي جهتيال ۽ ڊاڪٽر مشتاق ڦل جن هن پيشي ۾ رهندي به هيڏي سٺي شاعري ڪئي آهي۔ اوهان ۾ به ساڳيون اميدون آهن ته اوهان به انشاءالله سنڌي ادب کي پنهنجون تخليقون ارپي سنڌ امڙ جو قرض چڪائيندا۔
جواب: منهنجو تعارف ادا ڊاڪٽر ڀلي ڪري آئين۔ ابا ڊاڪتر اسان مريضن کي به ته ڪنهن حڪيمڙي جي ضرورت هئي، هن محبتي اڱڻ تي اسان مريضن کي اوهان جو بيحد انتظار رهندو۔۔۔
جواب: منهنجو تعارف محترم سجاد سرور! جيئن اوهان ڄاڻايو آهي ته اوهانکي سنڌي ٻولي سان محبت آهي ۽ ان محبت ۾ اوهان شاعري پڻ ڪئي آهي ۔۔۔ افسوس جو آ اوهانجي شاعري پڙهڻ کان قاصر رهيو آهيان پر ان هوندي به لک ٿورا سنڌ سلامت جي اڱڻ جا جو ان ذريعي اوهان جهڙن سڄاڻ، سنڌ پرست ۽ سهڻن انسانن سان ڏيٺ ٿي آهي ۔۔۔ سنڌ سلامت جي سڀني دوستن جو نعرو آهي “ سنڌ سلامت ساٿ سلامت ” ۽ اسانجو وس آهي ته سنڌي ٻولي کي دنيا جي ڪنڊ ڪڙڇ ۾ هلندڙ جديد علمن سان سنوارجي ۽ سنڌي ٻولي کي انٽرنيٽ جي دنيا ۾ پاڻ ڀرو ڪجي ۔۔۔ اوهان به سنڌ پرست آهيو ۽ سنڌي ٻولي سان چاهه رکوٿا، اميد ٿي ڪجي ته اوهان اسان سان پنهنجي شاعري ۽ سنڌ مطلق سياسي ۽ سماجي خيال ونڊ ڪندا ته جيئن هڪٻئي جي رهنمائي ڪرڻ وارو فرض پورو ٿئي ۔۔۔ هن اڱڻ تي ڪهي اچڻ جا لک لائق ۔۔۔ اوهانکي دل جي گهراين سان ڀليڪار ٿي چئجي ۔۔۔ آ هر نئين دوستن کي لطيف سڳوري جي زباني هي پيغام ضرور ڏيندو آهيان، ڇاڪاڻ ته دوست سڏائڻ ۽ سر سانڍڻ اي نه مارن ريت ۔۔۔ دوست سڏائي سڀ ڪو، جاني زباني، ٿئي آساني ڪم پوي ته ڪل پوي۔ اميد ته اوهان به دوستي جا فرض ضرور نڀائيندا ۔۔۔ دعائن ۾ گڏ
جواب: منهنجو تعارف مهرباني سائين نثار صاحب! ٿورا نه ٿورا مون تي ماروئڙن جا، ڀلايون ۽ ڀيرا ڳڻي ڳڻيندس ڪيترا!
