محمد خان سيال

01 ـ سفرنامن جا ڪجھه ڇپيل ڪتاب: نيري آسمان هيٺان، نئون ابن بطوطا، آمريڪا: نئين دنيا ـ نئون ديس، ارائونڊ دي ورلڊ ـ ڏهاڪو کن ڪتاب اڻ ڇپيل ـ
02 ـ دنيا جا ڪيترا ملڪ گھمي ڏٺا اٿم ـ يادگار سفر 30 ڏينهن اندر دنيا جي گوليءَ جي چوڌاري اڪيلي سر چڪر هنيم ـ انهيءَ دوران مان سعودي عرب، لنڊن، بيڊفورڊ، ايمسٽرڊم، نيويارڪ، لاس اينجلس ـ هالي ووڊ ۽ ڊزني لينڊ ، هونولولو، ٽوڪيو، منيلا، بئنڪاڪ کان ٿيندو ڪراچي موٽيس ـ
03 ـ 1972 کان اڳ سڀ سنڌي اخبارون اردو اخبارون جي اوبر يعني چرٻو بڻجي نڪرنديون هيون ـ پهريون ڀيرو روزاني هلال پاڪستان، ڪراچيءَ ۾ ٺيٺ سنڌي ٻولي ڪم آندم ـ اڄ پرنٽ ۽ اليڪٽرانڪ ميڊيا تي جيڪا ٻولي ڪتب اچي ٿي، سا مونکي فخر سان چوڻو پوي ٿو ته منهنجن ئي ڪوششن جو نتيجو آهي ـ
04 ـ انگريزي اخبارون ۾ 1200 کان وڌيڪ خط لکيم جن مان 95 سيڪڙو سنڌ جي قومي مسئلن تي آهن ـ
05 ـ پهريون ڀيرو دنيا جي مختلف ملڪن ۾ رهندڙ سنڌين سان ملي انهن جي سماجي ۽ ثقافتي سرگرمين جي باري ۾ سنڌي اخبارون ۽ مخزنن ۾ تفصيلي مضمون لکيم ـ
06 ـ بي روزگار سنڌي نوجوانن لاءِ، 8 سنڌي اخبارون ۾ پنهنجي خرچ تي روزانو روزگار سروس جو ڪالم ڪيترا سال مفت لکندو رهيس ـ
07 ـ سنڌي نوجوانن کي بين الاقوامي تعليم، داخلائن ۽ اسڪالرشپن بابت آگاهي ڏيڻ لاءِ 8 سنڌي اخبارون ۾ هفتيوار تعليمي سروس پنهنجي خرچ تي ڪيترا سال هلايم ـ
08 ـ سنڌ جو ڪيس بين الاقومي سطح تي وڙهڻ لاءِ پهريون ڀيرو هفتيوار انگريزي اخبار سنڌ ٽه ڊي ڪڍيم جنهن تي ملٽري ڊڪٽيٽر ۽ سنڌين خلاف نسلي متڀيد رکندڙ جنرل پرويز مشرف جي دور ۾26 جولاءِ 2006 تي بندش وڌي وئي ۽ اهڙي خبر بي بي سي اردو سنڌ ٽه ڊي جو نالو کڻي نشر ڪئي ـ
09 ـ مون ريڊيو پاڪستان ۽ پاڪستان ٽيليويزن ۾ سنڌي نيوز ۾ ٽرانسليٽر ۽ روزاني هلال پاڪستان، ڪراچي ۾ سب ايڊيٽر طور ڪم ڪيو ۽ پي آءِ اي ۾ پي آر او طور شامل ٿيس ۽ مئنيجر مارڪيٽنگ جي عهدي تان ريٽائر ڪيم ـ
10 ـ شهيد بينظير ڀٽي، نامياري ڳائڻي ماسٽر چندر، مشهور دانشور پروفيسر رام پنجواڻي، مصري خان جمالي، رام بخشاڻي، مشهور ڳائڻي ڀڳونتي ناواڻي، پارو ٺاڪر چاولا، ڳائڻي زيب النساءَ، مشهور اديب گوبند مالهي ۽ رامچند، سربراهه سنڌي ايسوسيئيشن آف سنگاپور۽ ٻين جا انٽرويوز ڪيم ـ