پيارا دوستو، ڪافي عرصي کان منهنجي خواهش هئي ته سنڌي ٻولي جي لا هڪڙو هِجي چڪاسيندڙ ٺاهجي ته جيئن اسان جا سنڌي ڀائر پنهنجي تحريرن کي چڪاسي سگھن۔ اردو وارن دوستن ته اڳ ۾ ئي اهڙو اسپيل چيڪر ٺاهيو آهي۔ تنهنڪري مون پنهنجي همت پاڻ سان هڪ ننڍڙو اسپيل چيڪر ٺاهيو آهي جنهن ۾ڏھ هزار کان ڪجھ وڌيڪ سنڌي جا لفظ شامل آهن۔ اسپيل چيڪر اصل ۾ صرف لفظن جي هڪ سادي فهرست هوندي آهي، جڏهن ته چيڪ ڪرڻ ۽ صحيح هِجي ٻڌائڻ جو ڪم پروگرام جو پنهنجو هوندو آهي۔ اهڙي سادي لسٽ ٺاهڻ ڪو وڏو ڪم نه آهي۔ پر جيئن ته سنڌي ٻولي ۾ فعلن جا ڪيترائي فارم ٿيندا آهن (جيئن، هئڻ، آهي، هوندو، هوندس، هئي، هو، هئاسين، تقريبا چاليھ کان مٿي آهن)، تنهنڪري هڪ مڪمل اسپيل چيڪر جي لا گھٽ ۾گھٽ پنجاھ هزار کن الفاظ هئڻ گھرجن۔ پر تنهن هوندي به هِن اسپيل چيڪر ۾ سنڌي جا عام استعمال ٿيندڙ ڏھ هزار لفظ آهن ۽ ان کي استعمال ڪري سگھجي ٿو۔ وڌيڪ بهتري لا استعمال ڪندڙ شامل نه ٿيل لفظن کي ڪسٽم ڊڪشنري ۾ شامل ڪري سگهي ٿو۔ اهو هِجي ڪندڙ اوپِن آفيس سافٽويئر جي لا آهي جيڪا هڪ مفت واري آفيس آهي۔ ان کي اوهان هتان ڊائونلوڊ ڪري سگهو ٿا۔ http://www.openoffice.org جڏهن ته سنڌي هِجي چڪاسيندڙ کي هن جا تان ڊائونلوڊ ڪري سگھجي ٿو۔ http://extensions.services.openoffice.org/en/project/sindhispellchecker
جواب: سنڌي جو (شايد) پهريون هِجي چڪاسيندڙ (اسپيل چيڪر) سائين نظاماڻي صاحب، سڀ کان وڏي خوشي ان ڳالهه جي ته اوهان هن اڱڻ تي پير رکي اسانجي هن ننڍڙي سنڌي اوطاق کي رونق بخشي آهي ۔۔۔ لک ٿورا ۔۔۔ اوهان شايد ڳالهه ڪيو ٿا هجي چڪاسيندڙ، مطلب جيئن انگريزي لفظن جي اسپيلنگ چڪاسي وٺبي آهي ۽ ڏسي سگهبي آهي، بلڪل ساڳي طرح سنڌي هِجي به هن سوفٽ ويئر ذريعي چڪاسي سگهبي ۔۔۔؟ جيڪڏهن ائين آهي ته تمام ڪارائتو سوفٽ ويئر آهي، جنهن سان اسين صحيح ۽ غلط لفظ چڪاسي وٺنداسون ۽ پنهنجين لکڻين کي غلطين کان پاڪ ڪري سگهنداسون ۔۔۔ اوهان دوست، سنڌي ٻولي کي ڪمپيوٽر جي دنيا ۾ وڌ کان وڌ استعمال وري ڏس ۾ جيڪي سهولتون مهيا ڪري رهيا آهيو، انجو اجر اسان وٽ ته نه پر رب العالمين وٽ آهي جو پنهنجي قوم ۽ ٻولي جي خدمت ڪرڻ ايمان جو حصو آهي ۔۔۔ ساڻيهه ۽ ساڻيهه سان لاڳاپيل هر شئي جي حفاظت ڪرڻ اسانجو فرض آهي ۔۔۔ لک ٿورا سائين محترم ۔۔۔ اميد ته اوهان اسانجي هن اڱڻ کي روشن ڪندا رهندا ۔۔۔ سنڌ سلامت ساٿ سلامت
جواب: سنڌي جو (شايد) پهريون هِجي چڪاسيندڙ (اسپيل چيڪر) بهترين سائين هي ننڊي سافٽوئير نه پر هڪ وڏي ڪوشش آهي
جواب: سنڌي جو (شايد) پهريون هِجي چڪاسيندڙ (اسپيل چيڪر) سائين نظاماڻي صاحب اوهان جا ٿورا هي سنڌي ٻوليء لاء هڪ اهم ڪم آهي ۽ انشاءالله وقت سان گڏ ترقي ڪندو۔ اوهان جي ڪيل ڪم جي ڪهڙي تعريف ڪجي جو هي هڪ منفرد ۽ زبردست قسم جو عملي ڪم آهي۔ يقينن هي اسان لاء گهڻو مددگار ثابت ٿيندو لک ٿورا اوهان جا ۽ دعائون اوهان لاء ته سنڌي ٻوليء جي ترقيء ۾ پنهنجو ڪردار ادا ڪري سگهو۔
جواب: سنڌي جو (شايد) پهريون هِجي چڪاسيندڙ (اسپيل چيڪر) ادا نظاماڻي توهان جي اهڙي بهترين پراجيڪٽ تي اوهان کي دل جي گهراين سان مبارڪ باد هجي۔۔ نيڪ روشن هجي ته سنڌ يونيورسٽيءَ جي آءِ آءِ سي ٽي ڊپارٽمنٽجي هڪ ليڪچرار پاران سنڌي اسپيل چيڪر جو پراجيڪٽ ڪاميابيءَ سان هلي رهيو آهي، جيڪوشايد سندن ايم فِل پروگرام جو حصو آهي۔۔۔ اهو هڪ ته عام ايم ايس آفيس جي لاءِ آهي ان سان گڏ سنڌي ورڊ پراسيسر جي لاءِ به آهي، جيڪو پڻ سندس تخليق ڪيل آهي۔۔۔ توهان جي محنت کي سلام آهي اميد ته اهڙي محنت جاري رکي سنڌ لاءِ ڪي اڃان به بهتر سافٽويئر تيار ڪندا۔۔۔ دوستو! ادا نظاماڻي جهڙن دوستن جي ڪري اسان جون اميدون زنده آهن ته انشاءَالله سنڌي ٻولي اڃان ترقي ڪندي ۽ ضرور ڪندي ڇو ته آءِ ٽي جا ماهر ان جي لاءِ پاڻ پتوڙي رهيا آهن۔۔۔
جواب: سنڌي جو (شايد) پهريون هِجي چڪاسيندڙ (اسپيل چيڪر) ادا نظاماڻي ڀاء توهان جي وڏي مهرباني جو توهان پنهنجي بيش بها قيمتي معلومات اسان سان شيئر ڪئي ڏنل لنڪس تان ڊائون لوڊنگ ته ڪئي آهي ليڪن ان کي استعمال نه ڪيو آهي استعمال ڪري وڌيڪ راء پوء ڏبي بهرحال اهڙي بهترين ڪوشش تي اوهان کي مبارڪ هجي الله تعالي توهان کي مزيد توفيق ڏيندو جو اوهان اڃا به سنڌي قوم جي بهتري لاء اڳتي قدم کڻندا رهندا.
