ادا اسلا م عليڪم اسان جڏهن به ڪو نئون آرٽيڪل لکڻ کانپوء موڪليندا آهيون ته اهو فيل ٿي ويندو آهي پيج تي لکجي آيندو آهي ته توهان لاگ آن نه آهيو،وري جڏهن ٻيهر لاگ ان ٿيڻ جي ڪوشش ڪندا آهيون ته لکجي ايندو آهي ته اوهان پهريون ئي لآگ ان هو انڪري پيج کي تازو ڪيو ۽ جڏنهن پيج کي ريفريش ڪندا آهيون ته سڄو آرٽيڪل مٽجي ويندو آهي ۽ محنت ضايع ٿي ويندي آهي ڪڏهن ڪڏهن ائين به لکيل آيندو آهي ته توهان کي ان ڳاله جي پرميشن نه آهي۔ڇا هڪ ميمبر کي آرٽيڪل موڪلڻ لاء پرميشن جي ضرورت آهي۔جيڪڏهن ها ته ڏاڍي عجيب ڳاله سمجه کان بالاتر آهي۔اها پرميشن ڪنهن کان ۽ ڪيئن حاصل ڪبي۔تفصيلي جواب جو انتظار رهندو . وسلام
جواب: رهنمائي جي ضروت منهنجا پيارا ڀا ! اوهانجي سوال جو تفصيلي جواب ته ادو رشيد اچي ڏيندو ۔۔۔ ممڪن ڪا ٽيڪنيڪل خرابي آئي هجي، پر اوهانجا هڪ يا ٻه ليک ڏسي خبر پوي ٿي ته اوهان نوان ليک پوسٽ ڪري سگهو ٿا ۔۔۔ ۽ هي ليک ان جو ثبوت آهي ۔۔۔ ڇا اوهان سان هن ليک لکڻ ۾ ساڳيو مسئلو آيو هو؟ بهرحال نئين ڌاڳي ٺاهڻ وقت ڪنهن به اجازت جي ضرورت ناهي بس اوهان رڪن هجو ۽ لاگ ان هجو، ڇاڪاڻ سڀ دوست ليک موڪلن ٿا پر ڪنهن کي به ڪا شڪايت نه آئي آهي ۔۔۔ بهرحال ادي رشيد کي اها خبر ڪئي وئي آهي ته جيئن هو ان شڪايت کي ڏسي وٺي ۔۔۔ هر ڪم ڪار ۾ ٻه چار مجبوريون، هڪڙي پيار ۾ هزار مجبوريون ۔۔۔ مطلب ٿوريون مجبوريون ٿين ته گهٻرائڻو ناهي ۔۔۔ممڪن اوهان ڪٿي ڪا غلطي ڪندا هجو ۔۔۔؟ لک ٿورا ۔۔۔
جواب: رهنمائي جي ضروت ادا ولسلام اهو ٿي سگهي ٿو ته اوهان جي برائوزر جو مسئلو هجي آرٽيڪل موڪلڻ لا اجازت جي ضرورت ته نه هوندي آهي ۽ ڪڏهن ڪڏهن مسلسل پيج تي ڪم نه ڪرڻ جي ڪري ٿي ويندو آهي پر آرٽيڪل جي پيج تي موٽي ايندو آ وڌيڪ ته اسان جا بزرگ ويٺا آهن سي اوهان جي رهنمائي فرمائيندا منهنجي سمجهه ۾ جيترو هو آ ٻڌايو اوهان کي۔
جواب: رهنمائي جي ضروت ادا اهو ڪو ٽيڪنيڪل ايرر آهي ان جي حوالي سان ادا رشيد ئي ڪو حل ٻڌائي سگهي ٿو فورم تي ٽيڪنيڪل ايرر جي وڌيڪ ڄاڻ ادا رشيد يا وري ادا عامر ئي ٻڌائي سگهي ٿو وڌيڪ توهان به ٿوري معلومات ڏيو ته توهان ڪهڙو برائوز استعمال ڪندا آهيو سدائين گڏ
جواب: رهنمائي جي ضروت محترم دوست غلام مصطفى صاحب توهان جي سوال کي مان ٽن حصن ۾ ڪري جواب ڏيندس۔۔۔۔ دوست ان سلسلي ۾ عرض ته سنڌ سلامت فورم تي لاگ ان ٿيڻ کان پوءِ ڪو پيج نه کولڻ دوران هڪ وقت مقرر ٿيل آهي جنهن جا ڪجهه ته ٽيڪنيڪل سبب آهن جڏهن ته هڪ سبب اهو به آهي ته جيئن مرڪزي صفحي ته موجود فورم جي اسٽيٽڪ واضح هجي ته فورم تي ڪيترا رڪن موجود آهن۔۔۔ مون کي لڳي ٿو توهان ڪنهن به آرٽيڪل لکڻ دوران مقرر ڪيل وقت کان وڌيڪ وقت وٺو ٿا۔۔۔ جنهن ڪري لاگ آئوٽ ٿي ويندا هوندا۔۔۔ ان جو هڪ حل اهو آهي ته آرٽيڪل لکڻ کان پوءِ Ctrl+A پريس ڪري لکيل آرٽيڪل کي سليڪٽ ڪريو ۽ هڪ دفعو ڪاپي واري ڪمانڊ Ctrl+C استعمال ڪندي پنهنجي لکيل تحرير کي ڪاپي ڪري وٺو ته جيئن غلطي جي صورت ۾ توهان وٽ مواد ڪاپي طور موجود رهي۔۔۔ جڏهن ته ٻي صورت ۾ لاگ ان ٿيڻ دوران ”مونکي هر دفعي يادرکو “ جملي ڀرسان موجود چيڪ باڪس تي چيڪ لڳائي ڇڏيو۔۔۔ جنهن کان پوءِ اميد ته توهان لاگ آئوٽ نه ٿيندو۔۔۔۔ توهان هڪ ئي وقت ۾ سنڌ سلامت جا ٻه صفحا کوليا هوندا ۔۔۔ ۽ هڪ صفحي تي لاگ ان ٿي ٻئي صفحي کي ريفريش ڪرڻ سان اهو ايرر اچي سگهي ٿو ۔۔۔۔ حل ساڳيو مٿي ٻڌايو اٿم۔۔۔۔ اهو ايرر ان صورت ۾ ايندو آهي جڏهن سنڌ سلامت فورم توهان جي موضوع کي گوگل ۽ ٻين سرچ انجڻ ۾ شامل ڪرڻ لاءِ پاڻمرادو ٽيگ لڳائيندو آهي ۽ ٽيگ ڪنهن هڪ اکر ۾ يا ۽ تي مشتمل هجي۔۔۔ ان صورت ۾ ٽيگ منجهان اهي اکر مٽائڻ سان اهو ايرر نه ايندو۔۔۔۔ باقي جي وضاحت سان لکو ته اهو ايرر ڪهڙي جڳهه تي اچي ٿو ته جيئن ان کي درست ڪري سگهجي۔۔۔۔۔ توهان جو مواد اسان سڀني رڪنن ۽ سنڌ سلامت لاءِ انتهائي اهم آهي ۔۔۔۔ مهرباني فرمائي فورم تي لڳائڻ سان گڏو گڏ پاڻ پڻ محفوظ رکو ته جيئن اهڙين غلطين جي صورت ۾ مواد محفوظ رهي۔۔۔ باقي ڪوشش جاري آهي ته سنڌ سلامت تي ايندڙ اهڙي قسم جي ايررس کي مڪمل طور ختم ڪرڻ لاءِ ڪي تڪڙا اپاء وٺي سگهجن۔۔۔۔ تيسيتائين اميد ته تعاون جاري رکندا۔۔۔۔
جواب: رهنمائي جي ضروت ڀاء غلام مصطفى اميد ته سائين عبدالرشيد جن جي تحرير سان اوهان جو مسئلو حل ٿي ويو هوندو ليڪن هڪ سجيشن منهنجي طرفان به عرض آهي ته ڪجهه برائوزرن ۾ سنڌ سلامت تي ڪم ڪرڻ وقت بيڪ اسپيس ڪم نه ڪندو آهي يا ڪي حرف صحيح نه ٿا لکي سگهجن جيئن اوپيرا ۾ ۽ لفظ نه ٿو لکي سگهجي ڱ به نه ٿو لکي سگهجي انلاء اوهان پهريان ورڊ ۾ مڪمل تحرير لکي پوء ڪاپي پيسٽ ڪري فورم تي شيئر ڪيو ان طرح سان مواد توهان وٽ محفوظ به رهندو ۽ ڪا دقت به نه ٿيندي.
