ســارا رســتــا ڪــوهــيـڙي ۾ ، پنهنجا سـپنـا ڪــوهــيـڙي ۾

[JUSTIFY]نوجوان شاعر امر اقبال جو اصل نالو محمد اقبال ولد الهورايو چنه آهي. هن سنڌ جي نامياري استاد ، شاعر ۽ محقق عطا محمد حاميء جي ڳوٺ سوهو ڪناسرا تعلقي ڪوٽڏجي ضلع خيرپور ۾ پهرين اپريل 1974 تي جنم ورتو. مئٽرڪ سينٽ ٿريسز هاء اسڪول خيرپور ۽ انٽر سپيريئر سائنس ڪاليج خيرپور مان 1991 ۾ ڪيائين. اين اِي ڊي يونيورسٽي ڪراچيءَ مان 1997 ۾ بِي اِي سول انجنيئرنگ ۾ ڪيائين

امر اقبال 1992 کان شاعري شروع ڪئي ۽ ٿوري عرصي ۾ غزل ، نظم ۽ وائي جي صنف تي عبور حاصل ڪري ورتائين. سندس شاعري سمورن مشهور رسالن ۽ ادبي پرچن ۾ ڇپبي رهي آهي. سندس شاعري جا ٻه شعري مجموعا ڇپيا آهن
[/JUSTIFY]
سمند اڪيلو آهي 2004
اکين مان ٽميل نظم 2004

پاڻ سچل يادگار ڪميٽي ، حامي يادگار ڪميٽي جا ميمبر ۽ سرگرم رڪن آهن

سندن شاعري هتي وند ڪجي ٿي :

ســارا رســتــا ڪــوهــيـڙي ۾
پنهنجا سـپنـا ڪــوهــيـڙي ۾

هــاء مسـافــر مــونجهـاري ۾
آهـــن بــيــٺا ڪــوهــيـڙي ۾

چـــهـرا ڌنـــڌلا ، ۽ ڌنــڌ لا ٿــيا
ســـــــڀ آئـــــينـا ڪـــوهــيـــڙي ۾

تــون چــپ مٺـڙي پر تنهنجا ٻئي
نــيڻ پئي مرڪيــا ڪــوهــيـڙي ۾

ڪافيء جو ڪپ تنهنجون ڳالهيون
شـام جــا لــمحــا ڪــوهــيـڙي ۾

تــنهــا رســتو ۽ خـــــامـــوشــــي
شـــــاعــر تــنهــا ڪــوهــيـڙي ۾



​

 

جواب: ســارا رســتــا ڪــوهــيـڙي ۾ ، پنهنجا سـپنـا ڪــوهــيـڙي ۾

سائين تمام بهترين بابا پر ادا سليمان هي مصرو اسان کي سمجه نه آيو ڳاله ڪوهيڙي جي پوء ڪافي وري صبح مان شام يار اسان جهوونن جو دماغ۔ ۔ ۔۔ ۔ ۔۔ شام جا لمحا ڪوهيڙي ۾ يار سمجه نه آئي

 

جواب: ســارا رســتــا ڪــوهــيـڙي ۾ ، پنهنجا سـپنـا ڪــوهــيـڙي ۾

سائين جي اسان جهڙو جهونو جي صبح صبح سان ڪافي پيئي سکڻي هانء ته پوء آنڊن ۾ جي وٽ نه پوندس ته هانء تي وٺ ضرور ٿيندس پر بابا شاعر درد سهڻ جا پڪا هوندا آهين صبح صبح جو ڪافي پي ويندا ڪجه نه ٿيندن ۔۔ ۔ ۔

 

جواب: ســارا رســتــا ڪــوهــيـڙي ۾ ، پنهنجا سـپنـا ڪــوهــيـڙي ۾

يار علي هاڻي واقعي جهونو ٿي ويو آهين شايد شام جي اداس پاڇن ۾ اٿندڙ ڌنڌ يا ڪوهيڙو ڪونه ڏٺو اٿئي يا وسري ويو اٿئي۔ ٻيو ته ڪجه ڏينهن اڳ ٿڌ جي مند ۾ جيڪا سڄي سنڌ سان ڪوهيڙي ڪئي هئي اها شايد توهان کي خبر ڪونهي۔

۽ وري اوهان شاعرن جي به مرضي هوندي آهي ۔۔۔۔۔۔۔۔۔۔۔۔ هاهاهاها ۔۔۔۔۔۔پاڻ شاعرن مان ڪونهيون بابا

 

جواب: ســارا رســتــا ڪــوهــيـڙي ۾ ، پنهنجا سـپنـا ڪــوهــيـڙي ۾

سائين اسان ڪجه ڪونه چونداسون جو اوهان ۽ عليء جو شمار هاڻي شاعرن ۽ اديبن ۾ پيو ٿي۔ سو اهو ته اوهان پاڻ ئي ڀلي ڀت سمجهي سگهو ٿا ۽ محسوس ڪري سگهو ٿا۔

باقي مونکي امر اقبال جي شاعري وڻي سو دوستن سان ونڊ ڪئي

 

جواب: ســارا رســتــا ڪــوهــيـڙي ۾ ، پنهنجا سـپنـا ڪــوهــيـڙي ۾

عاشق جي مهرباني

پيارا ماڻهو ، پياري شاعري ۽ پيارو عاشق سو سڀ ملي سنڌ ٺاهي ٿا ڇڏين۔ امر جهڙو سهڻو انسان اهڙوئي ڀلو شاعر آهي

 

جواب: ســارا رســتــا ڪــوهــيـڙي ۾ ، پنهنجا سـپنـا ڪــوهــيـڙي ۾

ادا ممتاز اوهان جا لک قرب