. زال 1؛ منهنجي شام تمام مزيدار گذري … تنهنجي ڪيئن گذري؟ زال 2؛ بيڪار، مون وارو مڙس آيو، ٽن منٽن ۾ رات جي ماني کائي ورتائين ۽ ٻن منٽن ۾ ننڊ وٺي ويس … ڀلا تنهنجي ڪئين مزيدار گذري؟ زال 1؛ اصل ڳالهه نه پڇ! مزيدار … مون وارو مڙس گهر آيو ۽ مونکي ٽيڪسيءَ ۾ وٺي ويو هڪ سهڻي هوٽل ۾ وڃي ماني کاڌي سون، ان کانپوءِ تمام سهڻي علائقي مان گهمندي گهر آياسون ۽ مون واري مڙس هر طرف موم بتيون ٻاري مونکي پنهنجي سامهون ويهار ي ڪلاڪن جا ڪلاڪ ويهي ڳالهيون ڪيون … بس ڇا ٻڌايان ڄڻ خواب هو …!!! ساڳي ئي وقت انهن زالن جا مڙس آفيس ۾ ويهي رات جو تذڪرو ڪجهه هيٺين ريت ڪري رهيا هئا. مڙس 1؛ تنهنجي شام ڪيئن گذري ...؟ مڙس 2 ؛ تمام آرامده ... آءُ گهر پهتم، رات جي ماني کاڌي واري ميز تي پيل هئي، مون مزي سان کاڌي ۽ ننڊ وٺي وئي ... اصل آرام اچي ويو ۽ صبح تازو توانو ٿي اٿيس ... ۽ ها تنهنجي ڪيئن گذري ...؟؟؟ مڙس 1؛ بيڪار اصل ٿڪجي پيس، آءُ گهر پهتم ته ماني تيار نه هئي ۽ بجلي به ڪون هئي، مون پاڻ واري زال کي کنيو ٽيڪسيءَ ۾ هڪ هوٽل ۾ وڃي ماني کاڌي، کيسو ئي خالي ٿي ويو، جنهن سبب ٽيڪسيءَ جا پئسا به نه بچيا انڪري پنڌ گهر آياسون، گهر پهتاسون ته بجلي اڃان ڪون آئي هئي ... انڪري سڄي گهر ۾ موم بتيون ٻارڻيون پيون، بجلي نه هجڻ سبب ننڊ به نه ٿي آئي ۽ مون واري زال به ڦيريون پائيندي وڦلندي رهي ... مطلب اصل رات وارو ٿڪ اڃان اکين ۾ آهي ...
جواب: زال ۽ مڙس ها ها ها سائين اصل ڏاڍي ٿئي مڙسن سان ها ها ها اصل مزو ئي اچي ويو بهترين ڪوشش آهي سائين سدائين گڏ
جواب: زال ۽ مڙس سائين ان کي چوندا آهين ادي کي جن نه ڪن ۔۔ ۔ ۔ ۔سو ڀلا جي مون واري جهوني کي به ان ڳاله جي خبر پئي ته اجهوني سان به نه اهڙي ويڍن ٿئي ان ڪري سان مان اهو لطيفو گهر ۾ ويهي ڪونه پڙهندس ٻاهر ڪيفي ۾ وڄي ٿو پڙهان ڪي اسان سان به نه اها ۔۔ ۔ ۔ ۔۔ پر يار انهن زالن جي دانهن ڪاڪي آچار کي ڏيڻي پوندي پر مڙس ويچارو جي ڪاڪي آچار کي فون ڪري ها ته هو ضرور پاڻ وارو رڪشو ڪاهي اچي ها پر يار لڳي ٿو ڪاڪي پهنجي نمبر مٽائي ڇڏيو آهي
جواب: زال ۽ مڙس مطلب سوچ جو فرق آهي باقي ڳاله ته ٻنهي جي هڪ ئي آهي۔ هڪ مثبت طريقي سان ۽ ٻئي منفي طريقي سان ڪئي آهي ۔۔۔۔۔ زال ته خوش ٿي باقي مڙس سان ڇا وهيو واپريو اهو به ظاهر آهي ۔۔۔۔۔۔۔۔ هاڻي ڪنهن ڏانهن اشارا آهن اهو ته جهونا ئي ٻڌائي سگهن ٿا۔
جواب: زال ۽ مڙس سائين محترم اوهان بلڪل صحي چيو ، زال جي لاءِ جيڪا شئي مزيدار آهي سا مڙس لاءِ وبال آهي اها خبر مونکي ڏاڍي دير سان پئي ۔۔۔ سنڌيءَ ۾ ان لاءِ کوڙ ساترا پهاڪا آهن پر ڪجهه پهاڪا ته اهڙا آهن جو هت ٻڌائڻ جهڙا به ناهن ۔۔۔ پوءِ به زال ۽ مڙس گاڏيءَ جا ٻه ڦيٿا هوندا آهن ۔۔۔ هڪڙو هلندو ته ٻيو به هلندو ۽ جي هڪ به بيهي رهيو ته گاڏي ۔۔۔؟؟؟؟ لک ٿورا ۔۔۔
جواب: زال ۽ مڙس بلڪل سائين! زال ۽ مڙس هڪ ئي گاڏي جا ٻه ڦيٿا هوندا آهن۔۔ پر خبر اٿوَ ڪهڙي گاڏي۔۔؟؟؟ ٽريڪٽر۔۔۔۔ جنهن جي ڦيٿن ۾ گهٽ وڌائي هوندي آهي۔۔۔ پوءِ اهڙي طرح ڪنهن ڪنهن جڳهه تي زال کي ننڍو ڦيٿو ٿيڻو پوي ٿو ته ڪٿي وري ڏسندو ته مڙس ننڍو ڦيٿو لڳو پيو آهي۔۔
